2 Samuwiila 9:3 - Dewtere Laamɗo Fulfulde Burkina Faso

³ Kaananke ƴami mo: — Yalla na heddii e ley suudu Sawulu mo mbaawumi hollude hinney Laamɗo naa? Siba jaabii kaananke, wi'i: — Ayyo, na heddii ɓii Yonatan gooto. De o bonngiiɗo koyɗe ɗiɗi fuu.

2 Samuwiila 9:3 ပူးပေါင်းရင်းမြစ်များ

2 Samuwiila 19:26

Nde o wardi e yimɓe Urusaliima faa o jaɓɓitoo kaananke ndeen, kaananke wi'i mo: — Mefiboset, ko waɗi a yaadaay e am?

2 Samuwiila 19:27

O jaabii, o wi'i: — Joomam kaananke, golloowo am Siba oon hiilii kam. Aɗa anndi wo mi bonnguujo. De miin maccuɗo maaɗa, mi wi'i Siba hirkinana kam araawa am faa mi waɗɗoo nga, mi jokke.

2 Samuwiila 4:4

Tawi Yonatan ɓii Sawulu ina woodi ɓiɗɗo gorko. Innde makko wo Mefiboset. Nde kabaaru Sawulu e Yonatan ƴuurnoo Yesre'el ndeen, o waɗii duuɓi joy. Wakkati oon debbo ndaaranoowo mo hooƴi mo de doggi. Ammaa nde o doggannoo ndeen, suka oon saami, heli, laatii bonnguujo.

2 Samuwiila 9:13

Nii Mefiboset wuurdi ley Urusaliima sabo wakkati fuu o nyaamdan e kaananke. Wo o bonngiiɗo koyɗe ɗiɗi fuu.

2 Samuwiila 9:7

Daawda wi'i mo: — Taa hulu, sabo sikke walaa mi hollete hinney saabe bammaa Yonatan. Mi hokkitete leyɗe ɗe maammaa Sawulu jeynoo fuu, de wakkati fuu a nyaamdan e amin.

Luuka 6:36

Laatee yurmotooɓe, hono no Baaba mooɗon yurmortoo noon.

Fillitagol 10:15

Wo e maamiraaɓe mooɗon tan Joomiraaɗo takkondiri de yiɗi ɗum'en, gaɗa muɓɓen du, wo onon taaniraaɓe muɓɓen ɓeen o suɓii hakkunde lenyi keddiiɗi fuu hono no worri hannden noon.

Fillitagol 4:37

O yiɗii maamiraaɓe mooɗon de o suɓii ƴuwdi muɓɓen. Wo kanko e hoore makko wurtiniri on leydi Misira e semmbe mawɗo.