2 Samuwiila 8:6 - Dewtere Laamɗo Fulfulde Burkina Faso

⁶ Daawda joƴƴini kawrite dawrooɓe faro Damas toon, de Siiriyankooɓe ɓeen du laatii maccuɓe Daawda na njoɓa ɗum lampo. Nokku fuu to Daawda yehi, Joomiraaɗo na hokka ɗum jaalagol.

2 Samuwiila 8:6 ပူးပေါင်းရင်းမြစ်များ

2 Samuwiila 10:19

Wakkati kaanankooɓe ɗowtaniiɓe Hadadeser ɓeen njiinoo Israa'iila'en njaalake ɗum'en ndeen, ɓe ndewriti e muɓɓen, ɓe laatii maccuɓe muɓɓen. Caggal ɗuum, Siiriyankooɓe cuusaay wallude Amoninkooɓe katin.

2 Samuwiila 23:14

Daawda na woni ley nokku muuɗum deenorɗo, kawrital sordaasiiɓe Filistiyankooɓe du na ngoni Baytilaama.

2 Samuwiila 3:18

Ndelle ngaɗee ɗum. Sabo Joomiraaɗo fodanake Daawda, wi'i «Ley junngo maccuɗo am Daawda mi hisinan yimɓe am Israa'iila e juuɗe Filistiyankooɓe e juuɗe wayɓe maɓɓe fuu.»

2 Samuwiila 5:10

Daawda na ɓeyda semmbe wakkati fuu sabo Joomiraaɗo, Laamɗo Jom Kammu e Leydi ina wondi e muuɗum.

2 Samuwiila 7:9

Miɗo wondi e maa nokku fuu to njahuɗaa. Mi ittii wayɓe ma fuu yeeso maa. Joonin du, mi mawninan innde maaɗa hono inɗe ɓurɓe teddude ley adunaaru.

2 Samuwiila 8:14

O joƴƴini kawrite dawrooɓe ley leydi Edom fuu. Yimɓe Edom ɓeen fuu laatii maccuɓe makko. To Daawda yehi fuu Joomiraaɗo na hokka ɗum jaalagol.

2 Samuwiila 8:2

Daawda jaalii Mo'abinkooɓe du. O fukkini nanngaaɓe ɓeen e leydi de o fonndiri ɓe e ɓoggol ponndirgol. Si ɓoggol ngool fonndaama e fukkiiɓe ɓeen kile ɗiɗi fu, ɓeen kaa mbaree. Si ngol fonndaama nde wootere du, ɓeen kaa accee mbuura. Mo'abinkooɓe ɓeen laatii maccuɓe Daawda, iɓe njoɓa ɗum lampo.

2 Samuwiila 8:7

Daawda jaɓii bawaaɗe kaŋŋe ɗe maccuɓe Hadadeser tiiginoo ɗeen, yaari ɗe Urusaliima.

2 Kaanankooɓe 1:1

Caggal maayde Ahabi, Mo'ab muurtani Israa'iila.

2 Kaanankooɓe 14:28

Kabaaru Yerobo'am keddiiɗo e semmbe laamu muuɗum e konuuji ɗi waɗani Israa'iila e no yecciniri galluuje Damas e Hamat ɗe Yahuuda teetunoo leydi Israa'iila e ko waɗi fuu na winndaa ley Dewtere Kabaaruuji Kaanankooɓe Israa'iila.

2 Kaanankooɓe 18:7

Joomiraaɗo du na wondi e makko. O heɓi barke golleeji makko fuu. O muurtani kaananke Asuura de seli dawrande mo.

2 Kaanankooɓe 3:4

Mesa, kaananke Mo'ab na woodunoo cogge baali ɗuuɗɗe. Hitaande fuu, imo yoɓannoo kaananke Israa'iila ɓiɓɓe baali 100.000 wooɗi du imo yoɓannoo leeɓi ittaaɗi e jawɗi 100.000.

1 Kabaaruuji Laamiiɓe 18:13

O joƴƴini sordaasiiɓe ley Edom de yimɓe leydi ndiin fuu laatii maccuɓe Daawda. Joomiraaɗo na hokkannoo mo jaalorgal to yahata fuu.

Banndi 21:31

Pucci na cegilanee nyannde konu, de wo Joomiraaɗo hokkata jaalagol.

1 Samuwiila 13:3

Yonatan jaalake kawrital sordaasiiɓe Filistiyankooɓe wonɓe wuro Geba, de Filistiya'en nani kabaaru oon. Sawulu yamiri luwal fuufee ley leydi Israa'iila fuu de gooyni, wi'i: — Ibraninkooɓe fuu kettindoo!

1 Samuwiila 14:1

Nyannde gomma Yonatan wi'i jokolle tiigiiɗo kaɓitirɗe mum: — War, peƴƴiten faa kewten jipporde Filistiya'en wonnde senngo waamnde wonngo. Ammaa o haalanaay baabiiko.

1 Samuwiila 14:15

Ndeen kulol manngol nanngi Filistiya'en ɓeen fuu. Wonɓe ndaaka e wonɓe haɓo, wonɓe nokkuuje goɗɗe e honooɓe yuusotooɓe na kalkina ɓeen fuu, kulol manngol nanngi ɓe. Leydi du dimmbake. Ɗum laatake kulol ƴuurungol to Laamɗo.

1 Samuwiila 14:6

Yonatan wi'i jokolle tiigiiɗo kaɓitirɗem oon: — War, njehen jipporde worɓe ɓe taadaaka ɓe. Na hasii Joomiraaɗo waɗanan en moƴƴere. Sabo fay huunde haɗataa Joomiraaɗo dannude en, nde wo en keewu de en pamɗu.