2 Samuwiila 8:14 - Dewtere Laamɗo Fulfulde Burkina Faso

¹⁴ O joƴƴini kawrite dawrooɓe ley leydi Edom fuu. Yimɓe Edom ɓeen fuu laatii maccuɓe makko. To Daawda yehi fuu Joomiraaɗo na hokka ɗum jaalagol.

2 Samuwiila 8:14 ပူးပေါင်းရင်းမြစ်များ

Fuɗɗoode 25:23

Joomiraaɗo jaabii mo, wi'i: Lenyi ɗiɗi ngoni ley reedu maaɗa, laamuuji ɗiɗi ɗi kawtaa njaltan e maaɗa. Lenyol gootol laatoto ɓurngol semmbe. Mawniiwo oon gollanan minyum.

Fuɗɗoode 27:29

Cuuɗi baaba ngollane! Laamuuji cujidane! Laamoɗaa sakiraaɓe maa! Ɓiɓɓe inna maa cujidane. Kuɗuɗo ma fuu, kuddi ndiin saama dow muuɗum. Du'aniiɗo ma fuu, Laamɗo barkin ɗum!

2 Samuwiila 5:10

Daawda na ɓeyda semmbe wakkati fuu sabo Joomiraaɗo, Laamɗo Jom Kammu e Leydi ina wondi e muuɗum.

2 Samuwiila 7:9

Miɗo wondi e maa nokku fuu to njahuɗaa. Mi ittii wayɓe ma fuu yeeso maa. Joonin du, mi mawninan innde maaɗa hono inɗe ɓurɓe teddude ley adunaaru.

2 Samuwiila 8:15

Daawda laamii Israa'iila fuu, ina waɗa ko dartii e ko fonnditii dow yimɓem.

2 Samuwiila 8:6

Daawda joƴƴini kawrite dawrooɓe faro Damas toon, de Siiriyankooɓe ɓeen du laatii maccuɓe Daawda na njoɓa ɗum lampo. Nokku fuu to Daawda yehi, Joomiraaɗo na hokka ɗum jaalagol.

1 Kaanankooɓe 11:15

Tawi wakkati mo Daawda haɓdanno e Edom ndeen, Yo'ab hooreejo sordaasiiɓe yehino faa mooɓowa Israa'iila'en maayɓe ley wolde ndeen. Wakkati oon Yo'ab wari worɓe leydi Edom fuu.

1 Kaanankooɓe 22:47

Yehosafat halkii waɗooɓe woykuuru saabe tooruuji muɓɓen, heddinooɓe ley leydi ndiin gilla wakkati bammum Asa.

1 Kaanankooɓe 22:48

Kaananke walaano wuro Edom ammaa kalfinaaɗo laamu na wonno toon.

2 Kaanankooɓe 14:7

Caggal ɗuum Amasiya hawri e Edominkooɓe de wari worɓe 10.000 ley Naɗɗol Lamɗam. O teeti galluure Sela, o inndiri nde Yokteyel. Noon galluure ndeen wi'etee faa warde hannden.

2 Kaanankooɓe 18:7

Joomiraaɗo du na wondi e makko. O heɓi barke golleeji makko fuu. O muurtani kaananke Asuura de seli dawrande mo.

1 Kabaaruuji Laamiiɓe 18:13

O joƴƴini sordaasiiɓe ley Edom de yimɓe leydi ndiin fuu laatii maccuɓe Daawda. Joomiraaɗo na hokkannoo mo jaalorgal to yahata fuu.