2 Samuwiila 7:8 - Dewtere Laamɗo Fulfulde Burkina Faso

⁸ Jonle, hollu maccuɗo am Daawda, «Inan ko miin Joomiraaɗo Jom Kammu e Leydi wi'i: Miin itti ma durngol cogge, yaari ma faa laatoɗaa hooreejo dow yimɓe am Israa'iila.

2 Samuwiila 7:8 ပူးပေါင်းရင်းမြစ်များ

2 Samuwiila 12:7

Ndeen Natan wi'i Daawda: — Aan woni gorko oon! Inan ko Joomiraaɗo, Laamɗo Israa'iila wi'i: «Mi joorii hoore maa nebbam faa laatoɗaa kaananke Israa'iila, mi dannii ma e junngo Sawulu.

2 Samuwiila 14:13

Debbo oon wi'i: — Ko waɗi aɗa miiloo waɗude kulle iri ɗe e yimɓe Laamɗo? Sabo e ley ko kokkuɗaa kam sariya oon joonin, aan kaananke aɗa fela hoore maa. Sabo a wartiraay diiwaaɗo.

2 Samuwiila 23:1

Inan haalaaji Daawda cakitiiɗi, haalaaji Daawda ɓii Yesa, konngol gorko mo Laamɗo toowni, mo Laamɗo Yaakuuba waɗi kaananke, jimoowo jimi belɗi jeyaaɗo Israa'iila. Kettindanee mo:

2 Samuwiila 24:17

Nde Daawda yi'unoo maleyka kalkoowo yimɓe oon ndeen, wi'i Joomiraaɗo: — Wo miin lutti waɗi hakke. Yimɓe ɓe kaa wo baali tan, ɗume ɓe ngaɗi? Accu junngo maa wara dow am e dow lenyol baabam.

2 Samuwiila 5:2

Arande nde Sawulu laaminoo min ndeen, wo aan ardotoo Israa'iila ley jahaale e garte wolde fuu. Katin du, Joomiraaɗo wi'ii ma, aan durata yimɓe muuɗum Israa'iila, laatoɗaa hooreejo maɓɓe.

2 Samuwiila 6:21

Daawda jaabii mo, wi'i: — Wo saabe Joomiraaɗo de ceyiimi. Kam suɓii kam dow bammaa e dow suudu bammaa fuu. Kam joƴƴini kam mi laatoo hooreejo yimɓe mum Israa'iila. Ndelle mi weltoto yeeso Joomiraaɗo.

1 Kaanankooɓe 3:6

Suleymaana jaabii wi'i: — A hollii maccuɗo maaɗa baaba am Daawda njinngu koolniingu manngu sabo o ɗowtanake ma e hoolaare e fonnditaare e laaɓal ɓernde. A reenanii mo njinngu koolniingu ko kokkuɗaa mo ɓiɗɗo loomtuɗo mo dow jooɗorgal laamu makko, iɗum laatorii noon hannden.

1 Kaanankooɓe 8:16

«Gilla nyannde mburtinnoomi yimɓe am leydi Misira ndeen, mi suɓaaki galluure hakkunde lenyi Israa'iila to innde am nyiɓantee suudu. Wooɗi du, mi suɓaaki gorko faa laatoo kaananke yimɓe am Israa'iila'en ɓeen. Ammaa mi suɓake Daawda faa laatoo hooreejo yimɓe am Israa'iila'en.»

1 Kabaaruuji Laamiiɓe 17:7

Ndelle kaaldaa e Daawda maccuɗo am oon mbi'aa ɗum: «Inan ko Joomiraaɗo Jom Kammu e Leydi wi'i: Wo miin wari hooƴi ma ley durdude, aɗa wonnoo gaɗa coggal baali, faa mi waɗe ardiiɗo yimɓe am Israa'iila'en.

1 Kabaaruuji Laamiiɓe 21:17

Daawda wi'i Joomiraaɗo: — Yalla wanaa miin yamiri yimɓe Israa'iila limee naa? Ndelle wo miin waɗi hakke, miin waddi bone oon. Ammaa coggal ngal le, ɗume ngal waɗi? Yaa Joomiraaɗo, Laamɗo am! Ndelle kiite ma saama dow am e dow suudu am tan. Miɗo ŋaare taa njukkoroɗaa yimɓe maaɗa ɓeen masiiba.

Amos 7:15

Ammaa Joomiraaɗo hooƴii kam gaɗa coggal na'i de wi'ii kam: «Yahu kaaldiraa yimɓe am Israa'iila'en ɓeen e annabaaku.»

Golle Nelaaɓe 7:46

Daawda heɓi moƴƴere Laamɗo, o nyaagii ɗum faa yardoo o nyiɓana Laamɗo Yaakuuba joonnde.

1 Samuwiila 10:1

Ndeen Samuwiila hooƴi jollooru nebbam, joori ɗam e dow hoore Sawulu, muccii ɗum, wi'i: — Nii Joomiraaɗo waɗiri ma hooreejo dow lenyol muuɗum cuɓaangol. Inan maande holloore ɗum:

1 Samuwiila 2:8

O ummina talkaaɓe e sollaare, o wurtina waasuɓe e ley ndoondi, faa ɓe njooɗodoo e kaanankooɓe, ɓe ndona jooɗorgal teddeengal. Sabo kanko jeyi joƴƴinirɗe adunaaru, dow majje o joƴƴini adunaaru.

1 Samuwiila 9:16

— Jaango wakkati o, mi nuldete gorko jeyaaɗo leydi Benjamin. Njooraa hoore makko nebbam faa o laatoo ardiiɗo yimɓe am Israa'iila. O hisinan yimɓe am e juuɗe Filistiya'en. Mi yi'ii tiiɗallaaji yimɓe am, bullaali maɓɓe kewtii kam.