2 Samuwiila 7:6 - Dewtere Laamɗo Fulfulde Burkina Faso

⁶ Wo goonga, mi jooɗaaki ley suudu illa nyannde nde njaarunoomi yimɓe Israa'iila leydi Misira faa warde hannden. Miɗo yuusoo ley hukum laatiiɗo joonnde am.

2 Samuwiila 7:6 ပူးပေါင်းရင်းမြစ်များ

2 Samuwiila 11:11

Uriya wi'i Daawda: — Keesuwal Amaana Laamɗo e yimɓe Israa'iila e Yahuuda na njooɗii ley hukumuuji de joomam Yo'ab e worɓe mum na ndaaki ley njaayri. Noy mbaawrumi hootude faa mi nyaama mi yara mi fukkodoo e deekam? Mi hunorake nguurndam maaɗa mi waɗataa noon koy!

1 Kaanankooɓe 8:16

«Gilla nyannde mburtinnoomi yimɓe am leydi Misira ndeen, mi suɓaaki galluure hakkunde lenyi Israa'iila to innde am nyiɓantee suudu. Wooɗi du, mi suɓaaki gorko faa laatoo kaananke yimɓe am Israa'iila'en ɓeen. Ammaa mi suɓake Daawda faa laatoo hooreejo yimɓe am Israa'iila'en.»

Golle Nelaaɓe 7:44

Etiyen ɓeydi katin: — Maamiraaɓe meeɗen ɓeen ina njoginoo hukum Seedaaku ley ladde. Hukum oon moƴƴiniraama hono no Laamɗo tindiniri Muusaa, e sifa mo o holli ɗum.

2 Korintunkooɓe 6:16

Yalla amaana ina woodi hakkunde suudu Laamɗo e tooruuji naa? Paamee, enen ngoni suudu Laamɗo Buurɗo oon. Sabo Laamɗo wi'ii: «Mi hoɗidan e maɓɓe, mi yaada e maɓɓe, mi laatoo Laamɗo maɓɓe, kamɓe du, ɓe laatoo yimɓe am.»

Fillitagol 23:14

Gooto mon fuu na haani tawree ley gineeji muuɗum ko waawi wasirde. Nde joomum yehi ladde fuu, wasa de uwa.

Yoosuwa 18:1

Nde yimɓe Israa'iila njaalinoo leydi ndiin fuu ndeen, ɓe fuu ɓe kawriti ley Silo. Ɓe ndarni ɗoon hukum Joomiraaɗo.

Holleede 2:1

— Winndan maleyka kawrital goonɗinɓe gonngal Efeesu, mbi'aa: «Inan haalaaji jogiiɗo koode jeɗɗi e junngo muuɗum nyaamo, jahoowo hakkunde fitillaaji kaŋŋe jeɗɗi:

Ardiiɓe 20:27

Ley balɗe ɗeen keesuwal Amaana Laamɗo ina woni ley wuro Baytila. Tawi Pinehas ɓii Eliyasar, taan Haruuna, woni almaami suudu Laamɗo. Ndeen Israa'iilankooɓe ƴami Joomiraaɗo: — Yalla min njahan katin min kaɓda e Benyaminkooɓe, sakiraaɓe amin ɓeen naa min cela? Joomiraaɗo wi'i: — Njehee, sabo jaango mi wattan ɓe e juuɗe mooɗon.