2 Samuwiila 7:23 - Dewtere Laamɗo Fulfulde Burkina Faso

²³ Lenyol fay gootol walaa ley adunaaru nanndungol e yimɓe maaɗa Israa'iila. Si goonga, lenyol gonngol walaa ngol aan Laamɗo yehi soottiti ƴuwde e maccungaaku, faa laatoo yimɓe maaɗa, faa mawninaa innde maaɗa. A waɗanii hoore maa kulle mawɗe, a waɗii kulle kaayniiɗe du saabe leydi maa. A soottitii ndi e leydi Misira, a riiwii lenyi goɗɗi e tooruuji muɓɓen yeeso yimɓe maaɗa.

2 Samuwiila 7:23 ပူးပေါင်းရင်းမြစ်များ

2 Samuwiila 7:24

A jogake yimɓe maaɗa Israa'iila faa ɓe laatoo yimɓe maa faa abada. Aan du Joomiraaɗo, a laatake Laamɗo maɓɓe.

1 Kabaaruuji Laamiiɓe 17:21

Yalla na woodi lenyol ley adunaaru hono ngol Israa'iila, yimɓe ma ɓeen, ngol alla gomma yehi rimɗinowi faa waɗa ɗum'en yimɓe muuɗum naa? A mawninirii innde maaɗa e waɗugol kujje mawɗe kaayniiɗe. A riiwii lenyi yeeso lenyol maaɗa ngol mburtinɗaa leydi Misira ngool.

Nehemiya 1:10

Wo kamɓe ngoni maccuɓe maaɗa, yimɓe maa ɓe kisinirɗaa e semmbe maaɗa mawɗo e baawɗe junngo maaɗa.

Wurtagol 12:12

Jemma oon mi rewan ley leydi Misira, mi waran ko laatii awru ley mayri fuu, gilla e tagaaɓe faa yaha e kulle. Noon ngaɗiranmi sariyaaji am dow allaaji Misira fuu. Miin woni Joomiraaɗo.

Wurtagol 33:16

Si a yaadaay e amin noy faamirtee ko a ndaardii min hinney miin e yimɓe maaɗa. Ndelle sanaa njaadaa e amin sabo wo ɗuum hollata miin e yimɓe ma ɓeen miɗen ceedi e lenyi adunaaru keddiiɗi fuu.

Wurtagol 6:7

Mi waɗan laatoɗon yimɓe am, miin du mi laatoo Laamɗo mooɗon. Ndeen on paaman wo miin woni Joomiraaɗo, Laamɗo mooɗon, burtinoowo on ley golleeji yimɓe Misira tiiɗɗi ɗiin.

Wurtagol 9:15

Sabo si mi foortiino junngo am, mi fiyirii ma, aan e yimɓe maa fuu nyawu mbonngu, tawan on kalkiino ley adunaaru ko ɓooyi.

Wurtagol 9:16

Ammaa mi accii ma mbuuruɗaa faa mi holle baawɗe am, faa innde am sankitoo ley adunaaru fuu.

Limle 6:27

Wo noon ɓe caakirta innde am hakkunde yimɓe Israa'iila de mi barkina ɓe.

Efeesunkooɓe 1:6

faa o yettiree moƴƴere makko mawnde nde walaa kaaddi! O hokkii en moƴƴere ndeen saabe Ɓiyiiko korsuɗo oon.

Fillitagol 10:21

Wo kanko woni mo njettoton. Wo kanko woni Laamɗo mooɗon. Wo kanko waɗi to mooɗon golle mawɗe kulɓiniiɗe ɗe gite mon nji'i ɗeen.

Fillitagol 15:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa rimɗini ma. Wo saabe ɗuum de miɗo hokke yamiroore ndee hannden.

Fillitagol 33:29

Aan Israa'iila, a heɓii barke. Moy wa'i hono maaɗa ni? Aan woni lenyol ngol Joomiraaɗo hisini. Imo laatanii ma wawaade reenoore ma, kanko woni kaafaahi kokkoohi ma jaalorgal. Wayɓe mon turoyto yeeso mooɗon saabe kulol, onon du njaaɓon kunkuuji maɓɓe.

Fillitagol 9:26

Ndu'iimi to Joomiraaɗo mbiimi: — Yaa Laamɗo Joomiraaɗo, taa halku ndongu maaɗa, yimɓe maaɗa ɓe kisinirɗaa manngu maaɗa, ɓe mburtinirɗaa leydi Misira e semmbe mawɗo.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

Yoosuwa 7:9

Si Kanaaninkooɓe e yimɓe wonɓe nder leydi ndi nanii ɗum fu, ɓe tummbiran min, ɓe mooyta inɗe amin nder leydi ndi. De noy ngaɗataa faa innde maa mawnde ndeen anndee?

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!

Holleede 5:9

Heddii iɓe njima jimol kesol, iɓe mbi'a: «Aɗa foti e jaɓude dewtere ndeen de takkitaa takkanɗe uddiraaɗe nde, sabo a hirsanooma. E ƴiiƴam maa coottirɗaa ƴuuruɓe e lenyi fuu e ɗemle fuu e siyiiji yimɓe fuu e laamorɗe fuu faa ɓe njeydaa e Laamɗo.