2 Samuwiila 7:22 - Dewtere Laamɗo Fulfulde Burkina Faso

²² Ɗum fuu na holla manngu maaɗa Laamɗo Joomiraaɗo! Yeru maa walaa! Aan tan woni Joomiraaɗo – abada noppi amin nanaay kabaaru goɗɗo hono maaɗa!

2 Samuwiila 7:22 ပူးပေါင်းရင်းမြစ်များ

2 Samuwiila 22:32

Joomiraaɗo kam tan woni Laamɗo, kam tan woni tefaare.

1 Kaanankooɓe 8:23

o wi'i: — Joomiraaɗo, Laamɗo Israa'iila, hono maaɗa walaa, walaa dow kammu, walaa dow leydi. Aɗa reena amaana, aɗa holla maccuɓe maaɗa jokkirɓe ma e ɓerɗe muɓɓen fuu ɓeen njinngu koolniingu.

1 Kabaaruuji Laamiiɓe 16:25

sabo Joomiraaɗo wo mawɗo sanne, potuɗo teddineede, wo o kulɓiniiɗo ɓuri allaaji keddiiɗi fuu.

Wurtagol 10:2

Mi waɗii ɗum faa pillanoɗaa ɓiɓɓe maa e taaniraaɓe maa no torrirmi yimɓe Misira e no ngaɗirmi maandeeji am kaayniiɗi hakkunde muɓɓen. Noon paamirton miin woni Joomiraaɗo.

Wurtagol 15:11

Moy woni nannduɗo e maaɗa, hakkunde allaaji goɗɗi, yaa Joomiraaɗo? Moy woodi darja e senaare hono maa, Aan kulɓiniiɗo, maneteeɗo, golloowo ko haayni!

Wurtagol 8:10

Yimɓe kawrondini ɗi, ngaɗi ɗi joore-joore. Leydi ndiin fuu luuɓi.

Wurtagol 8:6

Fira'awna jaabii, wi'i: — Jaango. Muusaa wi'i: — Noon ɗum laatortoo faa paamaa ko hono Joomiraaɗo, Laamɗo amin walaa.

Wurtagol 9:14

Sabo joonin kaa, mi nelan masiibaaji am fuu dow maaɗa e dow gollooɓe maa e yimɓe maa faa annditaa ley adunaaru fuu hono am walaa.

Fillitagol 3:24

Laamɗo Joomiraaɗo, a fuɗɗii hollude kam miin maccuɗo maaɗa manngu ma e semmbe maaɗa mawɗo. Yalla alla oye dow kammu e dow leydi waawi waɗude golleeji e kaayeefiiji hono ɗii?

Fillitagol 32:39

Joonin kaa, paamon wo miin, ayyo, wo miin tan, alla goɗɗo waldaa e am. Wo miin warata, wooɗi wo miin wuurnata, wo miin mornyitata, wooɗi wo miin dannata. Fay gooto waawaa dannude goɗɗo e junngo am.

Fillitagol 4:35

Ndelle ɗuum seedanake on wo Joomiraaɗo woni Laamɗo. Goɗɗo walaa si wanaa kanko.

Fillitagol 4:39

Ndelle annditon gilla hannden, wooɗi du taa njeggiton ko Joomiraaɗo woni Laamɗo dow kammu e leydi fuu. Goɗɗo fuu walaa si wanaa kanko.

1 Samuwiila 2:2

Fay gooto laataaki ceniiɗo hono Joomiraaɗo. Laatiiɗo hono maaɗa fuu walaa. Tefaare nanndunde e Laamɗo meeɗen fuu walaa.