2 Samuwiila 4:6 - Dewtere Laamɗo Fulfulde Burkina Faso

^6-7 Ɓe naati faa hakkunde suudu hono wo bootooji alkama ɓe pilotoo. Ɓe naati to suudu makko fukkordu, ɓe tawi imo fukkii dow leeso. Ɓe njuwi reedu makko. Noon ɓe piiri mo faa o maayi. Ɓe taƴi hoore makko de ɓe kooƴi nde. Ɓe ndilli, ɓe ndewi naɗɗol Urdun, ɓe mbaali yaade.

2 Samuwiila 4:6 ပူးပေါင်းရင်းမြစ်များ

2 Samuwiila 2:23

Asahel kaa jaɓaay selde riiwugol mo. Ndelle Abineer yuwiri mo gaɗa labbo. Labbo ngoon yuwi reedu makko de wurtorii caggal makko. O saami de o maayi ɗoon. Neɗɗo fuu garuɗo nokkuure nde Asahel maayi ndeen daroto.

2 Samuwiila 20:10

Ammaa Amasa taykaaki kaafaahi ngonki e junngo Yo'ab nano. Wakkati oon Yo'ab yuwi mo reedu faa teketti makko njoorii e leydi. Nii Amasa maayri, walaa ko o yuwa ɗum ɗiɗaɓerde. Ndeen Yo'ab e sakiike mum Abisay ndiiwi Seba ɓii Bikiri oon.

2 Samuwiila 3:27

Nde Abineer wartunoo Heberon ndeen, Yo'ab yaadi e makko sera to naatirde ngalluure ndeen hono wo yiɗu yiidude e makko. Toon o yuwi laɓi e reedu Abineer faa maayi, sabo Yo'ab na yiɗi yomnitaade ƴiiƴam sakiike mum Asahel.

2 Samuwiila 4:2

Tawi Isboset oon na joginoo worɓe ɗiɗo hooreeɓe kawrite honooɓe. Innde gooto wo Baana, innde oye oon du wo Rekap. Wo ɓe ɓiɓɓe Rimmon, Benjaminkeejo, jeyaaɗo wuro Beerot. Beerot ina limee hakkunde gure Benjamin.

Ardiiɓe 3:26

Wooɗi, wakkati ɓe neeɓunoo e heɗaade ndeen Ehut heɓi daɗi. O ƴuuri hakkunde tooruuji cehaaɗi ɗiin, o faltii. O yottii Seyira.