2 Samuwiila 23:3 - Dewtere Laamɗo Fulfulde Burkina Faso

³ Laamɗo Israa'iila haalii, tefaare Israa'iila ndeen haalanii kam, wi'i: — Nde kaananke laamorii yimɓe laaɓal, nde o laamorii ɓe ley kulol Laamɗo fu,

2 Samuwiila 23:3 ပူးပေါင်းရင်းမြစ်များ

Fuɗɗoode 33:20

Yaakuuba darni toon sakkirde. O inndiri nde El-Elohe-Israa'iila.

2 Samuwiila 22:32

Joomiraaɗo kam tan woni Laamɗo, kam tan woni tefaare.

2 Samuwiila 8:15

Daawda laamii Israa'iila fuu, ina waɗa ko dartii e ko fonnditii dow yimɓem.

1 Kaanankooɓe 10:9

Yettoore woodanii Joomiraaɗo, Laamɗo maaɗa ceyortooɗo ma de joƴƴini ma dow jooɗorgal laamu Israa'iila. Saabe njinngu ngu Laamɗo woodanii Israa'iila nguun, saabii de o waɗi ma kaananke faa caroroɗaa laaɓal e fonnditaare.

Nehemiya 5:14

Nde gaɗanoomi goforneer leydi Yahuuda ndeen, wo gilla Artajerjes na laamorii duuɓi 20 faa hewti duuɓi 32, ɗum woni duuɓi 12. Ley duuɓi ɗiin fuu, miin e sakiraaɓe am, fay gooto amin nyaamaay nyaamdu ndu goforneer jeyi hokkeede.

Ayuuba 34:17

Yalla Laamɗo na waawuno laamaade si yiɗaa goonga naa? A suusan felude Jom dartaare mawɗo oon naa?

Wurtagol 18:21

Joonin le, ndaaraa hakkunde yimɓe ɓeen fuu, de cuɓoɗaa worɓe saahiiɓe, hulooɓe Laamɗo, hoolniiɓe, wanyuɓe jawdi jambuuri. Ngaɗaa woɓɓe maɓɓe laatoo hooreeɓe dow yimɓe ujunere (1.000), woɓɓe du hooreeɓe yimɓe 100, woɓɓe du yimɓe 50, woɓɓe du yimɓe 10.

Wurtagol 20:2

— Miin woni Joomiraaɗo, Laamɗo maaɗa, wo miin wurtini ma leydi Misira ley suudu maccungaaku.

Wurtagol 3:15

Laamɗo wi'i Muusaa katin: — Inan ko mbi'ataa Israa'iila'en: Wo Joomiraaɗo, Laamɗo maamiraaɓe mooɗon, Ibrahiima e Isiyaaka e Yaakuuba neli kam to mooɗon. Ndee woni innde am faa abada. Wo e mayre yimɓe jamaanuuji fuu mbaawiri noddirde kam.

Banndi 31:9

Toownu daande maa, kiitoroɗaa goonga, keedanaa talkaajo e kaajaaɗo walleede.

Fillitagol 32:4

Kanko woni tefaare, golle makko wo kiɓɓuɗe, laabi makko fuu wo laaɓuɗi. Wo o Laamɗo koolniiɗo, ko oonyii walaa e makko, wo o dartiiɗo, laaɓuɗo.

Ibraninkooɓe 1:8

Ammaa dow Ɓiɗɗo oon, o wi'i: «Laamu maa, aan Laamɗo, heddoto faa abada abadin! Potal woni sawru ndu laamortoɗaa.