2 Samuwiila 21:1 - Dewtere Laamɗo Fulfulde Burkina Faso

¹ Ley jamaanu Daawda du, rafo waɗiino. Nde ngo waɗunoo duuɓi tati ndeen, Daawda wari yeeso Joomiraaɗo, ƴami daliili rafo ngoon. Joomiraaɗo jaabii mo: — Rafo ngo warii sabo Sawulu e lenyol mum ndufii ƴiiƴam. Ɓe mbarii Gibiyonkooɓe.

2 Samuwiila 21:1 ပူးပေါင်းရင်းမြစ်များ

Fuɗɗoode 12:10

Rafo waɗi ley leydi ndiin. Wakkati oon Abram jipporii Misira faa jooɗowoo toon, sabo rafo ngoon mawni e leydi ndiin sanne.

Fuɗɗoode 26:1

Wakkati majjum rafo waɗi ley leydi ndiin. Ingo seedi e rafo waɗunoongo ley jamaanu Ibrahiima ngoon. Wakkati oon, Isiyaaka yehi leydi Abimelek kaananke Filistiyankooɓe, faa wuro Gerar.

Fuɗɗoode 41:57

Yimɓe leyɗe goɗɗe fuu ina ngara Misira faa cooda nguurey e junngo Yuusufi, sabo rafo ngoon sattii ley adunaaru fuu.

Fuɗɗoode 42:5

Ɓiɓɓe Israa'iila ngardi e woɓɓe warɓe faa cooda, sabo rafo waɗii ley leydi Kanaana ndiin fuu.

Fuɗɗoode 43:1

Rafo ngoon ɓeydii sattude ley leydi maɓɓe toon.

2 Samuwiila 16:8

Joomiraaɗo yomnitake maa ƴiiƴam suudu Sawulu ɗam ndufuɗaa. Laamu njaɓtuɗaa e junngo Sawulu nguun, Joomiraaɗo hokkitii ngu ɓiya Absalom. Ndaar, jukkungo na woni dow maaɗa sabo a dufoowo ƴiiƴam!

2 Samuwiila 20:26

Ira Ya'iriijo du wo almaami saabe Daawda.

2 Samuwiila 21:5

Ɓe njaabii, ɓe mbi'i: — Sawulu muuyiino halkude min faa taa goɗɗo e lenyol amin heddoo ley Israa'iila abada.

2 Samuwiila 24:1

Wooɗi, wakkati gomma katin Joomiraaɗo tikkani Israa'iila'en. Saabe majjum o ummini Daawda laatoo luttinoowo ɓe, o waɗi faa Daawda limi yimɓe Israa'iila e Yahuuda.

2 Samuwiila 5:19

Ndelle Daawda ƴami Joomiraaɗo, wi'i: — Yalla mi yaha mi haɓa e Filistiyankooɓe naa? Yalla a wattan ɓe e ley juuɗe am naa? Joomiraaɗo jaabii, wi'i: — Yahu. Tennyora, mi wattan ɓe e ley juuɗe maaɗa.

2 Samuwiila 5:23

Daawda ƴami Joomiraaɗo dow maɓɓe katin, de Joomiraaɗo wi'i: — Taa kuccitaa e maɓɓe, ammaa ƴuuraa caggal maɓɓe de kawraa e maɓɓe yaasin cukkuri leɗɗe toon.

1 Kaanankooɓe 17:1

Iliyaasa wo neɗɗo Tisibi, leydi Galaad. Kanko wi'i Ahabi kaananke Israa'iila: — Mi hunorake Joomiraaɗo, Laamɗo Israa'iila buurɗo mo ɗowtantoomi oon, sikke walaa, ley duuɓi garooji ɗi, ƴoonde toɓataa, saawoore waɗataa si wanaa miin ŋaarii ɗum waɗa.

1 Kaanankooɓe 18:2

Iliyaasa yehi faa ɓangina hoore muuɗum to Ahabi. Wakkati oon rafo waɗii faa walaa fuu ko nyaametee ley galluure Samariya.

2 Kaanankooɓe 6:25

Ndeen rafo manngo waɗi ley galluure ndeen faa hoore araawa sonnaa buuɗi cardi 80, etirgel cuule buugaali du, buuɗi cardi joy.

2 Kaanankooɓe 8:1

Nyannde gomma Elisey haaldi e debbo mo iirtinnoo ɓiyum oon wi'i ɗum: — Ummoɗaa aan e yimɓe maaɗa eggon njahon gere goɗɗo sabo Joomiraaɗo nelan rafo dow leydi ndi, wooɗi du ngo waɗan duuɓi jeɗɗi.

Ayuuba 10:2

Mi wi'an Laamɗo: «Taa pelaa kam ɓolum, paaminaa kam ko pelduɗaa kam.

Lewinkooɓe 26:26

Mi neldan on rafo faa rewɓe mon sappo ngaɗana on buuru ley duppirde wootere. Ɓe ponnda ɗe de ɓe ngaddana on. On nyaaman ɗe de on kaarataa.

Limle 27:21

O yaha to almaami Eliyajar de ƴamirana mo muuyɗe Joomiraaɗo e «Urim». Noon Yoosuwa e jamaare Israa'iila fuu ɗowtoranto jamirooje Joomiraaɗo nde ndillata e nde ngartata fuu.

Yoosuwa 7:1

Yimɓe Israa'iila lutti yamiroore dow kujje ɗe ɓe kaɗaa, cakkanteeɗe Joomiraaɗo ɗeen. Akan ɓii Karmi, taan Jabdi ɓii Jerak, jeyaaɗo ley lenyol Yahuuda hooƴi kujje ɗeen. Saabe majjum tikkere Joomiraaɗo wari dow yimɓe Israa'iila.

Yoosuwa 9:20

Inan ko ngaɗeten ɓe: En accan ɓe mbuura saabe hunayeere nde min kunanii ɓe ndeen. Si en ngaɗaay noon fu, tikkere Joomiraaɗo waran dow meeɗen.

Ruttu 1:1

Ley jamaanu mo sarotooɓe ardinoo leydi Israa'iila, rafo waɗi ley leydi ndiin. Nde rafo ngoon sattunoo fu, gorko gomma jeyaaɗo Baytilaama ley leydi Yahuuda eggi wuro muuɗum kam e deekum e ɓiɓɓe muuɗum worɓe ɗiɗo, njehi koɗowi leydi Mo'ab.

1 Samuwiila 10:22

Ndelle ɓe ƴami Joomiraaɗo katin: — Yalla gorko oon waraay tafon naa? Joomiraaɗo wi'i: — Inani mo, imo suuɗii hakkunde gineeji.

1 Samuwiila 23:11

Yalla yimɓe Keyila ngattan kam e ley juuɗe makko naa? Yalla Sawulu jippoto ga hono no miin maccuɗo maaɗa nanirnoomi naa? Joomiraaɗo, Laamɗo Israa'iila, miɗo ŋaare, kollaa maccuɗo maaɗa. De Joomiraaɗo wi'i: — O jippoto.

1 Samuwiila 23:2

Daawda ŋaarii Joomiraaɗo, wi'i: — Yalla mi yahan mi haɓa e Filistiyankooɓe ɓeen naa? De Joomiraaɗo wi'i Daawda: — Yahu haɓu faa kisinaa Keyila.

1 Samuwiila 23:4

Ndelle Daawda ŋaarii Joomiraaɗo katin, de Joomiraaɗo jaabii mo wi'i: — Umma jippaa, naata Keyila sabo mi wattan Filistiyankooɓe ɓeen e ley juuɗe maaɗa.