2 Samuwiila 18:3 - Dewtere Laamɗo Fulfulde Burkina Faso

³ Ammaa worɓe ɓeen mbi'i: — A yaltataa koy. Sabo sini min ndoggii, ɓe killaaka e amin. Fay si feccere amin maayi, ɓe killaaka. Aan kaa aɗa laatanii ɓe hono ujunaaje sappo amin. Na samti si a heddake ley ngalluure ɗo, aɗa nelda min mballa.

2 Samuwiila 18:3 ပူးပေါင်းရင်းမြစ်များ

2 Samuwiila 10:11

Ndeen o wi'i Abisay: — Si Siiriyankooɓe ɓurii kam semmbe fu, mballon kam. Wooɗi si Amoninkooɓe ɓurii on semmbe du, mi waran mi walla on.

2 Samuwiila 17:2

Mi yottoto to makko wakkati o tampi, o yoosi. Mi fiiran mo no hulɗinorii, yimɓe wonduɓe e makko fuu ndoggan. Kanko kaananke oon tan mbarammi.

2 Samuwiila 21:17

Ammaa Abisay ɓii Seruya wari, hisini Daawda. O fiyi Filistiyankeejo oon, o wari ɗum. Ndeen sordaasiiɓe Daawda njamiri Daawda hunanoo ɓe wurtadataako e maɓɓe faa haɓowee. Ɓe mbi'i, «Si aan a halkii, ɗum laatoto hono lampal Israa'iila nyifii.»

1 Kaanankooɓe 22:31

Tawi kaananke Siiriya yamiriino hooreeɓe torkooji pucci muuɗum taa piloo sordaasiiɓe famarɓe naa mawɓe, ammaa piloo kaananke Israa'iila tan.

1 Samuwiila 18:7

Ley ko ɓe mbamata ndeen, iɓe njima, iɓe mbi'a: Sawulu warii ujunaaje mum, Daawda du ujunaaje mum capanɗe keewɗe.