2 Samuwiila 17:23 - Dewtere Laamɗo Fulfulde Burkina Faso

²³ Wakkati Ahitofel yiinoo tindinooje mum njokkaaka ndeen, watti kirke dow araawa mum, nanngi laawol, hooti wuro mum. O moƴƴini haajuuji koreeji makko de o ɓilitii. O maayi, o uwaa ley saabeere baabiiko.

2 Samuwiila 17:23 ပူးပေါင်းရင်းမြစ်များ

2 Samuwiila 15:12

Nde Absalom sakkannoo kirsamaaji ɗiin ndeen, o nulani Ahitofel jeyaaɗo Gilo, tindinoowo Daawda. Nii jokkuɓe Absalom ɓeydorii, dabare muuɗum teetude laamu ndeen na ɓeyda semmbe.

2 Samuwiila 15:31

Tawi Daawda humpitaama, «Ahitofel e Absalom wo kawtu daande e muurtere.» Ndelle Daawda waɗi du'aaw, wi'i: — Joomiraaɗo, waɗu faa tindinooje Ahitofel ɗeen laatoo hono puuyndam.

2 Samuwiila 16:23

Tawi ley balɗe ɗeen tindinooje ɗe Ahitofel hokkunoo ɗeen na teddi hono haala ƴuuruka to Laamɗo. Nii Daawda e Absalom ɗiɗo fuu taykorii haala makko kaan.

2 Samuwiila 17:22

Ndeen Daawda e wonduɓe e mum fuu ummii peƴƴiti maayo Urdun ngoon. Puɗal naange tawi fay gooto walaa mo feƴƴitaay Urdun.

1 Kaanankooɓe 16:18

Nde Simri yi'unoo sordaasiiɓe na piilii wuro ngoon fu, naati ley suudu reenirdu wonndu nder suudu laamordu de wuli ndu dow muuɗum faa maayi.

2 Kaanankooɓe 20:1

Ley balɗe ɗeen, Hesekiya nyawi nyawu saate. Annabi Esaaya ɓii Amos wari faa ndaara mo de wi'i: — Inan ko Joomiraaɗo wi'i: Cegilanoɗaa koreeji maaɗa, sabo nyawu ngu yoppataa ma.

Ayuuba 31:3

Wanaa halkere na heɗii oonyiiɗo naa? Wanaa bonanda na heɗii gaɗoowo ko boni naa?

Banndi 16:18

Mawnitaare ardii halkere, manngu becce du ardii saamugol.

Banndi 19:3

Puuyndam ɓii-Aadama na bonna laawol mum, de o ɓernana Joomiraaɗo.

Matta 27:5

Yahuuda faɗɗi ceede ɗeen ley suudu dewal mawndu nduun, dilli. Ndeen yehi, hooƴi ɓoggol, waritowii.