2 Samuwiila 17:10 - Dewtere Laamɗo Fulfulde Burkina Faso

¹⁰ Ndeen fay cuuyɗo hono rawaandu ladde, ɓernde mum taayan kulol. Sabo Israa'iila'en fuu na anndi bammaa wo jaalotooɗo, wonduɓe e muuɗum du wo suuyɓe.

2 Samuwiila 17:10 ပူးပေါင်းရင်းမြစ်များ

Fuɗɗoode 49:9

Aan Yahuuda wo a laddeeru jokoldu. Aan ɓiyam, a wartii e loohagol maaɗa semmbewol ngool. A dikkinake de pukkoriɗaa hono laddeeru noon. De moy suusi umminde laddeeru rewru hono ndu?

2 Samuwiila 1:23

Sawulu e Yonatan wo horsuɓe, lobbuɓe. Ley nguurndam fuu, iɓe ngondi, ley maayde du, iɓe ngondi. Iɓe ɓuri dute gullal, iɓe ɓuri laddeeji cuusal.

2 Samuwiila 17:9

Fay joonin tawan imo suuɗi ley ngayka naa nokkuuje goɗɗe. Ndelle, si o fuɗɗii saaminde yimɓe meeɗen, nanuɗo ɗum fu wi'an «Hey, jokkuɓe Absalom mbaraama!»

2 Samuwiila 23:20

Benaya ɓii Yehoyada du wo sordaasiijo cuusuɗo ƴuuruɗo Kafsiilu, golluɗo kujje mawɗe feere-feere. Wo kanko wari Mo'abinkooɓe ɗiɗo ɓurɓe waawude wolde. Nyalaande feereere du o haɓdi e rawaandu ladde. Iri marmalluuje hono nguufo na ndufa e leydi. Fay e ɗuum fuu, o jokkiti ndu ley ngayka, o wari ndu.

Wurtagol 15:15

Kulol manngol nanngii hooreeɓe Edom, ardiiɓe Mo'ab du na ndiwna. Nesi jooɗiiɓe Kanaana fuu taƴi.

Banndi 28:1

Bonɗo doggan fay si riiwaaka, ponnditiiɗo kaa, ina suusi hono laddeeru, o hulataa.

Fillitagol 1:28

Toy njahaten? Sakiraaɓe meeɗen taƴii nesiiji men na mbi'a: «Yimɓe ɓeen na ɓuri en semmbe e manngu, galluuje ɗeen du, wo mawɗe cemmbiɗinɗe piilniraaɗe kokuuji toowɗi faa na tikowi kammu. Min nji'ii fay yimɓe Anakinkooɓe toon, tagaako mawko koon.»

Ibraninkooɓe 11:34

ɓe nyifi giiteeli ul'ultooji, ɓe ndaɗi e mbelndi kaafaahi. Ɓe tampii de ɓe keɓi semmbe. Ɓe laatii suusuɓe ley wolde, ɓe ndiiwi konuuji garɗi to maɓɓe ɗiin.

1 Samuwiila 16:18

Gooto hakkunde jokolɓe ɓeen wi'i: — Miɗo anndi goɗɗo. Yesa jeyaaɗo Baytilaama na woodi ɓiɗɗo baawɗo hoddu. Wo o cuusuɗo, baawɗo wolde, kaaldoowo e hakkillo, jom ŋari. Joomiraaɗo ina wondi e makko.

1 Samuwiila 18:17

Sawulu wi'i Daawda: — Inan ɓiɗɗo am debbo arandeejo Merap. Mi hokkete mo faa ɓaŋaa mo. Ngollanaa kam cuusal tan, kaɓaa bolwole Joomiraaɗo. Sabo Sawulu miilake e ley ɓernde muuɗum, wanaa junngo muuɗum warata mo, wo Filistiyankooɓe.