2 Samuwiila 16:10 - Dewtere Laamɗo Fulfulde Burkina Faso

¹⁰ Ammaa kaananke wi'i: — Ɗume jomii on e am, onon ɓiɓɓe Seruya? Si imo huɗa kam sabo Joomiraaɗo wi'ii mo o huɗa kam, ndelle moy waawi felude mo dow ko o waɗata ɗum?

2 Samuwiila 16:10 ပူးပေါင်းရင်းမြစ်များ

2 Samuwiila 19:22

Abisay ɓii Seruya wi'i: — Simey na haandi wareede, sabo o huɗii cuɓaaɗo Laamɗo.

Romankooɓe 9:20

Aan ɓii-Aadama oon, wo a moy faa njeddaa Laamɗo? Yalla loonde mahaande ina ƴama mahuɗo ɗum oon: «Ko waɗi de mahirɗaa kam ni?»?

Yuhanna 18:11

Ndeen Iisaa wi'i Piyeer: — Soornu kaafaahi maa ki e huulgo muuɗum. Aɗa miilii mi yardataa horde torra nde Baabiiwo hokki kam ndeen naa?

1 Piyeer 2:23

Nde ɓe njennunoo mo ndeen, o yennitaaki ɓe. Nde ɓe torrunoo mo ndeen, o yomnitaaki ɓe e haala. O heɗorake ɓe Laamɗo carortooɗo laaɓal oon.

Matta 16:23

De Iisaa kaa yeeƴii, wi'i Piyeer: — Woɗɗam aan Seyɗaani! Aɗa fergina kam e laawol am, sabo miilooji maa ɗiin ƴuuraay to Laamɗo, wo to yimɓe ɗi ƴuuri!

2 Samuwiila 3:39

Miin wo mi lokkaajo hannden, fay si mi kaananke bujaaɗo nebbam. Yo'ab e Abisay, ɓiɓɓe Seruya worɓe ɓeen, ina catti sanne faa mi waawaa haɗude ɗum'en. Joomiraaɗo yoɓu bonɗo bonanda muuɗum.

Fuɗɗoode 50:20

Onon le, on muuyiino waɗude kam ko boni, ammaa Laamɗo kaa muuyrii ɗum moƴƴere, faa danna yimɓe heewɓe hono no ɗum laatorii hannden nii.

Tindinoowo 8:4

Wo haala kaananke kaan laamii, walaa bi'oowo mo: «Ɗume ngaɗataa nii?»

Ayuuba 9:12

Si o teetii, moy haɗata mo? Moy ƴamata mo, «Ɗume ngaɗataa?»

2 Kaanankooɓe 18:25

Ndelle a sikkii wanaa muuyɗe Joomiraaɗo ngaddi kam faa mi halka leydi ndi naa? Sey paamaa wo Joomiraaɗo kam wi'i kam: «Njahaa kalkowaa leydi ndi.»

1 Kaanankooɓe 2:5

Faa hannden, aɗa anndi ko Yo'ab ɓii Seruya waɗi kam, no wardi Abineer ɓii Neer e Amaasa ɓii Yeter hooreeɓe sordaasiiɓe Israa'iila. O warii ɓe, o rufii ƴiiƴam maɓɓe hono ley wolde de wo ɗum wakkati jam. Noon o tuuniniri kaɓɓorgol makko e paɗe makko ƴiiƴam.

Matta 8:29

Ɓe keddii iɓe nduka iɓe mbi'a: — Ɓii Laamɗo, ɗume njiɗɗaa waɗude min? Yalla a warii ɗo faa torraa min, gilla wakkati podaaɗo oon yottaaki naa?

1 Kaanankooɓe 17:18

Ndeen inna suka oon wi'i Iliyaasa: — Nelaaɗo Laamɗo, ɗume waddondiri en? Yalla a waraanaa ɗo am faa miccintina Laamɗo hakkeeji am, de wara ɓiyam naa?

1 Samuwiila 26:19

Jonle joomam kaananke, hettina haalaaji maccuɗo maaɗa. Si wo Joomiraaɗo saabii laatoɗaa ganyo am fu, o jaɓa sadaka am. Ammaa si wo yimɓe ngaɗi ɗum fu, ɓe laatoo huɗaaɓe yeeso Joomiraaɗo, sabo hannden ɓe ndiiwii kam taa mi heɓa ngeɗu am e ley ndongu Joomiraaɗo. Ɓe mbi'ii mi yaha, mi teddina alla'en woɓɓe.

2 Samuwiila 19:23

Ammaa Daawda wi'i: — Ɗume jomii on e am, onon ɓiɓɓe Seruya faa laatiɗon hono wayɓe faddotooɓe kam hannden? Yalla na haani goɗɗo waree e ley Israa'iila hannden naa? Haanaay, sabo hannden ngartumi dow laamu Israa'iila.