2 Samuwiila 15:10 - Dewtere Laamɗo Fulfulde Burkina Faso

¹⁰ Ammaa Absalom nuli nelaaɓe e ley cuncukka hakkunde lenyi Israa'iila fuu, iɓe mbi'a: — Wakkati nanoyton duko luwal fu, mbi'on, «Absalom laatake kaananke ley Heberon!»

2 Samuwiila 15:10 ပူးပေါင်းရင်းမြစ်များ

2 Samuwiila 13:28

Absalom yamiri maccuɓe mum, wi'i: — Kettindee. Nde Amnon sulii faa ɓernde mum heewi seyo fu, mi wi'an on, «Piyee Amnon». Ndeen mbaron mo. Taa kulee. Wo miin hokki on yamiroore nde. Cemmbinee ɓerɗe mon, laatoɗon suusuɓe!

2 Samuwiila 14:30

Ndeen Absalom wi'i maccuɓe mum: — Ndaaree ngesa Yo'ab ngonnga ɗakkol ngesa am ngaan. Nga ɓenndi. Njehee, mbulee nga. Nii maccuɓe Absalom mbuliri ngesa ngaan.

2 Samuwiila 15:9

Kaananke wi'i mo o yaha e jam. Ndelle o ummii, o yehi Heberon.

2 Samuwiila 19:10

Hakkunde lenyi Israa'iila fuu yimɓe na pelundura, na mbi'a: — Kaananke oon hisinii en e juuɗe Filistiyankooɓe e juuɗe wayɓe en fuu. Joonin kaa o doggii leydi ndi saabe Absalom.

2 Samuwiila 2:1

Caggal ɗuum Daawda ƴami Joomiraaɗo, wi'i: — Yalla mi yaha mi jooɗoo wuro wooto hakkunde gure Yahuuda naa? Joomiraaɗo jaabii mo, wi'i o yaha. Daawda wi'i: — Toy njahammi? Joomiraaɗo wi'i o yaha Heberon.

2 Samuwiila 2:11

Daawda laamii ley Heberon dow lenyol Yahuuda faa waɗi duuɓi jeɗɗi e lebbi jeegom.

2 Samuwiila 5:5

O laamii duuɓi jeɗɗi e lebbi jeegom dow Yahuuda'en ley Heberon. Ndeen, ley Urusaliima du, o laamii duuɓi 33 dow Israa'iila'en e Yahuuda'en fuu.

1 Kaanankooɓe 1:11

Ndeen Natan wi'i Batseeba inna Suleymaana: — Yalla a nanii Adoniya ɓii Haagita waɗitake kaananke de joomii'en Daawda faamaay naa?

1 Kaanankooɓe 1:34

Ngaɗon almaami Sadok e annabi Natan njoora nebbam dow hoore makko, o laatoo kaananke Israa'iila. Ndeen puufon luwal, mbi'on: «Kaananke Suleymaana, njuutaa balɗe!»

2 Kaanankooɓe 9:13

Nde ɓe nannoo haala kaan fu, ɓe karii ɓe mbeƴƴiti kaddule maɓɓe dow ƴeencirɗe suudu ɗo o yaaɓata ɗoon. Ɓe puufi luwal ɓe mbi'i: — Yehu woni kaananke!

1 Kabaaruuji Laamiiɓe 11:3

Mawɓe Israa'iila fuu ngari to kaananke ley wuro Heberon. Toon Daawda haɓɓidi e maɓɓe amaana yeeso Joomiraaɗo. Ɓe njoori nebbam dow hoore makko, ɓe ngaɗi o kaananke maɓɓe fodde no Joomiraaɗo yamirnoo e hunnduko Samuwiila noon.

1 Kabaaruuji Laamiiɓe 12:23

Nyannde fuu yimɓe na ngarannoo to Daawda faa mballa ɗum. Konunkooɓe makko ngari laatii ɗuuɗɓe semmbiɗinɓe hono konunkooɓe Laamɗo noon.

1 Kabaaruuji Laamiiɓe 12:38

Ley lenyi jooɗiiɗi faro lettugal Urdun ɗum woni yimɓe Ruben e ɓe Gad e feccere lenyol Manasa tiigiiɓe siyiiji kaɓitirɗe muɓɓen fuu wo worɓe 120.000.