2 Samuwiila 11:2 - Dewtere Laamɗo Fulfulde Burkina Faso

² Nyannde gomma, wakkati laasara peewɗo, Daawda ummii e leesom na waancoo dow suudu mum laamordu. Illa e dow suudu toon o yi'i debbo gomma na lootoo. Debbo oon na ŋarɗi sanne.

2 Samuwiila 11:2 ပူးပေါင်းရင်းမြစ်များ

Fuɗɗoode 12:11

Nde o ɓadinoo yottaade Misira ndeen, o haaldi e Saaray jom suudu makko, o wi'i ɗum: — Hettina, miɗo anndi a debbo jom ŋari, belɗo ndaarude.

Fuɗɗoode 3:6

Ndeen debbo oon yi'i ɓiɓɓe lekki kiin ina muuyni ndaarude, ina mbeli nyaamude, iɗe ɓeyda suuno heɓude hakkillo. O itti ɓinngel makki, o nyaami. O hokki goriiko gondunooɗo e makko oon, kam du nyaami.

Fuɗɗoode 34:2

Sikem ɓii Hamor Hewinke laamiiɗo leydi ndiin yi'i mo, nanngi mo, fukkodii e makko e semmbe, tuunni mo, semtini mo.

Fuɗɗoode 39:6

Ndelle ko o jogii fuu, o halfini ɗum Yuusufi. Walaa fuu ko o ndaaranta sanaa ko o nyaamata tan. Tawi le Yuusufi wo jom ŋari, belɗo ndaarude.

Fuɗɗoode 6:2

ɓiɓɓe Laamɗo nji'i no ɓiɓɓe rewɓe ɓeen ŋarɗiri. Ɓe cuɓii ley ɓeen ɓe ɓe njiɗi, ɓe ndewli ɗum'en.

2 Samuwiila 13:1

Inan ko laatii caggal ɗuum: Absalom ɓii Daawda na woodunoo sakiike debbo jom ŋari sanne bi'eteeɗo Tamar. Amnon du wo ɓii Daawda (de hawtaay e maɓɓe inna), ina yiɗi Tamar sanne.

2 Samuwiila 14:27

O rimi ɓiɓɓe worɓe tato e ɓinngel dewel gootel bi'eteengel Tamar. Ngel laatii debbo jom ŋari sanne.

2 Samuwiila 4:5

Joonin Rekap e Baana, ɓiɓɓe Rimmon jeyaaɗo Beerot oon, njehii to suudu Isboset, njottii to makko hakkunde naange, wakkati mo o fukkotoo, o fowta.

Ayuuba 31:1

Mi haɓɓidii amaana e gite am, mi dekataa ndaarɗe am dow surbaajo.

Banndi 19:15

Jaayre na wadda ɗoyngol teddungol, jaasuɗo du, rafete.

Banndi 31:30

Dawla na hiila, ŋari du na paltoo hono henndu, ammaa debbo kuloowo Joomiraaɗo, kam manetee.

Banndi 6:25

Taa muuye mo saabe ŋari makko, taa jaɓu o hiilire maƴƴugol gite makko,

Banndi 7:8

O jokki laawol wuro iri debbo oon, o adi laawol, o fonndii toon.

Matta 10:27

Ko kaalanammi on e nimre ɗuum, kaaltee ɗum e annoora. Ko nyo'anteɗon ɗuum, ngooynee ɗum faa dow cuuɗi.

Matta 24:17

Tawaaɗo dow suudu, taa wi'a jippoto hooƴa gineeji ley suudu muuɗum.

Matta 5:28

Miin kaa miɗo wi'a on: ƴeewruɗo debbo janano muuyo fuu, jeenii e ley ɓernde mum.

Golle Nelaaɓe 10:9

Jaango majjum, iɓe ngoni e laawol. Nde worɓe tato ɓeen ɓattinoo wuro ngoon ndeen, Piyeer ƴeeŋi dow suudu ɗo weeri ɗoon wakkati hakkunde naange faa waɗa du'aare.

Fillitagol 22:8

Si on nyiɓii suudu heyru on kippirii ɗum maadi fu, sey piiltinon ɗum kokuwel hono hoggo dow toon taa goɗɗo ƴuura dow toon saama de maaya, laatoo wo onon caabanii ɗum maayde.

Fillitagol 5:21

Taa muuyaa dee goɗɗo. Taa eelaa suudu goɗɗo naa ngesa mum naa maccuɗo mum naa korɗo mum naa nagge mum naa araawa mum naa huunde fuu ko jeyi.

1 Piyeer 4:7

Timmoode huunde fuu ɓadake. Ndelle, kakkilon, nanngitoɗon, faa keddoɗon e du'aare.

1 Yuhanna 2:16

Sabo ko woni e adunaaru wo muuyɗe terɗe e muuyɗe yitere e mantoraade dow jawdi. Ɗum fuu jeyaaka e Baabiiwo. Wo e adunaaru ɗum jeyaa.

1 Samuwiila 9:25

Gaɗa ɗuum, ɓe njippii nokkuure toownde, ɓe naatiti ngalluure. Samuwiila e Sawulu ƴeeŋi dow suudu, ɓe njiidi toon.