2 Piyeer 2:10 - Dewtere Laamɗo Fulfulde Burkina Faso

¹⁰ sakko doggooɓe caggal muuyɗe terɗe tuunɗe, huyfinɓe hoorewaaku Joomiraaɗo ɓeen. Waajotooɓe fewreeɓe ɓeen cemtataa, ina mawnitoo, ɓe kulataa mbonkaade tedduɓe wonɓe dow kammu.

2 Piyeer 2:10 ပူးပေါင်းရင်းမြစ်များ

Fuɗɗoode 49:6

Mi naatataa ley anniyaaji maɓɓe. Ɓernde am seyortaako kawrital maɓɓe. Sabo ley tikkere maɓɓe ɓe mbarii worɓe. Ley dukkuru maɓɓe, ɓe taƴii codduli ga'i.

2 Samuwiila 20:1

Hakkunde worɓe ɓeen ɗoon na woodunoo gorko jaasuɗo gomma bi'eteeɗo Seba ɓii Bikiri, jeyaaɗo lenyol Benjamin. O fuufi luwal, o wi'i: — Min ngalaa ngeɗu to Daawda. Min ngalaa ndongu to ɓii Yesa oon. Ndelle Israa'iila'en, mono fuu hoota hukum muuɗum!

1 Kaanankooɓe 12:16

Nde Israa'iila'en fuu paamunoo kaananke hettindanaaki ɗum'en fu, njaabii, mbi'i: — Minen kaa baka amin walaa e Daawda. Ndongu walaa hakkunde amin e ɓii Yesa. En koota gure men! Accen Daawda oon haybana suudu muuɗum! Israa'iila'en ɓeen kooti gure muɓɓen.

Wurtagol 22:28

Taa calee hokkude kam ngeɗu ko keɓuɗon ley gese mooɗon e leɗɗe mooɗon fuu. Kokkon kam du awruuɓe mon worɓe.

Tindinoowo 10:20

Taa njennaa kaananke fay ley miilo maa, Taa kuɗaa jom jawdi ley suudu maa to pukkotoɗaa, sabo foondu na waawi yaarande ɗum haala maa, fiirooru na waawi yaarande ɗum kabaaru majjum.

Limle 15:30

Ammaa kensiiɗo waɗi hakke, Israa'iilanke dimo e janano fu, joomum bonkake Joomiraaɗo. Saabe ɗuum sey wurtinee suudu baaba.

Luuka 11:25

Nde ndu warti fu, ndu tawan suudu nduun fiisaama, moƴƴinaama.

Luuka 19:14

Ammaa yimɓe leydi ndiin njiɗaa mo, ɓe ummini nulaaɓe gaɗa makko, ɓe mbi'i: «Min njiɗaa o laamoo min.»

Golle Nelaaɓe 23:5

Pool jaabii, wi'i: — Sakiraaɓe, mi faamaayno yalla wo o Almaami Mawɗo. Si goonga, miɗo anndi ina winndaa: «Taa mbonka hooreejo lenyol maa!»

Romankooɓe 8:1

Joonin kaa, jukkungo fuu walaa e hawtuɓe e Iisaa Almasiihu ɓeen,

1 Korintunkooɓe 6:9

Yalla on anndaa oonyiiɓe naatataa e ley laamu Laamɗo naa? Taa kiilon ko'e mon: fijooɓe e rewooɓe tooruuji, jeenooɓe e worɓe woykuruuɓe e luuɗunkooɓe,

2 Korintunkooɓe 10:3

Goonga, min ɓiɓɓe-Aadama tan, ammaa no min kaɓirtee ni wanaa no ɓiɓɓe-Aadama kaɓirtee.

Efeesunkooɓe 4:19

Caggal ɓe cemtataa, ɓe ngaɗii ko'e maɓɓe jaahili'en, ɓe celataa gollude kulle nyiddiniiɗe.

Efeesunkooɓe 5:5

Paamee ɗum ɗo faa wooɗa: pijoowo e nyiddiniiɗo e muuyoowo ko jeyaa, ɗum woni dewoowo tooruuji, ɓeen ngalaa ngeɗu e laamu Almasiihu e Laamɗo.

Koloosiyankooɓe 3:5

Ndelle, mbaree kulle adunankooje gonɗe e mooɗon ɗeen. Ɗuum woni fijirde e ko soɓi e muuyɗe terɗe e muuyooji bonɗi, kam e eelgal jawdi, sabo eelgal ngaal du wo rewude tooruuji.

1 Tesaloniyankooɓe 4:7

Laamɗo noddiraay en faa tuunen, ammaa noddii en faa mbuurden senaare.

2 Timote 3:2

Si goonga, yimɓe laatoto yiɗuɓe ko'e muɓɓen, yiɗuɓe jawdi, mantotooɓe, mawninkiniiɓe, mbonkotooɓe Laamɗo. Ɓe calanto saaraaɓe maɓɓe, ɓe mbonnan moƴƴere, ɓe teddintaa ko senii.

Titus 1:7

Sabo hooreejo kawrital goonɗinɓe, wo golle Laamɗo o halfinaa. Ndelle ina tilsi joomum tawee walaa feloore, wanaa mawninkiniiɗo, wanaa jaawɗo ɓernde, wanaa jaroowo doro, wanaa kaɓeteeɗo, wanaa nyaamoowo riba.

Ibraninkooɓe 13:4

Yimɓe fuu teddina dewgal. Tilay aadi dewgal jogoree laaɓal. Sabo Laamɗo saroto fijooɓe wonɓe e dewgal e ɓe ngalaa e dewgal fuu.

2 Piyeer 3:3

Artee anndude ɗum ɗo: e balɗe cakitotooɗe ɗeen, jalnortooɓe yimɓe jokkuɓe muuyɗe terɗe muɓɓen ngarowan. Ɓe njalnorto on,

Yahuuda 1:10

De yimɓe ɓeen kaa ina mbonkoo kulle ɗe anndaa. Ɓe ummodake e muuyɗe terɗe maɓɓe, nga'uɗe hono muuyɗe daabaaji ladde ni, de ɗuum woni ko halkata ɓe.

Yahuuda 1:16

Yimɓe ɓeen wo ŋurŋurtooɓe. Iɓe nji'a boofi woɓɓe e huunde fuu. Iɓe njokka muuyɗe terɗe maɓɓe. Daaɗe maɓɓe na mawnitoroo ƴukkinaare. Iɓe mana woɓɓe faa ɓe keɓa ko ɓe njiɗi.

Yahuuda 1:18

Ɓe mbi'ii on: «E cakitte jamaanu, jalnortooɓe yimɓe, jokkuɓe muuyɗe terɗe muɓɓen bonɗe ngarowan.»

Yahuuda 1:4

Sabo bonɓe woɓɓe ina coorii e kawrite goonɗinɓe tawee taykaaka. Jukkungo muɓɓen winndaama gilla ko ɓooyi. Ɓe kulataa Laamɗo. Iɓe oonya moƴƴere Laamɗo faa ɓe keɓa gollude muuyɗe ɓalli cemtiniiɗe. Iɓe njedda Joomiraaɗo men Iisaa Almasiihu Joomii en gooto oon.

1 Samuwiila 10:27

Ammaa woɓɓe jaasuɓe kaa mbi'i: — Noy neɗɗo o waawri dannude en? Ɓe kuyfini mo, ɓe ngaddanaay mo dokke. Sawulu kaa deƴƴinii.