2 Piyeer 1:14 - Dewtere Laamɗo Fulfulde Burkina Faso

¹⁴ Sabo miɗo anndi mi ɓooyataa e adunaaru katin, dow no Joomiraaɗo men Iisaa Almasiihu holliri kam ni.

2 Piyeer 1:14 ပူးပေါင်းရင်းမြစ်များ

Yuhanna 13:36

Simon Piyeer wi'i mo: — Joomam, toy njahataa? Iisaa jaabii mo: — To njahammi joonin toon, a waawaa jokkude kam. De caggal joonin a jokkowan kam!

Golle Nelaaɓe 20:25

Mi yiilake hakkunde mooɗon, miɗo waajoo haala laamu Laamɗo. De joonin miɗo anndi on nji'oytaa kam katin.

2 Korintunkooɓe 5:1

Eɗen anndi si terɗe meeɗen laatiiɗe suudu leydiiru ndu koɗuɗen e muuɗum joonin nduun halkii fu, Laamɗo moƴƴinanii en suudu dow kammu ndu junngo waɗaay, heddotoondu faa abada.

Fillitagol 31:14

Joomiraaɗo haaldi e Muusaa wi'i: — Wakkati dillol maaɗa adunaaru na ɓattoo. Ndelle noddu Yoosuwa de ndarodoɗon ley hukum Ceniiɗo. Mi hokkan o jamirooje am. Muusaa e Yoosuwa njehi ndarowii ley hukum toon.

2 Timote 4:6

Miin le, ƴiiƴam am ɓadake laataade hono dokkal dufeteengal. Wakkati warii faa mi dilla adunaaru ndu.

Yoosuwa 23:14

Miin kaa, wakkati dillugol am ley adunaaru ɗo ɓadake hono no neɗɗo fuu dillirta ley mayru ni. Gooto mooɗon fuu ina anndi e ɓernde muuɗum e yonki mum no Joomiraaɗo, Laamɗo mon tabintiniri haalaaji ɗi wi'unoo on fuu. O tabintini haalaaji makko lobbi fuu, walaa fay ngoota ka o tabintinaay.

2 Piyeer 1:13

Mi yi'ii ina tilsi mi findina hakkillooji mooɗon faa miccitoɗon ɗum si miɗo heddii miɗo foofa.