2 Kaanankooɓe 9:6 - Dewtere Laamɗo Fulfulde Burkina Faso

⁶ Ndeen Yehu ummii naati ley suudu nduun. Jokolle oon rufi nebbam dow hoore makko de wi'i mo: — Inan ko Joomiraaɗo, Laamɗo Israa'iila wi'i: Mi suɓake ma faa laatoɗaa kaananke yimɓe am Israa'iila.

2 Kaanankooɓe 9:6 ပူးပေါင်းရင်းမြစ်များ

1 Kaanankooɓe 1:34

Ngaɗon almaami Sadok e annabi Natan njoora nebbam dow hoore makko, o laatoo kaananke Israa'iila. Ndeen puufon luwal, mbi'on: «Kaananke Suleymaana, njuutaa balɗe!»

1 Kaanankooɓe 10:9

Yettoore woodanii Joomiraaɗo, Laamɗo maaɗa ceyortooɗo ma de joƴƴini ma dow jooɗorgal laamu Israa'iila. Saabe njinngu ngu Laamɗo woodanii Israa'iila nguun, saabii de o waɗi ma kaananke faa caroroɗaa laaɓal e fonnditaare.

1 Kaanankooɓe 14:7

Inan ko mbi'oyta Yerobo'am: «Joomiraaɗo, Laamɗo Israa'iila wi'i: Mi ɓantii ma hakkunde yimɓe, mi waɗii ma ardiiɗo yimɓe am Israa'iila.

1 Kaanankooɓe 16:2

— Mi ittii ma e sollaare leydi faa mi waɗe hooreejo yimɓe am Israa'iila. De a jokkii laawol Yerobo'am, a nanni yimɓe am Israa'iila'en ley hakke faa mi tikkanii ɓe.

1 Kaanankooɓe 19:16

Katin du, njooraa nebbam dow hoore Yehu ɓii Nimsi faa laatoo kaananke Israa'iila. Ngaɗiraa noon du e Elisey ɓii Safata mo Abel-Mihola faa laatoo annabaajo loomtoowo ma.

1 Kaanankooɓe 3:8

Inan maccuɗo maaɗa hakkunde yimɓe ɓe cuɓiɗaa, jamaare mawnde nde waawataake limideede.

2 Kaanankooɓe 9:3

Adaa jolloyel nebbam ngeel njoora dow hoore makko de mbi'aa mo: «Inan ko Joomiraaɗo wi'i: Mi suɓake ma faa laatoɗaa kaananke Israa'iila.» Caggal ɗuum, omtaa dammbugal de ndoggaa, taa ndaroɗaa.

2 Kaanankooɓe 9:5

Nde o yottinoo fu, o tawi jamaare mawɓe konu Israa'iila na njooɗii. O wi'i: — Na woodi ko njiɗumi haaldude e maaɗa, joomam. Yehu jaabii mo wi'i: — Moy kaajaɗaa hakkunde amin? O wi'i: — Wo aan kaajaami, joomam.

1 Samuwiila 10:1

Ndeen Samuwiila hooƴi jollooru nebbam, joori ɗam e dow hoore Sawulu, muccii ɗum, wi'i: — Nii Joomiraaɗo waɗiri ma hooreejo dow lenyol muuɗum cuɓaangol. Inan maande holloore ɗum:

1 Samuwiila 2:7

Joomiraaɗo na nelda baasal, na nelda goodal, na leeƴinkina, na toowna.

1 Samuwiila 2:8

O ummina talkaaɓe e sollaare, o wurtina waasuɓe e ley ndoondi, faa ɓe njooɗodoo e kaanankooɓe, ɓe ndona jooɗorgal teddeengal. Sabo kanko jeyi joƴƴinirɗe adunaaru, dow majje o joƴƴini adunaaru.