2 Kaanankooɓe 9:2 - Dewtere Laamɗo Fulfulde Burkina Faso

² Si a yottake fu, tinnoɗaa nji'a Yehu ɓii Yehosafat, taan Nimsi. Njaltinaa mo hakkunde yimɓe de naaton ley suudu longitiindu.

2 Kaanankooɓe 9:2 ပူးပေါင်းရင်းမြစ်များ

1 Kaanankooɓe 20:30

Heddiiɓe ndoggiri galluure Afek. Ammaa kokuwol piiliingol galluure ndeen saami dow 27.000 maɓɓe. Ben-Hadad du doggi, naati ley wuro ngoon, suuɗowi ley suudu ɓurndu fuu lonngitaade.

1 Kaanankooɓe 22:25

Mikaya jaabii mo, wi'i: — A faaman nyannde naatuɗaa to ɓuri fuu lonngitaade ley suudu faa cuuɗoɗaa.

2 Kaanankooɓe 9:11

Nde Yehu wurtinoo yeccii to hooreeɓe konu heddiiɓe ɓeen fu, ɓeen ƴami mo mbi'i: — Kori wo jam? Ɗume waddi kaaŋaaɗo o to maaɗa? Yehu jaabii ɓe wi'i: — Oɗon anndi mo e sii haalaaji makko.

2 Kaanankooɓe 9:14

Yehu ɓii Yehosafat taan Nimsi anniyii jambaade Yoram. Tawi Yoram e Israa'iila'en fuu na paddinoo Ramot-Galaad faa kaɗa Hajayel kaananke Siiriya naatude galluure ndeen.

2 Kaanankooɓe 9:20

Doomoowo galluure oon wi'i katin: — Nelaaɗo ɗiɗaɓo oon du yottake to maɓɓe ammaa yeccaaki. Wooɗi du yaadu puccu ardiiɗo ɓe oon na nanndi e yaadu Yehu taan Nimsi sabo imo haro hono kaaŋaaɗo.

2 Kaanankooɓe 9:5

Nde o yottinoo fu, o tawi jamaare mawɓe konu Israa'iila na njooɗii. O wi'i: — Na woodi ko njiɗumi haaldude e maaɗa, joomam. Yehu jaabii mo wi'i: — Moy kaajaɗaa hakkunde amin? O wi'i: — Wo aan kaajaami, joomam.