2 Kaanankooɓe 8:6 - Dewtere Laamɗo Fulfulde Burkina Faso

⁶ Kaananke ƴami debbo oon kabaaru majjum de debbo oon fillanii mo kabaaru oon fuu. Caggal ɗuum kaananke yamiri gooto e yimɓe muuɗum mawɓe yaada e makko de waɗa o hokkitee ko o jeyi fuu e ko gese makko ndimunoo gilla nde o eggunoo faa warde nyannde ndeen.

2 Kaanankooɓe 8:6 ပူးပေါင်းရင်းမြစ်များ

Fuɗɗoode 37:36

Luumotooɓe ƴuwɓe leydi Midiya ɓeen njaari Yuusufi Misira, coottiri ɗum Potifaar, mawɗo sordaasiiɓe doomuɓe Fira'awna.

2 Samuwiila 9:7

Daawda wi'i mo: — Taa hulu, sabo sikke walaa mi hollete hinney saabe bammaa Yonatan. Mi hokkitete leyɗe ɗe maammaa Sawulu jeynoo fuu, de wakkati fuu a nyaamdan e amin.

2 Kaanankooɓe 8:5

Wakkati Gehaaji fillantonoo mo kabaaru no Elisey iirtiniri maayɗo ndeen, debbo mo ɓiyum iirtinaa oon yottii to maɓɓe faa ŋaaroo kaananke walla ɗum hewta suudu muuɗum e gese muuɗum. Ndeen Gehaaji wi'i: — Joomam kaananke, inani mo, kanko e ɓiyiiko mo Elisey iirtini oon!

2 Kaanankooɓe 8:7

Nyannde gomma, Elisey yehi Damas. Tawi Ben-Hadad kaananke Siiriya oon sellaa. Kaananke haalanaa wi'aa: — Nelaaɗo Laamɗo oon warii faa ɗo.

2 Kaanankooɓe 9:32

Yehu tiggitii feneetere de wi'i: — Moy wondi e am? Ndeen maccuɓe laamordu ɗiɗo naa tato soortaaɓe njuurni feneetere ndeen.

1 Kabaaruuji Laamiiɓe 28:1

Daawda hawrondini mawɓe Israa'iila fuu ley Urusaliima. Ɗum woni mawɓe lenyi e ardiiɓe geɓe gollanooɓe kaananke e mawɓe sordaasiiɓe 1.000 e ɓe 100 e ndaaranooɓe jawdi kaananke e cogge muuɗum e ɓiɓɓe muuɗum e winndooɓe e tinndinooɓe e konunkooɓe semmbiɗinɓe fuu.

Banndi 16:7

Nde nguurndam neɗɗo welii Joomiraaɗo fu, wattan potal hakkunde joomum e wayɓe mum.

Banndi 21:1

Ɓernde kaananke wo hono gooruwol e junngo Joomiraaɗo. Imo ɗowira nde no o yiɗiri.

Fillitagol 22:2

Si tawii wuro jom ndaaba ngaan na woɗɗi naa a anndaa fu, ngartiraa nga ley ɓaade maaɗa. Nga heddoo to maaɗa faa nde joomiiga oon warowi ƴamani nga de kokkitaa ɗum.

Ardiiɓe 11:13

Laamiiɗo Amoninkooɓe oon wi'i nelaaɓe ɓeen: — Wo saabe ko Israa'iilankooɓe teetunoo kam leydi nde mburtinoo Misira ɗuum. Ɓe teetii kam gilla gooruwol Arnon faa yottii gooruwol Yabok, faa hewti gooruwol Urdun. Ndelle, joonin kokkitaa kam leydi ndiin e jam.