2 Kaanankooɓe 8:1 - Dewtere Laamɗo Fulfulde Burkina Faso

¹ Nyannde gomma Elisey haaldi e debbo mo iirtinnoo ɓiyum oon wi'i ɗum: — Ummoɗaa aan e yimɓe maaɗa eggon njahon gere goɗɗo sabo Joomiraaɗo nelan rafo dow leydi ndi, wooɗi du ngo waɗan duuɓi jeɗɗi.

2 Kaanankooɓe 8:1 ပူးပေါင်းရင်းမြစ်များ

Fuɗɗoode 12:10

Rafo waɗi ley leydi ndiin. Wakkati oon Abram jipporii Misira faa jooɗowoo toon, sabo rafo ngoon mawni e leydi ndiin sanne.

Fuɗɗoode 26:1

Wakkati majjum rafo waɗi ley leydi ndiin. Ingo seedi e rafo waɗunoongo ley jamaanu Ibrahiima ngoon. Wakkati oon, Isiyaaka yehi leydi Abimelek kaananke Filistiyankooɓe, faa wuro Gerar.

Fuɗɗoode 41:25

Yuusufi jaabii Fira'awna, wi'i: — Koyɗi ɗi Fira'awna hoyɗi ɗiin wo huunde wootere. Laamɗo humpitii Fira'awna ko waroyta.

Fuɗɗoode 41:32

Ko koyɗol ngool wari to Fira'awna kile ɗiɗi ɗuum, ɗum hollii Laamɗo siinii waɗude ko fodii ɗuum. Laamɗo waɗan ɗum law.

Fuɗɗoode 41:54

Ndeen duuɓi rafo ɗiin puɗɗi hono no Yuusufi sapporinoo noon. Rafo ngoon waɗi ley leyɗe ɗeen fuu, ammaa ley leydi Misira fuu ko nyaametee ina woodi.

Fuɗɗoode 47:4

Min ngarii wo min yananɓe ley leydi maa, sabo dammuuli maccuɓe maa ngalaa durduɗe, rafo sattii ley leydi Kanaana. Joonin miɗen ŋaare, njardoɗaa maccuɓe maa njooɗoo ley leydi Goosan.

2 Samuwiila 21:1

Ley jamaanu Daawda du, rafo waɗiino. Nde ngo waɗunoo duuɓi tati ndeen, Daawda wari yeeso Joomiraaɗo, ƴami daliili rafo ngoon. Joomiraaɗo jaabii mo: — Rafo ngo warii sabo Sawulu e lenyol mum ndufii ƴiiƴam. Ɓe mbarii Gibiyonkooɓe.

2 Samuwiila 24:13

Ndelle Gad yehi to Daawda, wi'i mo: — Ɗume cuɓiɗaa? Rafo duuɓi jeɗɗi (tati) dow leydi maaɗa, naa doggugol e wayɓe ma lebbi tati, naa nyawu ndaaɓoowu balɗe tati ley leydi maa? Miiloɗaa, anniyoɗaa, de kollaa kam, faa mi jaaboo Joomiraaɗo neluɗo kam oon.

1 Kaanankooɓe 17:1

Iliyaasa wo neɗɗo Tisibi, leydi Galaad. Kanko wi'i Ahabi kaananke Israa'iila: — Mi hunorake Joomiraaɗo, Laamɗo Israa'iila buurɗo mo ɗowtantoomi oon, sikke walaa, ley duuɓi garooji ɗi, ƴoonde toɓataa, saawoore waɗataa si wanaa miin ŋaarii ɗum waɗa.

1 Kaanankooɓe 18:2

Iliyaasa yehi faa ɓangina hoore muuɗum to Ahabi. Wakkati oon rafo waɗii faa walaa fuu ko nyaametee ley galluure Samariya.

2 Kaanankooɓe 4:18

Cukalel ngeel mawni. Nyannde gomma ngel taayniti baabiigel ley ngesa to taƴooɓe gawri.

2 Kaanankooɓe 4:36

Elisey noddi Gehaaji wi'i ɗum: — Noddu Sunaminke oon. Gehaaji noddi mo, o wari. Ndeen Elisey wi'i mo: — Jaɓu, ɓiya!

2 Kaanankooɓe 4:38

Elisey yeccii galluure Gilgal. Tawi wakkati oon rafo na mawni e leydi ndiin sanne. Jamaare taalibaaɓe annabaaɓe ndeen na njooɗii yeeso makko. O wi'i golloowo makko: — Ummoɗaa ndekaa fayennde mawnde de ngaɗanaa jamaare ndee ko nyaama.

2 Kaanankooɓe 7:20

Noon du ɗum hewtorii mo. Yimɓe njaaɓii mo dammbugal galluure toon faa o maayi.

2 Kaanankooɓe 8:2

Debbo oon waɗi ko neɗɗo Laamɗo oon wi'i ɗum fuu. O eggi kanko e yimɓe makko, ɓe koɗowi leydi Filistiyankooɓe faa waɗi duuɓi jeɗɗi.

Lewinkooɓe 26:26

Mi neldan on rafo faa rewɓe mon sappo ngaɗana on buuru ley duppirde wootere. Ɓe ponnda ɗe de ɓe ngaddana on. On nyaaman ɗe de on kaarataa.

Amos 4:6

Miin kaa, mi yoppii on deedi ɓoli ley galluuje mooɗon fuu, Mi ɗalii on nyaamdu ley nokkuuje mooɗon, ammaa e noon fuu on njeccaaki to am. Noon Joomiraaɗo wi'i.

Luuka 21:11

Dimmbanɗe leydi mawɗe ngaɗan, rafooji e nyawuuji bonɗi du ngaran e nokkuuje feere feere. Kulle kulɓiniiɗe e sifaaji mawɗi ƴuuran dow kammu.

Luuka 21:22

Sabo balɗe ɗeen wo balɗe yomnitagol, faa ko winndaa ɗuum fuu tabita.

Luuka 4:25

Goonga kaalanammi on, rewɓe ɓe goriraaɓe muɓɓen maayi ina keewnoo ley Israa'iila e jamaanu annabi Iliyaasa, wakkati nde ƴuwoonde toɓaay e leydi ndiin faa waɗi duuɓi tati e lebbi jeegom. Ndeen rafo manngo waɗii e leydi ndiin fuu.

Golle Nelaaɓe 11:28

Gooto maɓɓe bi'eteeɗo Agabus, ummii, darii, holliri saabe Ruuhu rafo manngo waɗan ley laamu Roma fuu. (Wooɗi, rafo ngoon waɗii e laamu kaananke mawɗo bi'eteeɗo Kalawdiyus.)

Ruttu 1:1

Ley jamaanu mo sarotooɓe ardinoo leydi Israa'iila, rafo waɗi ley leydi ndiin. Nde rafo ngoon sattunoo fu, gorko gomma jeyaaɗo Baytilaama ley leydi Yahuuda eggi wuro muuɗum kam e deekum e ɓiɓɓe muuɗum worɓe ɗiɗo, njehi koɗowi leydi Mo'ab.