2 Kaanankooɓe 5:8 - Dewtere Laamɗo Fulfulde Burkina Faso

⁸ Nde Elisey, Nelaaɗo Laamɗo oon nannoo kaananke Israa'iila seekii kaddule muuɗum fu, neli o wi'ee: — Ko saabii de ceekuɗaa kaddule maaɗa? Mbi'ee gorko oon yottoo kam, ndeen faaman Israa'iila na woodi annabaajo.

2 Kaanankooɓe 5:8 ပူးပေါင်းရင်းမြစ်များ

2 Samuwiila 3:31

Ndeen Daawda wi'i Yo'ab e yimɓe wonduɓe e muuɗum fuu: — Ceekee kaddule mooɗon, ɓornoɗon bootooji de njaadon e cunu yeeso ɓanndu Abineer. Kaananke Daawda du jokki gaɗa kooƴirgal maayɗo.

1 Kaanankooɓe 12:22

Ammaa konngol Laamɗo wari to Semaya nelaaɗo Laamɗo, wi'i ɗum:

1 Kaanankooɓe 17:24

Ndeen debbo oon wi'i Iliyaasa: — Joonin kaa mi annditi wo a Nelaaɗo Laamɗo, haala Joomiraaɗo ka kaalata kaan, wo ngoongalaaha.

2 Kaanankooɓe 1:6

Ɓe njaabii mo, ɓe mbi'i: — Gorko gomma hawri e amin de wi'i min: «Njeccee to kaananke neluɗo on oon de mbi'on ɗum inan ko Joomiraaɗo wi'i: Yalla Israa'iila walaa Laamɗo de aɗa nela to Ba'al-Sebub, alla Ekoron naa? Saabe ɗuum aan Ahajiya a ummataako dow leeso ngo pukkiɗaa ngoon. Tannyoraa a maayan.»

2 Kaanankooɓe 5:15

O yeccii to neɗɗo Laamɗo oon, kanko e yaadiraaɓe makko. O naati o darii yeeso muuɗum, o wi'i: — Joonin kaa mi faamii Laamɗo goɗɗo walaa ley adunaaru, si wanaa mo Israa'iila. Miɗo ŋaare njaɓaa moƴƴere nde miin, suka maaɗa ngaddammaami.

2 Kaanankooɓe 5:3

Nyannde gomma cukalel ngeel haaldi e inna ɓaade ndeen, wi'i ɗum: — Si joomam, jom ɓaade jaɓanno yaade to annabaajo gonɗo galluure Samariya oon fu, o dannan ɗum e nyawu muuɗum.

2 Kaanankooɓe 5:7

Nde kaananke Israa'iila janngunoo ɓataaki kiin fu, seeki kaddule muuɗum de wi'i: — Yalla wo miin woni Laamɗo baawɗo hokkude yonki maa ittude ɗum de o nela goɗɗo to am faa mi danna ɗum e nyawu muuɗum naa? Paamee wo fitina hakkunde amin o filoto!

2 Kaanankooɓe 5:9

Na'aman yottodii e torkooji e pucci muuɗum, darii dammbugal ɓaade Elisey na heɗii.

Wurtagol 11:8

Ndeen, gollooɓe maaɗa ɓeen fuu ngaran to am de kippoo yeeso am, mbi'a kam: «Dillu, aan e jokkuɓe ma fuu!» Ndeen mi dillan. Muusaa wurtii to Fira'awna, ina tikki sanne.

Romankooɓe 11:13

Joonin, wo onon yimɓe ɓe nganaa Alhuudiyankooɓe ɓeen kaaldammi: ko laatiimi nulaaɗo e mooɗon ɗuum, miɗo mantoroo gollal ngal kokkaami ngaal

1 Samuwiila 9:6

Ammaa maccuɗo oon wi'i: — Hettinda, ley ngalluure nde na woodi neɗɗo Laamɗo, kanko wo o tedduɗo, huunde fuu ko o wi'i laatoto. Accu njehen to makko. Hasii o haalanan en to nji'eten araaji men.