2 Kaanankooɓe 5:23 - Dewtere Laamɗo Fulfulde Burkina Faso

²³ Na'aman jaabii mo wi'i: — Ndelle, jaɓu cardi kilooji 60. O siini sanaa Gehaaji jaɓa, o ɗibbi cardi ndiin e kaddule ɗeen ley bootooji ɗiɗi de o ronndi ɗi maccuɓe makko ɗiɗo na ardii Gehaaji.

2 Kaanankooɓe 5:23 ပူးပေါင်းရင်းမြစ်များ

Fuɗɗoode 33:11

Nanngu moƴƴere nde ngaddanmi ma ndeen, sabo Laamɗo barkinii kam, miɗo jogii huunde fuu. O doolɗi ɗum faa jaɓi.

1 Kaanankooɓe 20:7

Ndeen kaananke Israa'iila oon noddi mawɓe leydi fuu, wi'i ɗum'en: — Paamee, wo toonye mawɗo gorko oon filotoo. Sabo o neli yimɓe ɗo am faa o hooƴa deekiraaɓe am e sukaaɓe am, tawti kaŋŋe am e cardi am, ammaa mi salanaaki mo ɗum.

2 Kaanankooɓe 12:10

Ndeen almaami Yehoyada hooƴi keesuwal, de waɗani ngal wudde, joƴƴini ngal gere nyaamo naatooɓe suudu Joomiraaɗo ɗakkol sakkirde. Almaami'en doomooɓe dammbugal ɓeen na ngatta ceede ɗe yimɓe ngaddata suudu Joomiraaɗo fuu ley maggal.

2 Kaanankooɓe 2:17

Ammaa ɓe keddii iɓe ŋaaroo mo faa ɗum yaaginii mo de o wi'i ɓe njaha. Ndeen ɓe neli worɓe 50 njaha pilowoo Iliyaasa. Ɓeen pilorii ɗum balɗe tati de nji'aay ɗum.

2 Kaanankooɓe 5:16

Elisey jaabii wi'i: — Mi hunorake Joomiraaɗo buurɗo mo ngollanammi, mi jaɓataa faa'e e junngo maaɗa. Na'aman heddii na ŋaaroo mo ammaa o jaɓaay.

2 Kaanankooɓe 5:5

Kaananke oon wi'i mo: — Ndelle, yahu. Miin du, mi hokkete ɓataaki kaananke Israa'iila dow majjum. Na'aman hooƴi laawol yehi. O yaadi e kilooji kaŋŋe 60 e cardi kilooji 300 e kolte sappo.

2 Kaanankooɓe 6:3

Gooto maɓɓe wi'i: — Miɗen ŋaare, accaa njaaden. O jaabii ɓe o wi'i: — Wooɗi, en njaadan.

Luuka 11:54

heddii iɓe tuufa mo faa ɓe keɓa e hunnduko makko ko ɓe nanngira mo.