2 Kaanankooɓe 5:11 - Dewtere Laamɗo Fulfulde Burkina Faso

¹¹ Na'aman ɓerni sanne de dilli na wi'a: — Mi sikkiinoo o wurtoto suudu makko, o wara o daroo o du'anoo kam e innde Joomiraaɗo, Laamɗo makko, o deka juuɗe makko dow am de mi daɗa.

2 Kaanankooɓe 5:11 ပူးပေါင်းရင်းမြစ်များ

Fuɗɗoode 20:7

Joonin kaa, hokkitin gorko oon deekum, sabo o annabaajo. O du'ante heɓa mbuuraa. Ammaa si a hokkitaay mo fu, tennyoraa a maayan, aan e jeydaaɓe maa fuu.

2 Kaanankooɓe 4:5

Debbo oon yehi waɗowi ko Elisey wi'i ɗuum. O naatidi e ɓiɓɓe makko ley suudu de o ommbi. Ɓiɓɓe ɓeen na kokka mo paali ɗiin imo hebbina ɗi nebbam.

2 Kaanankooɓe 5:10

Elisey neli o wi'ee o yaha maayo Urdun o lootowo kile jeɗɗi de ɓanndu makko laaɓa, wooɗi du o daɗa.

2 Kaanankooɓe 5:12

Wanaa gooruuji meeɗen Abana e Parpar leydi Damas toon na ɓuri diyeele Israa'iila fuu naa? Ndelle mi yahataano toon ni, mi lootowo ley majji de mi daɗa naa? O yeccii imo ɓerni sanne.

Banndi 1:32

Wosagol mo ƴoƴaa waran ɗum, puuyɗo du, yeebaare mum halkata ɗum.

Banndi 13:10

Mawnitaare walaa ko waddata sanaa rafi potal, wo jaɓooɓe tindinoore kam'en ngoodi hakkillo.

Banndi 3:7

Taa ndaaru hoore maa wo a jom hakkillo, ammaa hulu Joomiraaɗo, de mboɗɗoɗaa ko boni.

Matta 15:27

Debbo oon wi'i: — Goonga, Joomam. De dawaaɗi du na nyaama nyaamdu ndu joom muɓɓen saamdinta nduun.

Matta 19:22

Nde suka jokolle oon nannoo haalaaji ɗiin ndeen, dillidi e mettorgal, sabo wo jom jawdi sanne.

Matta 8:8

Ammaa hooreejo sordaasiiɓe oon jaabii, wi'i: — Moodibbo, miin, mi hewtaay ko naataa ley suudu am. Ammaa si a haalii haala ngoota tan, golloowo am oon daɗan.

Luuka 14:11

Sabo mawninkiniiɗo fuu, leeƴinte, leeƴinkiniiɗo du teddinte.

Yuhanna 13:20

Goonga kaalanammi on: neɗɗo fuu jaɓɓiiɗo mo nulumi, jaɓɓake kam. Neɗɗo fuu jaɓɓiiɗo kam, jaɓɓake Nulɗo kam oon du.

Yuhanna 4:48

Iisaa wi'i mo: — Si on nji'aay maandeeji e kaayeefiiji fu, on ngoonɗintaa.

Ibraninkooɓe 12:25

Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.