2 Kaanankooɓe 4:14 - Dewtere Laamɗo Fulfulde Burkina Faso

¹⁴ Elisey ƴami Gehaaji wi'i: — Ndelle ɗume kaanuɗen waɗande mo? Gehaaji jaabii mo wi'i: — Inan o walaa ɓiɗɗo, wooɗi goriiko du naywi.

2 Kaanankooɓe 4:14 ပူးပေါင်းရင်းမြစ်များ

Fuɗɗoode 17:17

Ibrahiima hippi yeeso muuɗum dow leydi de jali. O wi'i ley ɓernde makko: — Gorko mo duuɓi 100 na waawi rimude katin naa? Yalla Saaratu mo duuɓi 90, na waawi heɓude ɓeyngu katin naa?

Fuɗɗoode 25:21

Rebeka kaa wo dimaro. Saabe ɗuum Isiyaaka du'ii, ŋaarii Joomiraaɗo saabe jom suudu muuɗum. Joomiraaɗo nani du'aaw makko, de Rebeka hooƴi reedu.

Fuɗɗoode 30:1

Nde Rahiina yiinoo rimanaay Yaakuuba ndeen, hiri mawnum debbo oon. O wi'i Yaakuuba: — Hokkam ɓiɓɓe! Si wanaa noon fu, mi maayan.

2 Kaanankooɓe 4:13

Elisey wi'i Gehaaji: — Mbi'aa mo: «A tampanii min sanne. Ɗume kaajaɗaa min ngaɗane? Yalla wo haaju ngooduɗaa to kaananke maa to hooreejo sordaasiiɓe de aɗa yiɗi walleede naa?» Debbo oon jaabii wi'i: — Mi haajaaka faa'e, e jam njooɗiimi hakkunde yimɓe am.

2 Kaanankooɓe 4:15

Elisey wi'i Gehaaji nodda mo katin. Gehaaji noddi mo. O wari o darii e dammbugal.

Luuka 1:7

Ɓe keɓaay ɓiɗɗo, sabo Elisabet wo dimaro. Ɓe ɗiɗo fuu ɓe naywii du.

Ardiiɓe 13:2

Ina woodi gorko gomma jeyaaɗo ngalluure Soreya ƴuuruɗo e lenyol Dan. Imo inndiree Manoha. Deekiiko wo dimaro, ɓe ngalaa ɓiɗɗo.

1 Samuwiila 1:2

Imo joginoo rewɓe ɗiɗo. Inɗe maɓɓe Hanna e Paniina. Paniina ina woodunoo sukaaɓe de Hanna kaa walaa.

1 Samuwiila 1:8

Goriiko Elkaana na wi'annoo mo: — Hanna, ɗume mboyataa? Ko waɗi a nyaamataa? Ko saabii de ɓernde maa na metti? Wanaa miɗo ɓurani maa ɓiɓɓe worɓe sappo naa?