2 Kaanankooɓe 21:3 - Dewtere Laamɗo Fulfulde Burkina Faso

³ O nyiɓitii nokkuuje cakkirɗe ɗe baabiiko Hesekiya fusunoo. O waɗani tooru Ba'al cakkirɗe, tawti leggal tooru Asera, hono no Ahabi kaananke Israa'iila waɗirnoo noon. O sujidani annooraaji kammu, o teddini ɗum'en.

2 Kaanankooɓe 21:3 ပူးပေါင်းရင်းမြစ်များ

1 Kaanankooɓe 18:21

Iliyaasa ɓattii yimɓe ɓeen fuu de wi'i: — Faa ndeye celoton sikkitirde hakkunde laabi ɗiɗi? Si nii Joomiraaɗo woni Laamɗo fu, njokkee ɗum! Si wo Ba'al du, njokkon ɗum! Yimɓe ɓeen jaabaaki mo fay gootum.

1 Kaanankooɓe 18:26

Ɓe kooƴi ngaari ndi ɓe kokkaa ndiin, ɓe moƴƴini, de ɓe noddi innde tooru Ba'al. Iɓe nodda, iɓe nodda, gilla beetee faa hakkunde naange, iɓe mbi'a «Ohoo Ba'al! Jaaba min!» Ammaa daande fu nanaaka, fay gooto jaabaaki. Iɓe pitta, iɓe mbama, iɓe piiloo hirsirde ndeen.

2 Kaanankooɓe 13:6

Ammaa fay e noon, ɓe njoppaay hakkeeji ɗi suudu Yerobo'am wattunoo ɓe ɗiin, iɓe keddii e majji. Fay leggal tooru Asera ngaal du na heddi na darii ley Samariya.

2 Kaanankooɓe 17:16

Ɓe njoppi jamirooje Joomiraaɗo, Laamɗo maɓɓe ɗeen fuu de ɓe ngaɗani ko'e maɓɓe nga'oy kaŋŋe ɗiɗoy. Katin ɓe ndarni leɗɗe tooru Asera, ɓe kofii yeeso annooraaji kammu fuu de ɓe ɗowtanii tooru Ba'al.

2 Kaanankooɓe 18:22

Si on mbi'ii: «Wo Joomiraaɗo, Laamɗo amin min koolii,» wanaa kam woni mo Hesekiya fusi nokkuuje muuɗum cakkirɗe e kirsirɗe de yamiri yimɓe Yahuuda fuu ngara cujida yeeso sakkirde wonnde Urusaliima ndeen tan naa?

2 Kaanankooɓe 18:4

Wo kanko halki nokkuuje cakkirɗe, o heli bimmbeeje tooruuji, o soppi leggal tooru Asera ngaal. Katin, o sankiti mboddi ndi Muusaa waɗirnoo njamndi mboɗeeri ndiin, sabo wakkati oon tawii Israa'iila'en na mbulananno ndi ure. Innde mayri wo Nehusitan.

2 Kaanankooɓe 8:18

O rewi laawol kaanankooɓe Israa'iila, o tokki suudu Ahabi, sabo o dewli ɓiyum. O waɗi ko boni yeeso Joomiraaɗo.

2 Kaanankooɓe 8:27

O rewi laawol suudu Ahabi, o waɗi ko boni yeeso Joomiraaɗo hono muɓɓen, sabo imo esondirnoo e muɓɓen.

Ayuuba 31:26

Ko nji'umi no naange yaynirta, naa du no lewru yaarata e darja,

Fillitagol 16:21

Taa ndarnon leggal tooru Asera fay gootal ɗakkol sakkirde nde nyiɓanton Joomiraaɗo, Laamɗo mooɗon ndeen.

Fillitagol 17:2

Si woodii hakkunde mooɗon, ley wootere e galluuje mon ɗe Joomiraaɗo, Laamɗo mooɗon hokkata on ɗeen, gorko naa debbo gaɗuɗo ko boni yeeso Joomiraaɗo, bonnuɗo amaana Joomiraaɗo fu,

Fillitagol 17:3

si joomum yehi teddinowi allaaji goɗɗi, hofake yeeso muɓɓen, yeeso naange naa lewru naa annoraaji kammu laatiiɗi fuu de yoppii ko njamirmi ɗuum,

Fillitagol 20:18

Noon waɗata taa ɓe ekintina on waɗude ko harmi ko ɓe ngaɗanta allaaji maɓɓe ɗiin de ngaɗon hakke yeeso Joomiraaɗo, Laamɗo mooɗon.

Fillitagol 4:19

Ndeentoɗon taa tiggitoɗon kammu, ndaaron naange e lewru e koode naa annoraaji kammu laatiiɗi fuu de muuynoo on ɗowtanaade faa cujidanon ɗi. Taa ngaɗon noon sabo wo kanji Joomiraaɗo, Laamɗo mooɗon hokki lenyi gonɗi ley adunaaru fuu.