2 Kaanankooɓe 2:9 - Dewtere Laamɗo Fulfulde Burkina Faso

⁹ Nde ɓe peƴƴitinno ndeen, Iliyaasa wi'i Elisey: — Ko kaajaɗaa mi waɗane fuu ŋaaroɗaa kam, fadde am e senndeede e maaɗa. Elisey jaabii mo wi'i: — Miɗo ŋaare hono ruuhu gonɗo e maaɗa oon, kile ɗiɗi.

2 Kaanankooɓe 2:9 ပူးပေါင်းရင်းမြစ်များ

1 Kaanankooɓe 19:16

Katin du, njooraa nebbam dow hoore Yehu ɓii Nimsi faa laatoo kaananke Israa'iila. Ngaɗiraa noon du e Elisey ɓii Safata mo Abel-Mihola faa laatoo annabaajo loomtoowo ma.

1 Kaanankooɓe 3:9

Ndelle miɗo ŋaare kokkaraa kam, miin maccuɗo maaɗa, ɓernde hakkilnde faa mi laamoroo yimɓe maaɗa, mi waawa senndude ko wooɗi e ko boni. Si wanaa noon, moy waawi laamaade yimɓe maaɗa tedduɓe ɓe?

Limle 11:17

Mi ɓangan mi haalda e maaɗa. Mi ittan Ruuhu gonɗo e maaɗa seeɗa mi wattana ɓe faa ɓe mballite e donngal ardaade lenyol ngaal tawee wanaa aan tan ronndotoo ngal.

Limle 11:25

Joomiraaɗo ɓangi ley ruulde, haaldi e Muusaa. O itti seeɗa e Ruuhu gonɗo e Muusaa oon, o watti e maɓɓe. Nde Ruuhu oon naatunoo e maɓɓe fu, ɓe ngaɗi annabaaku. Ammaa wakkati oon tan ɓe ngaɗi ɗum.

Yuhanna 16:7

Ɗum fuu e laataade, miɗo haalana on goonga: mi yaha ni ɓuri nafude on. Sabo si mi yahaay, Balloowo on oon warataa to mooɗon. De si mi yehii, mi nuldan on mo.

Golle Nelaaɓe 1:8

Ammaa nde Ruuhu Ceniiɗo wari jippii e mooɗon fu, on keɓan baawɗe, de laatoɗon seedee'en humpitooɓe kabaaru am ley Urusaliima e ley leydi Yahuudiya fuu, kam e Samariya, faa to adunaaru haaɗi.

Golle Nelaaɓe 8:17

Ndeen Piyeer e Yuhanna njowi juuɗe muɓɓen dow maɓɓe de ɓe keɓi Ruuhu Ceniiɗo.

1 Korintunkooɓe 12:31

Wooɗi ndelle, tinnee, pooɗanee dokke ɓurɗe heewude nafaa ɗeen. Joonin le, mi hollan on laawol ɓurngol fuu wooɗude ngol hono muuɗum walaa.

Fillitagol 21:17

Na tilsi o jaɓa ɓii debbo mo o yiɗaa oon laatoo hammadiijo makko sabo wo kam artii rimeede. Saabe ɗuum de tilay o hokka ɗum ngeɗu muuɗum nguun kile ɗiɗi sabo wo oon woni puɗɗam ɓeyngu makko, oon jeyi ngeɗu hammadiijo.

Fillitagol 34:9

Yoosuwa ɓii Nuun, wo gorko keewɗo ruuhu hakkilantaaku sabo Muusaa dekiino juuɗe muuɗum dow makko. Israa'iila'en na ngaɗa ko o yamirta ɗum'en fuu fodde no Joomiraaɗo wiirunoo Muusaa noon.

1 Timote 5:17

Mawɓe kawrital goonɗinɓe dawrooɓe faa wooɗi ɓeen ina kaani teddineede teddeengal manngal, sakko tinniiɓe e waajaade e jannginde ɓeen.