2 Kaanankooɓe 2:3 - Dewtere Laamɗo Fulfulde Burkina Faso

³ Taalibaaɓe annabaaɓe wonnooɓe Baytila mburtii kawri e Elisey de mbi'i ɗum: — Yalla aɗa anndi Joomiraaɗo hooƴan jooma hannden naa? O jaabii ɓe o wi'i: — Ayyo, miɗo anndi. Ndeƴƴinee.

2 Kaanankooɓe 2:3 ပူးပေါင်းရင်းမြစ်များ

1 Kaanankooɓe 18:4

Wakkati Yesabel warannoo annabaaɓe Joomiraaɗo ndeen, Obadiya suuɗii 100 maɓɓe. O suuɗiri ɓe capanɗe njoyo njoyo ley lohi tefaaje, imo hokkara ɓe ko ɓe nyaama e ko ɓe njara.

1 Kaanankooɓe 20:35

Annabaajo gomma haaldi e jaado muuɗum e konngol Joomiraaɗo, wi'i: «Fiyam!» Ammaa jaado makko oon salii fiyude mo.

2 Kaanankooɓe 2:15

Taalibaaɓe annabaaɓe wonnooɓe Yeriko ɓeen kaccii mo yeeso muɓɓen imo wara de mbi'i: — Ruuhu Iliyaasa oon wartii e Elisey! Ɓe kawri e makko ɓe kippii e leydi yeeso makko ɓe njowti mo.

2 Kaanankooɓe 2:5

Taalibaaɓe annabaaɓe wonnooɓe Yeriko ngari mbi'i Elisey: — Yalla aɗa anndi Joomiraaɗo hooƴan jooma hannden naa? O jaabii ɓe o wi'i: — Ayyo, miɗo anndi. Ndeƴƴinee.

2 Kaanankooɓe 2:7

ɓe ndarowii daande Urdun. Taalibaaɓe annabaaɓe 50 du ndarowii to toowti e maɓɓe.

2 Kaanankooɓe 4:1

Nyannde gomma, dee gooto e taalibaaɓeno annabaaɓe ŋaari Elisey wi'i: — Taalibbo maa, jom suudu am wuuraa. Wooɗi du, aɗa anndi imo wuurdunoo e kulol Joomiraaɗo e ɓernde makko. Joonin le, gorko mo o joganinoo nyamaande warii faa nannga ɓiɓɓe amin worɓe ɗiɗo waɗowa maccuɓe.

2 Kaanankooɓe 4:38

Elisey yeccii galluure Gilgal. Tawi wakkati oon rafo na mawni e leydi ndiin sanne. Jamaare taalibaaɓe annabaaɓe ndeen na njooɗii yeeso makko. O wi'i golloowo makko: — Ummoɗaa ndekaa fayennde mawnde de ngaɗanaa jamaare ndee ko nyaama.

2 Kaanankooɓe 5:22

Gehaaji jaabii mo wi'i: — Jam tan! Wo joomam neli kam mi wi'ee, joonin worɓe ɗiɗo taalibaaɓe annabaaɓe ƴuuri baamle Efrayim, mbeerani ɗum. Saabe ɗuum de imo ŋaare kokkaa mo cardi kilooji 30 e kaddule yimɓe ɗiɗo faa o hokka ɓe.

2 Kaanankooɓe 6:1

Nyannde gomma taalibaaɓe annabaaɓe mbi'i Elisey: — Nokkuure nde min njooɗotoo yeeso maaɗa ndee na famɗani min sanne.

2 Kaanankooɓe 9:1

Annabi Elisey noddi gooto ley taalibaaɓe annabaaɓe, wi'i ɗum: — Kaɓɓinoɗaa kaɓɓorgol maaɗa, kooƴaa jolloyel nebbam ngel de njaha Ramot-Galaad.

Amos 7:14

Amos jaabii Amasiya wi'i: — Miin mi wanaa annabaajo, mi wanaa ɓiyum. Miin wo mi duroowo na'i, mi demoowo leɗɗe ƴibbe.

Golle Nelaaɓe 22:3

— Wo mi Alhuudiyanke dimaaɗo Tarsus ley leydi Silisi. Ammaa Urusaliima ɗo mawnumi. Gamaliyel wonnoo moodibbo am. Kanko janngini kam Tawreeta maamiraaɓe meeɗen oon faa laaɓi tal. Miɗo jinngana Laamɗo hono no ngorruɗon hannden on fuu ni.

Fillitagol 33:3

Sikke walaa, Joomiraaɗo na horsini yimɓe muuɗum, seniiɓe makko fuu na ngoni ley juuɗe makko. Iɓe kofoo ɗakkol koyɗe makko, iɓe kettindoo ko o jannginta ɓe.

1 Samuwiila 10:5

Caggal ɗuum a yahan waamnde Laamɗo Gibeya to jipporde Filistiya'en woni. Nde ɓattiɗaa wuro ngoon fu, a hawran e kawrital annabaaɓe jippodotooɓe nokku toowɗo, iɓe kaalda annabaaku. Fiyooɓe kolli mawɗi e pamari, e tummbuɗe lenngoy, e cereeli, na ardii ɓe.

1 Samuwiila 19:20

Ndelle o neli worɓe nanngowa mo. Ammaa nde ɓe nji'unoo kawrital annabaaɓe na kaalda annabaaku ndeen, Samuwiila kam woni hooreejo maɓɓe, Ruuhu Laamɗo wari dow worɓe Sawulu du faa ɓeen du kaaldi annabaaku.