2 Kaanankooɓe 18:4 - Dewtere Laamɗo Fulfulde Burkina Faso

⁴ Wo kanko halki nokkuuje cakkirɗe, o heli bimmbeeje tooruuji, o soppi leggal tooru Asera ngaal. Katin, o sankiti mboddi ndi Muusaa waɗirnoo njamndi mboɗeeri ndiin, sabo wakkati oon tawii Israa'iila'en na mbulananno ndi ure. Innde mayri wo Nehusitan.

2 Kaanankooɓe 18:4 ပူးပေါင်းရင်းမြစ်များ

1 Kaanankooɓe 22:43

O rewi laawol baabiiko Asa, o selaay ngol. O waɗi ko fotani Joomiraaɗo.

2 Kaanankooɓe 10:26

Ɓe mburtini bimmbeere tooru Ba'al ndeen ɓe paɗɗi nde dow yiite.

2 Kaanankooɓe 11:18

Caggal ɗuum yimɓe ɓeen njehi suudu Ba'al toon de pusi ɗum. Ɓe keli cakkirɗe mayru e tooruuji tawaaɗi ley mayru fuu de ɓe mbari almaami Ba'al bi'eteeɗo Mattan ɗakkol cakkirɗe ɗeen. Ndeen Yehoyada waɗani suudu Joomiraaɗo nduun doomooɓe.

2 Kaanankooɓe 12:3

Yowas waɗi ko darti yeeso Joomiraaɗo sabo imo jokkunoo tindinooje almaami Yehoyada.

2 Kaanankooɓe 14:4

Fay e noon nokkuuje cakkirɗe pusaaka. Ndelle yimɓe na keddii na mbula ure, na ngaɗa sadakaaji dow majje.

2 Kaanankooɓe 15:35

Ammaa fay e noon, nokkuuje cakkirɗe ɗeen pusaaka. Ndelle yimɓe na keddii na mbula ure, na ngaɗa sadakaaji dow majje. Wo kanko tafani dammbugal suudu Joomiraaɗo dowuwal ngaal ommboode.

2 Kaanankooɓe 15:4

Ammaa fay e noon, nokkuuje cakkirɗe pusaaka. Ndelle yimɓe na keddii na mbula ure, na ngaɗa sadakaaji dow majje.

2 Kaanankooɓe 16:15

O yamiri almaami Uriya, o wi'i: — Dow sakkirde heyre ndee ngaɗataa sadakaaji buleteeɗi fajiri e sadaka conndi gaɗeteeɗo futuro fuu oon, tawti sadaka kaananke buleteeɗo e sadaka muuɗum conndi, e sadakaaji yimɓe buleteeɗi fuu e sadakaaji muɓɓen conndi e sadaka njaram de mbiccaa ƴiiƴam kirsamaaji ɗaam fuu dow mayre. Sakkirde njamndi mboɗeeri hiinnde ndeen du, mi ndaaran no ngaɗanmi ɗum.

2 Kaanankooɓe 18:22

Si on mbi'ii: «Wo Joomiraaɗo, Laamɗo amin min koolii,» wanaa kam woni mo Hesekiya fusi nokkuuje muuɗum cakkirɗe e kirsirɗe de yamiri yimɓe Yahuuda fuu ngara cujida yeeso sakkirde wonnde Urusaliima ndeen tan naa?

2 Kaanankooɓe 21:3

O nyiɓitii nokkuuje cakkirɗe ɗe baabiiko Hesekiya fusunoo. O waɗani tooru Ba'al cakkirɗe, tawti leggal tooru Asera, hono no Ahabi kaananke Israa'iila waɗirnoo noon. O sujidani annooraaji kammu, o teddini ɗum'en.

2 Kaanankooɓe 23:14

O fusi bimmbeeje tooruuji, o soppi leɗɗe Asera de o hebbini luunɗe majje ƴi'e maayɓe.

2 Kaanankooɓe 23:4

Ndeen kaananke yamiri Hilkiya almaami mawɗo e almaami'en heddiiɓe e reenooɓe dammbugal mburtina kujje gaɗanooɗe ley suudu Joomiraaɗo faa teddiniree tooru Ba'al e Asera e annooraaji kammu ɗiin fuu. Ɗe mbulaa yaasin galluure Urusaliima ley gese gonɗe gooruwol Kidiron de ndoondi majje yaaraa galluure Baytila.

Wurtagol 23:24

Taa ndikkinoɗaa yeeso allaaji maɓɓe, taa ɗowtanoɗaa ɗi, taa ngaɗanaa ɗi huunde fuu ko ɓiɓɓe leydi ndiin ngaɗanta ɗi. Cankitaa ɗi, pusaa bimmbeeje tooruuji ɗi ɓe ɗowtantoo ɗiin.

Wurtagol 34:13

Ndelle sanaa kalkon cakkirɗe maɓɓe ɗeen. Kelon bimmbeeje tooruuji maɓɓe de coppon leɗɗe maɓɓe darnaaɗe ɗe tooru Asera ɗeen.

Lewinkooɓe 26:30

Mi halkan nokkuuje mooɗon cakkirɗe, mi lallinan bulirɗe mon ure de mi dekondira ɓalli mon dow tooruuji mooɗon kalkaaɗi ɗiin faa laatoɗon ko nyiddinii yeeso am.

Fillitagol 5:5

Wakkati oon miɗo darinoo hakkunde Joomiraaɗo e mooɗon faa mi yottina on konngol muuɗum ngool sabo oɗon kulannoo yiite ngeen de saabe ɗuum on ƴeenyaay waamnde ndeen. Inan ko o wi'i: —

Fillitagol 7:5

Inan no haani ngaɗon ɓe: kalkon cakkirɗe maɓɓe, kelon kaaƴe maɓɓe tooruuji, keltoɗon leɗɗe maɓɓe darnaaɗe ɗe tooru Asera ɗeen. Mbulon tooruuji maɓɓe ɗiin fuu.

Ardiiɓe 6:25

Ley jemma oon, Joomiraaɗo wi'i Gedeyon: — Adu ngaari bammaa kalahaldi, ndi duuɓi jeɗɗi. Yahu cankitaa hirsirde nde bammaa nyiɓani Ba'al ndeen. Coppaa leggal darnanaangal Asera, tooru maɓɓe, dariingal ɗakkol hirsirde ngaal.

Ardiiɓe 6:28

Nde yimɓe ngalluure ndeen pinunoo fu, nji'ii hirsirde Ba'al fusaama, leggal Asera du soppaama, faa hirsirde heyre nyiɓaama, ngaari kalahaldi du wulaama dow mayre!