2 Kaanankooɓe 17:3 - Dewtere Laamɗo Fulfulde Burkina Faso

³ Salmanasar kaananke Asuura wari haɓdi e makko, jaalii mo, dawrani leydi makko de tilsinani mo yoɓude lampo.

2 Kaanankooɓe 17:3 ပူးပေါင်းရင်းမြစ်များ

2 Samuwiila 8:2

Daawda jaalii Mo'abinkooɓe du. O fukkini nanngaaɓe ɓeen e leydi de o fonndiri ɓe e ɓoggol ponndirgol. Si ɓoggol ngool fonndaama e fukkiiɓe ɓeen kile ɗiɗi fu, ɓeen kaa mbaree. Si ngol fonndaama nde wootere du, ɓeen kaa accee mbuura. Mo'abinkooɓe ɓeen laatii maccuɓe Daawda, iɓe njoɓa ɗum lampo.

2 Samuwiila 8:6

Daawda joƴƴini kawrite dawrooɓe faro Damas toon, de Siiriyankooɓe ɓeen du laatii maccuɓe Daawda na njoɓa ɗum lampo. Nokku fuu to Daawda yehi, Joomiraaɗo na hokka ɗum jaalagol.

2 Kaanankooɓe 15:19

Pul kaananke Asuura umminani leydi Israa'iila fitina. Ndeen Menahem hokki mo kilooji cardi 34.000 faa o walla ɗum semmbinɗina laamu muuɗum.

2 Kaanankooɓe 15:20

Menahem doolɗi Israa'iila'en jogiiɓe jawdi yoɓude lampo. Tilay neɗɗo fuu hokka buuɗi cardi 50. Cardi ndiin o hawrondini o hokki kaananke Asuura de yeccii leydi muuɗum acci mo.

2 Kaanankooɓe 15:29

Ley laamu makko, Tigilat-Pileser kaananke Asuura wari honi galluure Iyon e Abel-Bayti-Ma'aka e Yanoha e Kedes e Hasor e leydi Galaad e ndi Galili e ndi Naftali fuu. O nanngi yimɓe ɓeen fuu o yaari ɗum'en leydi Asuura.

2 Kaanankooɓe 17:2

O waɗi ko boni yeeso Joomiraaɗo, ammaa ko o waɗi ɗuum hewtaay ko kaanankooɓe Israa'iila artiiɓe mo ɓeen bonde.

2 Kaanankooɓe 17:4

Ammaa o faami Hoseya na segilanoo muurtande mo, sabo nelii woɓɓe njaha to Sow kaananke Misira, wooɗi du, neldaay mo lampo ngo jeynoo yoɓude mo hitaande fuu ngoon. Ɗum saabi de o nanngi ɗum, o watti ley kasu.

2 Kaanankooɓe 18:31

Taa kettinoɗon haala Hesekiya sabo inan ko kaananke Asuura wi'i: — Paamiree e am, de kokkon kam ko'e mooɗon. Noon waɗata de mono e mooɗon fuu nyaama ɓiɓɓe cabiihi e ƴibbi muuɗum de yara ndiyam luggere muuɗum e jam,

2 Kaanankooɓe 18:7

Joomiraaɗo du na wondi e makko. O heɓi barke golleeji makko fuu. O muurtani kaananke Asuura de seli dawrande mo.

Nehemiya 9:32

Laamɗo amin, a mawɗo, a jom teddeengal, a kulɓiniiɗo, a tiigoriiɗo amaana maaɗa e hoolaare. Taa yawu torraaji ɓurɗi min semmbe, caamuɗi dow amin, minen e laamiiɓe amin e mawɓe amin e almaami'en amin e annabaaɓe amin e maamiraaɓe amin e yimɓe maaɗa fuu, gilla jamaanu kaananke Asuura faa hewti hannden.

Lewinkooɓe 26:25

Mi neldan on kaafaahi njomnitantooki amaana am oon. Nde kawritinɗon ley galluuje mooɗon fuu, mi neldan on nyawu mbonngu ndaaɓoowu, wooɗi du, mi wattan on e juuɗe wayɓe mon.