2 Kaanankooɓe 13:7 - Dewtere Laamɗo Fulfulde Burkina Faso

⁷ Konunkooɓe Yehowakas waɗɗotooɓe pucci 50 e torkooji 10 e sordaasiiɓe yahooɓe e koyɗe 10.000 tan keddii, sabo kaananke Siiriya halkiinoo ɓe halkere mawnde, waɗii ɓe hono sollaare yaaɓeteende dow laawol ni.

2 Kaanankooɓe 13:7 ပူးပေါင်းရင်းမြစ်များ

2 Samuwiila 22:43

Mi niisii ɓe faa ɓe ɗaati, mi yaaɓii dow maɓɓe faa ɓe nanndi hono loopal dow laawol.

1 Kaanankooɓe 20:15

Ahabi hawrondini jokolɓe ɓeen, tawi wo ɓe 232. Caggal ɓeen, o hawrondini konunkooɓe Israa'iila fuu. Ɓeen du, wo 7.000.

1 Kaanankooɓe 20:27

Israa'iila'en du kawrondina, cegilanaa njooɓaari. Yimɓe Israa'iila ɓeen na njaha na ponndi wayɓe muɓɓen, iɓe nanndi hono coggoy be'i ɗiɗoy. Siiriyankooɓe ɓeen kaa na keewi faa kuuri leydi ndiin fuu.

2 Kaanankooɓe 10:32

Ley balɗe ɗeen, Joomiraaɗo fuɗɗi ɓuytude leydi Israa'iila. Hajayel kaananke Siiriya riiwi ɓe dow keerol leydi maɓɓe.

2 Kaanankooɓe 13:8

Kabaaru Yehowakas keddiiɗo e semmbe laamu muuɗum e ko waɗi fuu na winndaa ley Dewtere Kabaaruuji Kaanankooɓe Israa'iila.

2 Kaanankooɓe 8:12

Ndeen Hajayel ƴami mo wi'i: — Nelaaɗo Laamɗo, ɗume mboyataa? Elisey jaabii mo wi'i: — Bone mo ngaɗoyta Israa'iila'en oon nji'umi. A wulan galluuje maɓɓe cemmbiɗinɗe, a wardan jokolɓe maɓɓe kaafaaje, a niisan ɓikkoy maɓɓe wooɗi du a seekan deedi rewɓe maɓɓe reeduɓe.

Lewinkooɓe 26:17

Mi ummanto on de wayɓe mon njaaloo on. Wanyuɓe on ɓeen ndawranan on de ndoggon fay si on ndiiwaaka.

Amos 1:3

Inan ko Joomiraaɗo wi'i: Saabe Damas waɗii hakke dow hakke, de mi fiirtataa ko anniyiimi dow muuɗum ɗuum, sabo ɓe cokkirii yimɓe Galaad e jamɗe ceeɓuɗe.

Amos 4:10

Mi neldii on nyawu ndaaɓoowu, hono ngu neldunoomi leydi Misira. Mi wardii jokolɓe mooɗon e kaafaahi. Mi accii pucci mooɗon kooƴaama. Mi waɗii luumngol maayɓe humii kine mon ley hoɗorde mooɗon. Ammaa fay e noon fuu on njeccaaki to am. Noon Joomiraaɗo wi'i.

1 Samuwiila 13:15

Ndeen Samuwiila dilli Gilgal yehi wuro Gibeya leydi Benjamin. Sawulu du limi worɓe wonduɓe e muuɗum. Ina ngoodi hono worɓe 600.