2 Kaanankooɓe 10:18 - Dewtere Laamɗo Fulfulde Burkina Faso

¹⁸ Yehu hawrondini yimɓe fuu de wi'i ɗum'en: — Ahabi kaa seeɗa tan ɗowtaninoo Ba'al, ammaa miin Yehu kaa mi ɗowtanto ɗum haddi semmbe am fuu.

2 Kaanankooɓe 10:18 ပူးပေါင်းရင်းမြစ်များ

Filipiyankooɓe 4:8

Joonin kaa sakiraaɓe, miilooji mooɗon keddoo dow goonga, e ko teddi, e ko fonnditii, e ko senii, e ko foti yiɗeede, e ko leeɓi. Kakkilanee ko moƴƴi, e ko jeyi maneede fuu.

Romankooɓe 3:8

Si neɗɗo na miilira nii fu, wi'an: «Ngaɗen ko boni faa ko wooɗi funta.» Won mbonkotooɓe ina mbi'a enen du eɗen mbiira noon. Yimɓe ɓeen kaa, jukkungo muɓɓen ina foti e golle muɓɓen.

Ayuuba 13:7

Wo saabe Laamɗo de oɗon pena pene ɗeen naa? Wo saabe makko kaalirton rafi goonga naa?

2 Kaanankooɓe 3:2

O waɗi ko boni yeeso Joomiraaɗo. Ammaa bone mo o waɗi oon hewtaay mo baabiiko e inniiko ngaɗunoo sabo o halkii bimmbeere tooru Ba'al nde baabiiko darnunoo ndeen.

1 Kaanankooɓe 18:40

Ndeen Iliyaasa wi'i ɓe: — Nanngee annabaaɓe Ba'al ɓeen fuu. Fay gooto maɓɓe haanaa daɗude. Yimɓe ɓeen nanngi ɓe. Iliyaasa waɗi ɓe njaara faa ɗakkol gooruwol Kison, de ɓe kirsa toon.

1 Kaanankooɓe 18:22

Ndeen Iliyaasa ɓeydi wi'i ɓe: — Hakkunde annabaaɓe Joomiraaɗo fuu, miin tan woni keddiiɗo, de annabaaɓe Ba'al wo 450.

1 Kaanankooɓe 18:19

Ndelle joonin kawrondina Israa'iila'en fuu dow waamnde Karmel, kamɓe e annabaaɓe Ba'al 450, tawti annabaaɓe tooru Asera 400 ɓe deeka Yesabel nyaamdata ley wuro muuɗum ɓeen.

2 Kaanankooɓe 17:16

Ɓe njoppi jamirooje Joomiraaɗo, Laamɗo maɓɓe ɗeen fuu de ɓe ngaɗani ko'e maɓɓe nga'oy kaŋŋe ɗiɗoy. Katin ɓe ndarni leɗɗe tooru Asera, ɓe kofii yeeso annooraaji kammu fuu de ɓe ɗowtanii tooru Ba'al.