2 Kaanankooɓe 1:9 - Dewtere Laamɗo Fulfulde Burkina Faso

⁹ Ndeen kaananke Ahajiya neli hooreejo sordaasiiɓe, yaada e worɓe 50 to Iliyaasa. Tawi Iliyaasa na jooɗii faa dow waamnde. Hooreejo sordaasiiɓe oon yottii wi'i mo: — Nelaaɗo Laamɗo, kaananke yamirii njippoɗaa!

2 Kaanankooɓe 1:9 ပူးပေါင်းရင်းမြစ်များ

1 Kaanankooɓe 17:18

Ndeen inna suka oon wi'i Iliyaasa: — Nelaaɗo Laamɗo, ɗume waddondiri en? Yalla a waraanaa ɗo am faa miccintina Laamɗo hakkeeji am, de wara ɓiyam naa?

1 Kaanankooɓe 18:10

Mi hunorake Joomiraaɗo buurɗo, Laamɗo maaɗa, kaananke waɗii aɗa filee nokku fuu. Walaa leydi maa laamu to o nelaay piloweɗaa. Katin du, fay si yimɓe leyɗe ɗeen mbi'ii a walaa ley gure muɓɓen, o tilsinan ɓe kunoo ɓe nji'aay ma.

1 Kaanankooɓe 18:4

Wakkati Yesabel warannoo annabaaɓe Joomiraaɗo ndeen, Obadiya suuɗii 100 maɓɓe. O suuɗiri ɓe capanɗe njoyo njoyo ley lohi tefaaje, imo hokkara ɓe ko ɓe nyaama e ko ɓe njara.

1 Kaanankooɓe 18:42

Ahabi ummii yehi, nyaamoy, yari. Wakkati oon Iliyaasa ƴeenyi waamnde Karmel. Toon o turii, o watti yeeso makko hakkunde koppi makko.

1 Kaanankooɓe 19:2

Ndeen Yesabel neli nelaaɗo to Iliyaasa, na wi'a: — Alla'en njukkoroo kam torra mawɗo, si jaango hono joonin mi waɗaay yonki maa hono no ngaɗɗaa yonkiiji annabaaɓe Ba'al noon.

1 Kaanankooɓe 22:8

Kaananke Israa'iila jaabii Yehosafat, wi'i: — Annabaajo Joomiraaɗo gooto tan woni leydi am ɗoo, mo mbaawɗen ƴamude ammaa miin kaa, miɗo wanyi mo sabo abada o haalaay lobba dow am. Annabaajo oon na wi'ee Mikaya ɓii Yimla. Yehosafat jaabii, wi'i: — Kaananke, taa wi'u noon!

2 Kaanankooɓe 2:25

O dilli ɗoon, o yehi waamnde Karmel, caggal ɗuum o yeccii galluure Samariya.

2 Kaanankooɓe 4:25

O adi laawol o yehi waamnde Karmel to Nelaaɗo Laamɗo oon jooɗii toon. Nde Elisey haccinoo imo wara fu, wi'i Gehaaji: — Ndaar, wo debbo Sunaminke o warata.

Amos 7:12

Ndeen Amasiya wi'i Amos: — Aan ji'oowo oon, dillu ɗoo de njaha leydi Yahuuda. Toon aɗa waawi heɓirde nyaamdu e annabaaku maaɗa.

Matta 14:3

Tawi Hirudus yamiriino Yaayaa nanngee, haɓɓee, uddee ley kasu. O waɗii ɗum saabe debbo bi'eteeɗo Hirudiya, jom suudu mawniiko bi'eteeɗo Filipu.

Matta 26:68

ina mbi'a: — Hey Almasiihu! Si a annabaajo, haalan min moy fiyi ma!

Matta 27:29

Caggal ɗuum, ɓe canyi taarde gi'e, ɓe kippi e hoore makko, ɓe ngatti loosol e junngo makko nyaamo. Ndeen ɓe kofii yeeso makko, iɓe njalnoroo mo, iɓe mbi'a: — Foofoo, kaananke Alhuudiyankooɓe!

Marka 15:29

Yimɓe faltotooɓe ɗoon ɓeen ina njenna mo, ina ndimmba ko'e muɓɓen, ina mbi'a: — Hey! Liɓoowo suudu dewal mawndu de nyiɓtoo ndu ley balɗe tati,

Marka 15:32

Kanko woni Almasiihu kaananke Israa'iila oon. Jonle, o jippoo leggal palaangal ngal, faa nji'en de ngoonɗinen! Ɗiɗo tontidaaɓe e makko ɓeen du ina mbonkoroo mo noon.

Luuka 9:54

Nde Yaakuuba e Yuhanna nji'unoo ɗum ndeen, mbi'i: — Joomii amin, yalla aɗa yiɗi min njamira yiite ƴuura dow kammu wula ɓe naa?

Ibraninkooɓe 11:36

Woɓɓe katin njalnoraa, piyaa dorri. Woɓɓe ngeƴƴaa, ngattaa ley kasu.

1 Samuwiila 19:21

Sawulu humpitaa de neli woɓɓe. Ɓeen du kaaldi annabaaku. O neli tataɓal, ɓeen du kaaldi annabaaku.