2 Kaanankooɓe 1:2 - Dewtere Laamɗo Fulfulde Burkina Faso

² Tawi, Ahajiya ƴuwii e feneetere suudu muuɗum dowuuru wonndu Samariya saami de nawni nawnande mawnde. O neli woɓɓe njaha to Ba'al-Sebub, alla Ekoron, faa faamina mo yalla o daɗan nawnande makko ndeen naa o daɗataa.

2 Kaanankooɓe 1:2 ပူးပေါင်းရင်းမြစ်များ

1 Kaanankooɓe 11:33

Noon ngaɗirammi sabo yimɓe ɓeen njoppii kam, de ɓe cujidani Astarot tooru Sidoninkooɓe e Kemos tooru Mo'abinkooɓe, e Milkom tooru Amoninkooɓe. Ɓe ndewaay laabi am, ɓe ngaɗataa ko fonnditii yeeso am, ɓe ɗowtantaako jamirooje am e sariyaaji am hono no Daawda baaba Suleymaana waɗannoo noon.

1 Kaanankooɓe 14:3

Kooƴa buuruuje sappo e maasaaje seeɗa e jollooru njuumndi de njaha to makko, kanko hollete ɗume laatantoo suka o.

1 Kaanankooɓe 22:34

Ley wolde ndeen, goɗɗo fiɗi kural yaare de ngal yanowi e kaananke Israa'iila faa ngal siititi hakkunde jamɗe saayo muuɗum. Ndeen kaananke oon wi'i dorbotooɗo torkooru muuɗum: — Oonca mburtinaa kam ley wolde ɗoo, sabo mi nawnake.

1 Kaanankooɓe 22:40

Ahabi maayi hawritowi e maamiraaɓe muuɗum. Ɓiyiiko Ahajiya loomti mo laamii.

2 Kaanankooɓe 1:16

de wi'i ɗum: — Inan ko Joomiraaɗo wi'i: Aan kaananke a waɗii nelaaɓe njaha ƴamowa Ba'al-Sebub, alla Ekoron. Yalla Israa'iila walaa Laamɗo ŋaareteeɗo naa? Saabe ɗuum, a ummataako dow leeso ngo pukkiɗaa ngoon. Tannyoraa a maayan.

2 Kaanankooɓe 1:3

Ndeen maleyka Joomiraaɗo haaldi e annabi Iliyaasa jeyaaɗo Tisibi, wi'i ɗum: — Ummoɗaa, kawrowa e nelaaɓe kaananke Samariya ɓeen de ƴamaa ɓe yalla Israa'iila walaa Laamɗo mo lamndoo de iɓe njaha to Ba'al-Sebub, alla Ekoron oon naa?

2 Kaanankooɓe 1:6

Ɓe njaabii mo, ɓe mbi'i: — Gorko gomma hawri e amin de wi'i min: «Njeccee to kaananke neluɗo on oon de mbi'on ɗum inan ko Joomiraaɗo wi'i: Yalla Israa'iila walaa Laamɗo de aɗa nela to Ba'al-Sebub, alla Ekoron naa? Saabe ɗuum aan Ahajiya a ummataako dow leeso ngo pukkiɗaa ngoon. Tannyoraa a maayan.»

2 Kaanankooɓe 17:16

Ɓe njoppi jamirooje Joomiraaɗo, Laamɗo maɓɓe ɗeen fuu de ɓe ngaɗani ko'e maɓɓe nga'oy kaŋŋe ɗiɗoy. Katin ɓe ndarni leɗɗe tooru Asera, ɓe kofii yeeso annooraaji kammu fuu de ɓe ɗowtanii tooru Ba'al.

Ayuuba 31:3

Wanaa halkere na heɗii oonyiiɗo naa? Wanaa bonanda na heɗii gaɗoowo ko boni naa?

Matta 10:25

Ina heƴa ko taalibbo laatoo hono moodibbom, maccuɗo du laatoo hono joomum. Si ɓe inndirii kam, miin jom wuro «Beeljebul mawɗo ginnaaji» fu, tilay ɓe inndiran on, onon yimɓe wuro du noon.

Marka 3:22

Jannginooɓe Tawreeta ƴuurnooɓe Urusaliima ngari, mbi'i: — Beeljebul, hooreejo ginnaaji oon woni e makko. Wo kam hokki mo baawɗe riiwude ginnaaji ɗiin.

Luuka 11:15

De woɓɓe maɓɓe ina mbi'a: — Wo e baawɗe Beeljebul, hooreejo ginnaaji oon, o riiwrata ginnaaji.

Golle Nelaaɓe 20:9

Suka jokolle bi'eteeɗo Ewtikus ina jooɗii dow feneetere. Ko Pool juutini waaju muuɗum oon ɗuum, Ewtikus ŋoŋi, faa ɗaanii ɗoyngol teddungol. O saami ƴuuwde e feneetere sooro tataɓo ngoon. Nde ɓe kuncunoo mo ndeen, tawi o maayii.

Yoosuwa 15:11

Caggal ɗuum, keerol ngool rewi soɓɓirre waamnde Ekoron, ngol oonyorii faro Sikeruuna, ngol seliri waamnde Baala, ngol ƴuuri Yabinayel. Ngol haaɗi to maayo Manngo.

Ardiiɓe 11:24

Yalla wanaa onon njeyi leydi ndi Kemos alla mooɗon hokki on ndiin naa? Minen du, ko Joomiraaɗo, Laamɗo amin teeti hokki min ɗuum woni ndongu amin.

Ardiiɓe 5:28

Wooɗi inna Sisera du ina ndaara faro wudde suudu. O yuurni to leɗɗe palondiraaɗe dow wudde, imo wi'itoo: «Ɗume jenngini torkooji pucci makko? Ɗume waɗi de en nanaay sawtu torkooji pucci ɗiin faa joonin?»

1 Samuwiila 5:10

Ndelle, ɓe nuldi keesuwal Laamɗo ngaal to wuro Ekoron. Wakkati mo ngal yottinoo wuro Ekoron ndeen, yimɓe Ekoron mbulli, mbi'i: — Ɓe ngaddii keesuwal Laamɗo Israa'iila to meeɗen faa wara en, enen e yimɓe men fuu!