2 Kaanankooɓe 1:12 - Dewtere Laamɗo Fulfulde Burkina Faso

¹² Iliyaasa jaabii ɓe, wi'i: — Si goonga wo mi Nelaaɗo Laamɗo fu, yiite ƴuura e kammu, jippoo nyaame aan e yaadiraaɓe maaɗa 50 ɓeen fuu. Ndeen yiite mannge ƴuuri e kammu, nyaami mo, kanko e yaadiraaɓe makko 50 ɓeen fuu.

2 Kaanankooɓe 1:12 ပူးပေါင်းရင်းမြစ်များ

1 Kaanankooɓe 18:38

Ndeen Joomiraaɗo jippini yiite dow kirsamaari ndiin, nge wuli ndi, kayri e leɗɗe mayri e kaaƴe mayri e leydi ndiin fuu. Yiite ngeen yoorni leydi ɗo ndiyam piiliiɗam hirsirde ɗaam heewunoo ɗoon fuu.

2 Kaanankooɓe 1:11

Kaananke neli hooreejo goɗɗo katin, yaada e worɓe 50. Oon du yehi to Iliyaasa faa dow waamnde toon, de wi'i ɗum: — Nelaaɗo Laamɗo, inan ko kaananke wi'i: njippoɗaa law!

2 Kaanankooɓe 1:13

Kaananke Ahajiya neli hooreejo sordaasiiɓe tataɓo, yaada e worɓe 50. Hooreejo oon du tawoy Iliyaasa faa dow waamnde toon. Nde o yottinoo fu, o hofii yeeso Iliyaasa, de o ŋaarii ɗum, o wi'i: — Nelaaɗo Laamɗo, miɗo ŋaare, yonkiiji amin minen sukaaɓe maaɗa ɗiin laatoo korsuɗi e gite maaɗa.

Ayuuba 1:16

Nde oon darinoo na haala ndeen, inan goɗɗo du yottii, wi'i: — Yiite mannge ƴuurii kammu fiyii baali e durooɓe majji, nge wuli baali ɗiin e durooɓe ɓeen fuu! Miin tan daɗi, de ngarumi faa mi humpite ɗum fuu.

Lewinkooɓe 10:2

Wakkati oon yiite ƴuuri to Joomiraaɗo, nyaami ɓe. Ɓe maayi yeeso muuɗum.