1 Timote 6:16 - Dewtere Laamɗo Fulfulde Burkina Faso

¹⁶ Kam tan woni keddotooɗo, gonɗo ley annoora mo fay gooto waawaa ɓadaade. Neɗɗo fay gooto yi'aay ɗum, waawaa yi'ude ɗum du. Teddeengal e baawɗe duumiiɗe ngoodan mo. Aamiina.

1 Timote 6:16 ပူးပေါင်းရင်းမြစ်များ

Ayuuba 37:23

Jom Baawɗe le hewtataake, baawɗe muuɗum ɗuuɗii, sariya muuɗum hiɓɓii, jom dartaare oon torrataa neɗɗo.

Wurtagol 3:14

Laamɗo wi'i Muusaa: — Miin Woni Mo Ngonumi. O wi'i katin: — Inan ko mbi'ataa Israa'iila'en: Inndirteeɗo Miin-Woni oon neli kam to mooɗon.

Wurtagol 33:20

Ammaa a yi'ataa yeeso am, sabo walaa ji'oowo yeeso am de wuura.

Yuhanna 1:18

Fay gooto yi'aay Laamɗo abada. Ammaa Ɓiɗɗo bajjo gonduɗo e Baabiiwo oon, kam humpiti en mo.

Yuhanna 14:9

Iisaa wi'i mo: — Filipu, no ngondirmi e mooɗon faa ɓooyi nii fuu, de faa hannden a anndaay kam naa? Jiiɗo kam fuu, yi'ii Baabiiwo. Noy mbiirataa: «Hollu min Baabiiwo»?

Yuhanna 6:46

Fay gooto yi'aay Baabiiwo, si wanaa ƴuuruɗo to muuɗum oon. Kanko tan yi'i Baabiiwo.

Yuhanna 8:58

Iisaa jaabii ɓe: — Goonga kaalanammi on: gilla Ibrahiima tagaaka, miin, miɗo woni.

Efeesunkooɓe 3:21

Wo teddeengal woodan mo ley kawrital goonɗinɓe, e saabe Iisaa Almasiihu ley jamaanuuji ɗiin fuu faa abada abadin! Aamiina.

Fillitagol 32:40

Mi ɓantan junngo am faro kammu de mi hunoo, mi wi'a: Mi hunorake innde am nde timmataa faa abada ndeen.

Filipiyankooɓe 4:20

Teddeengal woodan Laamɗo Baaba meeɗen faa abada abadin! Aamiina.

Koloosiyankooɓe 1:15

Almasiihu oon woni tagaadi Laamɗo mo yi'ataake oon. Kanko woni afo ardiiɗo dow tagoore ndeen fuu.

1 Timote 1:17

Laamɗo duumiiɗo jamaanuuji fuu, mo waylitataako, mo yi'ataake – Laamɗo gonɗo kam tan – teddeengal e darja woodan mo faa abada abadin! Aamiina.

Ibraninkooɓe 13:8

Iisaa Almasiihu waylitataako: no worrunoo keeŋan ni, worri hannden, noon du worrata faa abada.

Yaakuuba 1:17

Moƴƴere lobbere e dokkal kiɓɓungal fuu, to dow kammu ƴuurata, to Baabiiwo taguɗo annooraaji kammu, mo waylitataako. O nanndaa e ɗowkiiji baylitotooɗi.

1 Yuhanna 1:5

Inan kabaaru mo min narri Almasiihu, mo min kaalanta on haala muuɗum oon: Laamɗo wo annoora, nimre fuu walaa e muuɗum.

1 Yuhanna 1:7

Ammaa si e annoora mbuurɗen hono no o worri e annoora kanko e hoore makko ni fu, ndeen eɗen ngoodi kawtal hakkunde meeɗen. Katin du ƴiiƴam Ɓiyiiko Iisaa na laaɓina en e hakkeeji fuu.

1 Yuhanna 4:12

Fay gooto yi'aay Laamɗo abada. Si en njiɗundurii fu, Laamɗo ina woni e meeɗen, katin du njinngu muuɗum hiɓɓii e meeɗen.

Yahuuda 1:25

Teddeengal e manngu e semmbe e laamu ngoodan mo, kanko Laamɗo gooto kisinirɗo en Iisaa Almasiihu Joomiraaɗo meeɗen oon, gilla fuɗɗoode, faa joonin, faa abada abadin! Aamiina.

Holleede 1:6

O hokki en laamu, o waɗi en almaami'en faa ngollanen Laamɗo Baabiiko oon! Teddeengal e baawɗe ngoodan Iisaa faa abada! Aamiina.

Holleede 1:8

Laamɗo Joomiraaɗo, gonɗo, gonnooɗo, gonoowo, Jom baawɗe fuu oon, wi'i: — Miin woni arandeejo, miin woni cakitotooɗo.

Holleede 21:3

Nanumi daande toownde ƴuurunde to jooɗorgal laamu toon, ina wi'a: — Inan, joonnde Laamɗo na woni hakkunde yimɓe: o jooɗoto hakkunde maɓɓe, ɓe laatoo lenyol makko. Laamɗo e hoore muuɗum wondan e maɓɓe, laatoo Laamɗo maɓɓe.

Holleede 22:5

Jemma walaa katin. Ɓe ngalaa haaju e annoora lampal naa annoora naange, sabo Laamɗo Joomiraaɗo yayniranan ɓe annoora muuɗum. Ɓe laamoto faa abada abadin.

Holleede 4:11

«Joomiraaɗo amin, Laamɗo amin, aɗa foti heɓude darja e teddeengal e baawɗe, sabo aan tagi huunde fuu. Wo saabe muuyɗe maa ɗum laatorii, wo saabe muuyɗe maa tagirɗaa ɗum.»

Holleede 7:12

Iɓe mbi'a: «Aamiina. Manoore e darja e hakkilantaaku e yettoore e teddeengal e baawɗe e semmbe, fuu ngoodanii Laamɗo meeɗen faa abada! Aamiina.»