1 Timote 6:11 - Dewtere Laamɗo Fulfulde Burkina Faso

¹¹ Aan neɗɗo Laamɗo kaa, doggu, mboɗɗoɗaa kulle ɗeen. Piloɗaa fonnditaare e kulol Laamɗo e goonɗinal e njinngu e munyal e leeƴinkinaare.

1 Timote 6:11 ပူးပေါင်းရင်းမြစ်များ

1 Kaanankooɓe 13:1

Wakkati oon, Nelaaɗo Laamɗo ƴuuri Yahuuda wari wuro Baytila sabo konngol Joomiraaɗo warii e makko. O yottii toon wakkati Yerobo'am wulata ure dow hirsirde ndeen.

1 Kaanankooɓe 13:26

Nde annabaajo oon nannoo kabaaru majjum fu, wi'i: — Ɗum woni Nelaaɗo Laamɗo mo ɗowtanaaki konngol Joomiraaɗo. Ndelle Joomiraaɗo hokkii mo rawaandu ladde, faa seeka mo, wara mo. Ɗum fuu ɗum laatorake hono no Joomiraaɗo haaldirno e makko noon.

1 Kaanankooɓe 17:18

Ndeen inna suka oon wi'i Iliyaasa: — Nelaaɗo Laamɗo, ɗume waddondiri en? Yalla a waraanaa ɗo am faa miccintina Laamɗo hakkeeji am, de wara ɓiyam naa?

1 Kaanankooɓe 17:24

Ndeen debbo oon wi'i Iliyaasa: — Joonin kaa mi annditi wo a Nelaaɗo Laamɗo, haala Joomiraaɗo ka kaalata kaan, wo ngoongalaaha.

1 Kaanankooɓe 20:28

Annabaajo oon ɓattitii kaananke Israa'iila katin wi'i ɗum: — Inan ko Joomiraaɗo wi'i: Saabe Siiriyankooɓe ɓe mbi'ii Joomiraaɗo wo alla baamle de wanaa alla njaayri, miin Joomiraaɗo mi wattan jamaare mawnde nde fuu e juuɗe maaɗa, ndeen on paaman ko miin woni Joomiraaɗo.

2 Kaanankooɓe 1:13

Kaananke Ahajiya neli hooreejo sordaasiiɓe tataɓo, yaada e worɓe 50. Hooreejo oon du tawoy Iliyaasa faa dow waamnde toon. Nde o yottinoo fu, o hofii yeeso Iliyaasa, de o ŋaarii ɗum, o wi'i: — Nelaaɗo Laamɗo, miɗo ŋaare, yonkiiji amin minen sukaaɓe maaɗa ɗiin laatoo korsuɗi e gite maaɗa.

2 Kaanankooɓe 1:9

Ndeen kaananke Ahajiya neli hooreejo sordaasiiɓe, yaada e worɓe 50 to Iliyaasa. Tawi Iliyaasa na jooɗii faa dow waamnde. Hooreejo sordaasiiɓe oon yottii wi'i mo: — Nelaaɗo Laamɗo, kaananke yamirii njippoɗaa!

2 Kaanankooɓe 23:17

Ndeen gite makko caami e nyimngo gomma de o wi'i: — Nyimngo ɗume nji'ammi ni? Yimɓe galluure ndeen njaabii mo mbi'i: — Wo saabeere Nelaaɗo Laamɗo ƴuurunooɗo Yahuuda, wari waɗi annabaaku ko ngaɗuɗaa dow sakkirde Baytila joonin oon.

2 Kaanankooɓe 5:20

Gehaaji golloowo Elisey miilii e ɓernde muuɗum wi'i: — Joomam accii Na'aman Siiriyanke o dilli yoɓaay fay huunde. Mi hunorake Joomiraaɗo buurɗo mi taaynan mo, danya ko njaɓumi to makko.

1 Kabaaruuji Laamiiɓe 23:14

Muusaa, neɗɗo Laamɗo oon kaa, ɓiɓɓe muuɗum e ley lenyol Lewinkooɓe limaa.

Nehemiya 12:24

Mawɓe Lewinkooɓe: Hasaabiya e Seraabiya e Yesuwa ɓii Kadamiyel e sakiraaɓe maɓɓe ina ndarii ina kucciti e maɓɓe fodde e pecce muɓɓen, ina njima jimi manooje e jettooje Laamɗo hono no kaananke Daawda, maccuɗo Laamɗo wiirunoo noon.

Nehemiya 12:36

e sakiraaɓe muuɗum Semaya e Ajariyel e Milalay e Gilalay e Maa'ay e Nataanel e Yahuuda e Hanaani ndewti ɓe. Ɓeen tiigii munkariiji Daawda maccuɗo Laamɗo. Isira jannginoowo Tawreeta oon ardii ɓe.

Banndi 15:9

Laabi bonɓe ina nyiddinii yeeso Joomiraaɗo, de jokkoowo ponnditiingol kaa, imo yiɗi ɗum.

Romankooɓe 14:19

Ndelle, piloɗen ko ɓeydata jam hakkunde meeɗen. Mono fuu filoo ko semmbinɗinta banndum ley goonɗinal.

1 Korintunkooɓe 10:14

Saabe ɗuum, sakiraaɓe am horsuɓe, mboɗɗee dewal tooruuji.

1 Korintunkooɓe 14:1

Ndelle, pooɗanoɗon njinngu no mbaawruɗon fuu. Eelon du dokke Ruuhu Ceniiɗo ɗeen. De ko ɓuri fuu, piloɗon haaldude annabaaku.

1 Korintunkooɓe 6:18

Ndoggee fijirde! Hakkeeji goɗɗi ɗi neɗɗo waɗata fuu takkataa e ɓanndu muuɗum, sanaa fijirde. Pijoowo na waɗana ɓanndu mum hakke.

Fillitagol 16:20

Tinnoɗaa e filaade dartaare faa mbuuraa de njeytaa leydi ndi Joomiraaɗo, Laamɗo maaɗa hokkete ndiin.

Fillitagol 33:1

Inan no Muusaa nelaaɗo Laamɗo oon barkiniri Israa'iila'en de caggal ɗuum dilli adunaaru.

1 Timote 1:14

Moƴƴere Joomiraaɗo heewii kam sanne, hokki kam goonɗinal e njinngu taweteengu e Iisaa Almasiihu.

1 Timote 4:12

Taa fay gooto yawe saabe njokollaaku maa. Ammaa laatanoɗaa goonɗinɓe alhaali lobbo e ley haala maa e nguurndam maa, ley njinngu maa e goonɗinal maa, e ley laaɓal maa.

1 Timote 5:10

O anndiree golleeji lobbi hono ne'ude sukaaɓe, jippinde weerɓe, lootude koyɗe seniiɓe, wallude ɓilliiɓe, wooɗi du tinnaade e golleeji lobbi fuu.

1 Timote 6:20

Timote, tinnoɗaa e ko kalfinaɗaa ɗuum. Mboɗɗoɗaa haalaaji ɓoli luttuɗi kulol Laamɗo, kam e miilooji bi'eteeɗi wo anndal de nganaa.

2 Timote 2:21

Ndelle, si neɗɗo laaɓinii hoore muuɗum e golleeji bonɗi ɗiin fuu, laatoto hono kaakol keertaangol, ceniingol nafoowol Joomum, cegilanaangol faa golliree gollal lobbal fuu.

2 Timote 2:22

Doggu muuyɗe njokollaaku bonɗe. Piloɗaa fonnditaare e goonɗinal e njinngu e jam, aan e noddirooɓe Joomiraaɗo ɓerɗe laaɓuɗe ɓeen fuu.

2 Timote 3:10

Aan kaa a ndaarii janngingol am e alhaali am e anniyaaji am e goonɗinal am e munyal am e njinngu am e tinnitaare am.

2 Timote 3:17

faa neɗɗo Laamɗo fuu hiɓɓa, segilanee gollal lobbal fuu.

Ibraninkooɓe 12:14

Tinnee, piloɗon wondude e yimɓe fuu dow jam. Piloɗon senaare, sabo si on ngalaa nde, on nji'ataa Joomiraaɗo.

1 Piyeer 3:11

woɗɗoo ko boni, waɗa ko moƴƴi, filoo jam de tinnoo e majjam.

1 Samuwiila 2:27

Wooɗi, neɗɗo Laamɗo warii to Eli, wi'i: — Inan ko Joomiraaɗo wi'i: «Wanaa mi ɓanginanii suudu bammaa hoore am nde ɓe ngonnoo ley leydi Misira to Fira'awna naa?

1 Samuwiila 9:6

Ammaa maccuɗo oon wi'i: — Hettinda, ley ngalluure nde na woodi neɗɗo Laamɗo, kanko wo o tedduɗo, huunde fuu ko o wi'i laatoto. Accu njehen to makko. Hasii o haalanan en to nji'eten araaji men.