1 Timote 6:10 - Dewtere Laamɗo Fulfulde Burkina Faso

¹⁰ Sabo yidde jawdi woni ɗaɗol bonandaaji fuu. Ko woɓɓe pooɗanii jawdi ɗuum majjinii ɗum'en laawol goonɗinal, ngaddanii ko'e muɓɓen torraaji keewɗi.

1 Timote 6:10 ပူးပေါင်းရင်းမြစ်များ

Fuɗɗoode 29:14

Laban wi'i mo: — Sikke fuu walaa, wo a enndu am en ƴiiƴam ngootam. Yaakuuba woni ɗo makko faa waɗi lewru.

Fuɗɗoode 29:26

Laban jaabii, wi'i: — Minyiiwo artoo mawniiwo suddeede, ɗuum wanaa finaatawaa amin.

Fuɗɗoode 34:27

Caggal ɗuum, ɓiɓɓe Yaakuuba fuu caami e nawnaaɓe ɓeen, ɓe koni huɓeere ndeen, ɓe njomnitii ko sakiike maɓɓe debbo tuuninaa ɗuum.

Fuɗɗoode 38:16

O falii to muuɗum ɗakkol laawol, o ndaari ɗum, o wi'i: — War ngonden. Sabo o annditaay yalla oon wo esiiko. Debbo oon wi'i: — Ɗume kokkataa kam de ngondaa e am?

1 Kaanankooɓe 2:40

ummii hirkini araawa muuɗum, de yehi leydi Gaat to Aakiisi faa filowoo maccuɓe muuɗum. Nde o yiitoynoo ɓe fu, o wartiri ɓe Urusaliima.

2 Kaanankooɓe 5:27

Saabe ko ngaɗuɗaa ɗuum, nyawu Na'aman nguun wartan dow maaɗa aan e ƴuwdi ma faa abada. Gehaaji dilli ɗo Elisey ɗoon wo nyawraaɗo nguru. Ɓanndu makko na rawni far hono haabu.

Banndi 1:19

Noon ɗum laatoranto neɗɗo fuu tefoowo teetude jawdi woɓɓe. Ndi fooɗanan ɗum maayde.

Banndi 1:31

Saabe majjum on nyaaman ɓiɓɓe golleeji mon bonɗi, on kaaran dabareeji mon bonɗi.

Banndi 15:27

Suuno jawdi fewre na liɓa bone dow wuro, calotooɗo yeeneede jawdi wuuran.

Tindinoowo 2:19

Moy anndi du yalla loomtoowo kam oon wo hakkilante naa wo puuyɗo? Ammaa o dawranan golleeji ɗi tampirannoomi hakkilantaaku e ciinal ley sorndu naange ɗiin fuu. Ɗum du tawumi fuu wo ɓolum.

Matta 13:22

Kabaaru aawdi caamundi e kebbe ndiin, ina nanndi e neɗɗo nanoowo konngol ngool, de kaɓɓu-ko'u adunaaru e eytugol jawdi ɓilla ngol, ngol laatoo dimarol.

Matta 23:13

Bone woodanii on onon jannginooɓe Tawreeta e Farisa'en, munaafiki'en! Oɗon cokana yimɓe dammbugal laamu Laamɗo ngaal. On naatataa, on accataa naatooɓe naata. [

Matta 6:19

— Taa ndesanon ko'e mon jawdi adunaaru, ɗo mooƴu e puundi mbonnata, ɗo wuyɓe kelata gampuuje de mbujja.

Marka 4:19

ammaa kaɓɓu-ko'u adunaaru e eytugol jawdi, kam e muuyɗe yonki goɗɗe naatan ɓe, ɓilla ngol, ngol laatoo dimarol.

Fillitagol 16:19

Taa oonyaa goonga, taa wooda mo njinngantaa ley sariya. Taa njaɓaa njeenaari to careteeɗo sabo njeenaari na wumna saahiiɓe, na ɗala dartiiɓe goonga.

Fillitagol 23:18

Israa'iilanke debbo e gorko fuu kaanaa taweede hakkunde waɗooɓe woykuraaku saabe diina.

Koloosiyankooɓe 3:5

Ndelle, mbaree kulle adunankooje gonɗe e mooɗon ɗeen. Ɗuum woni fijirde e ko soɓi e muuyɗe terɗe e muuyooji bonɗi, kam e eelgal jawdi, sabo eelgal ngaal du wo rewude tooruuji.

1 Timote 3:3

Taa o laatoo jaroowo doro, naa kaɓeteeɗo. De o laatoo newiiɗo, jom heese. O wanaa pilotooɗo ceede.

1 Timote 6:21

Woɓɓe na mbiitoo wo jom'en anndal ngaal, faa njoppi goonɗinal. Hinney Laamɗo wondu e mooɗon.

1 Timote 6:9

Ammaa yiɗuɓe jawdi sanne ɓeen jarribete. Ɓe caaman e ley tuugol, e ley muuyɗe keewɗe laaliiɗe majjinooje, joolooje yimɓe e ley halkere mawnde.

2 Timote 3:2

Si goonga, yimɓe laatoto yiɗuɓe ko'e muɓɓen, yiɗuɓe jawdi, mantotooɓe, mawninkiniiɓe, mbonkotooɓe Laamɗo. Ɓe calanto saaraaɓe maɓɓe, ɓe mbonnan moƴƴere, ɓe teddintaa ko senii.

2 Timote 4:10

Sabo Demas yoppii kam saabe yidde muuɗum adunaaru, yehi Tesaloniiki. Keresna yehii Galaatiya, Tiitu du yehi Dalmaatiya.

Titus 1:11

Ina tilsi kunnduɗe maɓɓe muɓɓee, sabo iɓe mbonnira galleeji keewɗi waaju mo haanaa waajeede, faa ɓe keɓira ɗum ceede no harmiri.

Yaakuuba 5:19

Sakiraaɓe am, si gooto mooɗon wosake laawol goonga, de goɗɗo wartirii ɗum fu,

Yoosuwa 7:21

Ley jaalagol konu nji'umi nder jawdi saaya lobba ƴuuruka Baabiila, e buuɗi cardi 200, e tayre kaŋŋe nde teddeefi mum waɗi feccere kilo. Eelgal (muuyo) majjum nanngi kam, de kooƴumi ɗum. On tawan ɗum fuu ley ngayka, nder hukum am, de cardi ndiin ina heedi ley majjum.

Yahuuda 1:11

Halkere woodanii ɓe koy! Ɓe njokkii laawol Kayiinu. Ɓe majjinii ko'e maɓɓe hono no Balaama majjiri faa ɓe keɓa jawdi. Iɓe kalka e muurtugol maɓɓe no Koora halkiri ni.

Holleede 18:13

Gineeji maɓɓe katin wo funngooji belnirɗi e uurnirɗi e gowe e nebbam uurɗam e uurdi miira e uurdi cuurtinteendi e cabijam e nebbam ɓiɓɓe jaytun e conndi alkama e aawdi alkama e na'i e baali e pucci e torkooji e maccuɓe e yonkiiji yimɓe.