1 Timote 3:6 - Dewtere Laamɗo Fulfulde Burkina Faso

⁶ Haanaa du tuubuɗo keso laatoo ardiiɗo, faa taa joomum mawnina hoore mum, de jukkoree no Ibiliisa jukkortee ni.

1 Timote 3:6 ပူးပေါင်းရင်းမြစ်များ

2 Kaanankooɓe 14:10

Wo goonga a jaalakeno Edominkooɓe, de a toowni hoore maaɗa saabe majjum. Ceyoɗaa ley wuro maaɗa de kaaɗaa toon. Ko saabii de parritinɗaa naatude wolde halkoore ma aan e Yahuuda fuu?

Banndi 18:12

Manngu becce na wadda halkere, leeƴinkinaare kaa, na wadda teddeengal.

Banndi 29:23

Mawnitaare neɗɗo famɗinan ɗum, leeƴinɗo hoorem kaa, heɓan teddeengal.

Luuka 10:18

O wi'i ɓe: — Mi yi'ii Seyɗaani ina ƴuura dow kammu, ina saama hono maƴƴere.

1 Korintunkooɓe 3:1

Miin kaa, sakiraaɓe, mi waawaay haalirande on hono no kaaldirammi e jogiiɓe Ruuhu Ceniiɗo ni. Ammaa mi haaldiranii on hono wo on jokkuɓe muuyɗe terɗe, hono wo on cukaloy keccoy e ley goonɗinal Almasiihu.

1 Korintunkooɓe 8:1

Joonin en ndaaran kabaaru teewu cakkanaangu tooruuji. Eɗen anndi «en fuu eɗen ngoodi anndal». Anndal le, waddan mawninkinaare. Wo njinngu semmbinɗinta goonɗinɓe.

2 Korintunkooɓe 12:7

Ko kollaami ɗuum ina ɓuri hakkillo. De taa mi mana hoore am e majjum, ko nanndi hono gi'al wattaama ley terɗe am. Ɗum laatanake kam nelaaɗo Seyɗaani, ina fiya kam faa taa mi mawnitoo.

Fillitagol 17:20

Noon waɗata taa o mawninkinoo, o sikka imo ɓuri sakiraaɓe makko de o selira laawol goonga ngool nano naa nyaamo. Si o waɗii noon fu, laamu makko juutan kanko e ɓiɓɓe makko fuu hakkunde Israa'iila.

Fillitagol 8:14

kakkilon taa mawninkinoɗon de njeggiton Joomiraaɗo, Laamɗo mooɗon, burtinɗo on leydi Misira, ley suudu maccungaaku oon.

1 Timote 3:7

Ina tilsi katin wonɓe yaasin ɓeen ceedanoo mo ko wooɗi, taa innde makko gaccee, de o saama ley tuugol Ibiliisa.

1 Timote 6:4

oon wo mawninkiniiɗo mo anndaa fay huunde. Wo o cuunaaɗo kalala dow jannde diina, jiɗɗo jeddi tan. Ɗuum fuu ina wadda haasidaaku e kalala e mbonka e sikkitaare bonnde.

2 Timote 3:4

Ɓe laatoto jambotooɓe, jom'en ɓerɗe, mawnitiiɓe, mbelirka adunaaru ina ɓurani ɓe Laamɗo.

1 Piyeer 2:2

No cukaloy keccoy muuyirta kosam enɗi inniraaɓe muɓɓen ni, hono noon onon du haani muuyiron konngol Laamɗo laaɓungol ngool, faa mawnon ley kisindam mon saabe maggol.

1 Piyeer 5:5

Hono noon onon jokolɓe, njaɓee yamiroore mawɓe. On fuu, ngondon e leeƴinkinaare hakkunde mooɗon, sabo Binndi ɗiin mbi'ii: «Laamɗo na salanoo mawninkiniiɓe, de na hokka leeƴinkiniiɓe moƴƴere.»

2 Piyeer 2:4

Miccitoɗon, Laamɗo accaay maleyka'en luttunooɓe ɓeen. Ko o waɗi dey, o geƴƴirii ɓe callali, o faɗɗi ɓe ley nimre jahannama faa nyannde darngal.

Yahuuda 1:6

Miccitoɗon du no maleyka'en woɓɓe muurtiri, keddaaki ley keerol baawɗe ɗe Laamɗo darnannoo ɗum'en, de njoppi joonnde muɓɓen. Saabe ɗum, Joomiraaɗo watti ɓe ley nimre faa kiite nyannde darngal, geƴƴirii ɓe geƴƴelle duumiiɗe.