1 Samuwiila 8:3 - Dewtere Laamɗo Fulfulde Burkina Faso

³ Ammaa ɓe njokkaay laawol baabiiɓe, ɓe mbosii ngol. Ɓe pilii tino, ɓe njaɓi njeenaari jamba, ɓe oonyi sariya.

1 Samuwiila 8:3 ပူးပေါင်းရင်းမြစ်များ

2 Samuwiila 15:4

Absalom na wi'a: — Haya, si miin laatinoo carotooɗo ley leydi ndi, gooduɗo baasi fuu naa huunde sareteende fuu na waawunoo warude to am. Miin du, mi saranoo ɗum sariya goonga!

Wurtagol 18:21

Joonin le, ndaaraa hakkunde yimɓe ɓeen fuu, de cuɓoɗaa worɓe saahiiɓe, hulooɓe Laamɗo, hoolniiɓe, wanyuɓe jawdi jambuuri. Ngaɗaa woɓɓe maɓɓe laatoo hooreeɓe dow yimɓe ujunere (1.000), woɓɓe du hooreeɓe yimɓe 100, woɓɓe du yimɓe 50, woɓɓe du yimɓe 10.

Wurtagol 23:6

Taa oonyaa sariya saabe careteeɗo wo talka.

Wurtagol 23:8

Taa njaɓaa njeenaari to careteeɗo, sabo njeenaari na wumna saahiiɓe na ɗala dartiiɓe goonga.

Tindinoowo 2:19

Moy anndi du yalla loomtoowo kam oon wo hakkilante naa wo puuyɗo? Ammaa o dawranan golleeji ɗi tampirannoomi hakkilantaaku e ciinal ley sorndu naange ɗiin fuu. Ɗum du tawumi fuu wo ɓolum.

Fillitagol 16:19

Taa oonyaa goonga, taa wooda mo njinngantaa ley sariya. Taa njaɓaa njeenaari to careteeɗo sabo njeenaari na wumna saahiiɓe, na ɗala dartiiɓe goonga.

1 Timote 3:3

Taa o laatoo jaroowo doro, naa kaɓeteeɗo. De o laatoo newiiɗo, jom heese. O wanaa pilotooɗo ceede.

1 Timote 6:10

Sabo yidde jawdi woni ɗaɗol bonandaaji fuu. Ko woɓɓe pooɗanii jawdi ɗuum majjinii ɗum'en laawol goonɗinal, ngaddanii ko'e muɓɓen torraaji keewɗi.

1 Samuwiila 12:2

Joonin ndaar, oɗon ngoodi kaananke ardiiɗo yeeso mooɗon. Min kaa mi naywii, hoore am rawnii, ɓiɓɓe am du ina ngondi e mooɗon ga. Mi ardake on illa e cukaaku am faa warde hannden.

1 Samuwiila 2:35

Ndeen mi umminanan hoore am almaami koolniiɗo gaɗoowo ko ɓernde am e muuyɗe am njiɗi. Mi nyiɓanan mo lenyol ngol semmbe. O yahan yeeso cuɓaaɗo am, o gollana ɗum faa abada.