1 Samuwiila 7:3 - Dewtere Laamɗo Fulfulde Burkina Faso

³ Ndeen Samuwiila wi'i yimɓe Israa'iila fuu: — Si on ngartii to Joomiraaɗo e ɓerɗe mooɗon fuu, sanaa mboɗɗoɗon alla'en woɓɓe e tooru wi'eteendu Astarta hakkunde mooɗon. Sanaa ponndinon ɓerɗe mooɗon to Joomiraaɗo, ɗowtanoɗon ɗum kam tan. Ndeen o dannan on e juuɗe Filistiyankooɓe.

1 Samuwiila 7:3 ပူးပေါင်းရင်းမြစ်များ

Fuɗɗoode 35:2

Yaakuuba wi'i yimɓe galle muuɗum e wonduɓe e muuɗum fuu: — Paɗɗee tooruuji ɗi njogiɗon ɗiin, laaɓinee ko'e mon de mbattiton kaddule.

1 Kaanankooɓe 11:33

Noon ngaɗirammi sabo yimɓe ɓeen njoppii kam, de ɓe cujidani Astarot tooru Sidoninkooɓe e Kemos tooru Mo'abinkooɓe, e Milkom tooru Amoninkooɓe. Ɓe ndewaay laabi am, ɓe ngaɗataa ko fonnditii yeeso am, ɓe ɗowtantaako jamirooje am e sariyaaji am hono no Daawda baaba Suleymaana waɗannoo noon.

1 Kaanankooɓe 8:48

si nii ɓe tuubii e hakkillooji maɓɓe e ɓerɗe maɓɓe fuu ley leydi wayɓe maɓɓe to ɓe njaaraa toon, de ɓe ngaɗi du'aare to maaɗa, iɓe kucciti faro leydi ndi kokkuɗaa maamiraaɓe maɓɓe, e galluure nde cuɓiɗaa e suudu ndu nyiɓumi saabe innde maaɗa,

2 Kaanankooɓe 17:39

Joomiraaɗo, Laamɗo mooɗon kam tan haani kulon. Wo kanko hisinta on e juuɗe wayɓe on fuu.

2 Kaanankooɓe 23:15

Katin Yosiya fusi nokkuure sakkirde nde Yerobo'am ɓii Nebat nyiɓunoo wuro Baytila de wattiri Israa'iila'en e hakke ndeen. O fusi nde kayre e ko woni e mayre fuu. O wuli nde, o niisi ƴulɓe mayre faa laatii conndi de o wuli leggal tooru Asera ngaal.

1 Kabaaruuji Laamiiɓe 22:19

Joonin kaa, piloree Joomiraaɗo, Laamɗo mooɗon e ɓerɗe mon fuu e yonkiiji mon fuu. Ummee, nyiɓanon Laamɗo Joomiraaɗo suudu seniindu faa ngartiron Keesuwal Amaana muuɗum ngaal e kujje ceniiɗe ley suudu nyiɓanteendu innde Joomiraaɗo nduun.

1 Kabaaruuji Laamiiɓe 28:9

Aan Suleymaana, suka am, anndaa Laamɗo am miin baaba maaɗa, de ngolliranaa ɗum e ɓernde ma fuu, e yonki ma fuu sabo Joomiraaɗo na hiinya ɓerɗe fuu, na anndi miilooji fuu. Si a filake o fu, o accan njiitaa o. Si a tottitake o du, o faɗɗete faa abada.

Banndi 16:1

Ɓii-Aadama e dabare mum, Joomiraaɗo du e jaabum.

Matta 15:8

«Laamɗo wi'ii: Lenyol ngol ina teddina kam e kunnduɗe muɓɓen, ammaa ɓerɗe muɓɓen ina mboɗɗii kam.

Matta 4:10

Iisaa wi'i mo: — Woɗɗam Seyɗaani! Sabo ina winndaa: «Wo Laamɗo Joomiraaɗo maa kaanɗaa sujidande, kam tan kaanɗaa rewude.»

Matta 6:24

— Fay gooto waawaa gollande joomiraaɓe ɗiɗo, sabo joomum wanyan gooto, de yiɗa keddiiɗo oon, maa du nanngunduran e gooto, de yawa keddiiɗo oon. On mbaawaa gollande Laamɗo e jawdi fuu nde wootere.

Luuka 4:8

Iisaa jaabii mo, wi'i: — Ina winndaa: «Wo Laamɗo, Joomiraaɗo maa kaanɗaa sujidande, kam tan kaanɗaa rewude.»

Yuhanna 4:24

Laamɗo wo Ruuhu. Rewooɓe mo ɓeen sanaa ndewira mo ruuhu e goonga.

Fillitagol 10:20

Wo Joomiraaɗo, Laamɗo mooɗon haani kulon. Wo oon haani ɗowtanoɗon de kaɓɓondiron e muuɗum. Wo e innde makko kunortoɗon.

Fillitagol 13:4

taa kettindanee annabaajo naa piirtoowo koyɗi oon sabo wo Joomiraaɗo, Laamɗo mooɗon oon ndaartintoo on faa faama yalla oɗon njiɗiri ɗum e ɓerɗe mon e yonkiiji mon fuu.

Fillitagol 4:29

Ndeen on piloto Joomiraaɗo, Laamɗo mooɗon de njiiton ɗum, si on tewtirii ɗum e ɓerɗe mon fuu e yonkiiji mon fuu.

Fillitagol 6:13

Kulon Joomiraaɗo, Laamɗo mooɗon. Wo oon ɗowtantoɗon wooɗi du, e innde makko kunortoɗon.

Yoosuwa 13:31

Ɓe keɓi feccere Galaad, e Asterot e Edirey, kuɓeeje gonɗe nder Baasan, laamorde Oga. Kanjum laatii feccere ndongu ƴuwdi Makir ɓii Manasa fodde e cuuɗi muɓɓen.

Yoosuwa 24:14

Ndeen Yoosuwa ɓeydi, wi'i: — Joonin kaa, kulee Joomiraaɗo, ngolliranee mo ngoongalaaku e ɓernde wootere. Ittee allaaji ɗi maamiraaɓe mooɗon ɗowtantonoo caggal maayo Efaratis e ley Misira ɗiin. Ɗowtanee Joomiraaɗo tan.

Yoosuwa 24:23

Yoosuwa wi'i ɓe: — Si wo noon fu, ittee allaaji janani gonɗi hakkunde mooɗon ɗiin. Ngartiree ɓerɗe mon to Joomiraaɗo, Laamɗo Israa'iila.

Ardiiɓe 10:16

Wakkati oon, ɓe itti allaaji janani ɗiin hakkunde maɓɓe, ɓe ɗowtanii Joomiraaɗo. Kanko du ɓernde makko mettani torra mo ɓe torretee oon.

Ardiiɓe 10:6

Israa'iilankooɓe puɗɗiti waɗude ko boni yeeso Joomiraaɗo. Ɓe ɗowtanii allaaji bi'eteeɗi Ba'al e Asteraat, e allaaji Siiriyankooɓe e ɗi Sidoninkooɓe e ɗi Mo'abinkooɓe e ɗi Amoninkooɓe e ɗi Filistiyankooɓe. Ɓe njoppi Joomiraaɗo, ɓe celi ɗowtanaade ɗum.

Ardiiɓe 2:11

Ndeen, ɓe ngaɗi ko boni yeeso Joomiraaɗo, ɓe ɗowtanii allaaji bi'eteeɗi Ba'al.

Ardiiɓe 2:13

Si goonga ɓe njoppi Joomiraaɗo, ɓe ɗowtani Ba'al e Astoreti'en.

1 Samuwiila 31:10

Ɓe ngatti kaɓitirɗe ɗeen ley suudu dewal tooru wi'eteendu Astarta. Ɓe kaɓɓi ɓanndu makko to senngo kokuwol wuro Bayti-San.