1 Samuwiila 6:4 - Dewtere Laamɗo Fulfulde Burkina Faso

⁴ Ndeen ɓe ƴami: — Ɗume woni dokkal njobdi hakke ngal min njaarata to makko? Ɓeen mbi'i: — Ngaɗon bannjaale kaŋŋe joy, ngaɗon doombi kaŋŋe joy, faa fota e limoore amiiru'en leydi Filistiya, sabo nyawu bannjaale ngootu ina wonnoo dow mooɗon e dow amiiru'en mooɗon fuu.

1 Samuwiila 6:4 ပူးပေါင်းရင်းမြစ်များ

Wurtagol 12:35

Israa'iila'en ngaɗi ko Muusaa yamirnoo ɗum'en: Ɓe ndookii Misirankooɓe gineeji gaɗiraaɗi kaŋŋe e cardi e kaddule.

Yoosuwa 13:3

gilla maayo Sihor wonngo dow keerol Misira faa yottoo keerol leydi Ekoron faro soɓɓirre. Leyɗe ɗeen fuu wo leyɗe Kanaaninkooɓe e leyɗe kaanankooɓe Filistiyankooɓe njoyo. Kamɓe ngoni mo Gaaja e Asdod e Askalon e Gaat e Ekoron. Ina woodi du leydi Awinkooɓe ngonndi horɗoore keddiindi ndi jaalaaka tafon.

Ardiiɓe 14:19

Wakkati oon Ruuhu Joomiraaɗo wari dow makko e semmbe. O yehi to ngalluure Askelon, o wari yimɓe 30, o hooƴi ko ɓe ngoodi, o itti kaddule maɓɓe, o hokki ɗe fiirtuɓe banndol ɓeen. Caggal ɗuum, o soƴƴii to suudu baabiiko ɓernde makko ina wula mettorgal.

Ardiiɓe 3:3

Lenyi accaaɗi ɗiin wo laamiiɓe Filistiyankooɓe njoyo, wooɗi du Kanaaniyankooɓe fuu, e Sidoninkooɓe, e Hiwiyankooɓe jooɗiiɓe dow baamle Liban, gilla waamnde Ba'al-Hermon faa yottoo ngalluure Hamat.

1 Samuwiila 5:12

Ɓe maayaay fuu piiraama nyawu bannjaale, wullaango ngalluure ndeen ƴeeŋi faa to kammu.

1 Samuwiila 5:6

Joonin junngo Joomiraaɗo teddani yimɓe Asdod, o tiinnani ɓe, o fiiri ɓe nyawu bannjaale, yimɓe Asdod e seraaji muuɗum fuu.

1 Samuwiila 5:9

Nde ɓe adunoo ɗum ndeen, junngo Joomiraaɗo teddaniri ngalluure ndeen e wemmbere mawnde. O fiyi yimɓe ngalluure ndeen faa nyawu bannjaale nanngi ɓe, pamaro e mawɗo fuu.

1 Samuwiila 6:5

Ndelle on tafan alhaaliiji bannjaale mooɗon e alhaaliiji doombi torruɗi leydi ndi, on kokkan Laamɗo Israa'iila teddeengal. Hasii o ɗuytan teddorgal junngo makko dow mooɗon, e dow alla'en mooɗon e dow leydi mooɗon.

1 Samuwiila 6:8

Kooƴon keesuwal Laamɗo maɓɓe, njoƴƴinon ngal dow torkooru nduun. Ngatton dokke kaŋŋe ɗe nuldoton ɗeen ley keesuwal leɗɗe, faa laatoo hono njobdi hakke meeɗen. Ɗakkinon ngal keesuwal maɓɓe ngaal, de njoppon torkooru nduun dilla kam tan.