1 Samuwiila 6:3 - Dewtere Laamɗo Fulfulde Burkina Faso

³ Ɓeen mbi'i: — Si oɗon njeccina keesuwal Alla Israa'iila'en fu, taa njeccinon ngal ɓolal. Tilay njeccindinon ngal to makko e dokkal njobdi hakke mooɗon. Ndeen on ndannete, on paaman du ko waɗi junngo makko na heddii na teddani on.

1 Samuwiila 6:3 ပူးပေါင်းရင်းမြစ်များ

Ayuuba 10:2

Mi wi'an Laamɗo: «Taa pelaa kam ɓolum, paaminaa kam ko pelduɗaa kam.

Wurtagol 23:15

Ngaɗaa iidi Buuru mo Jillaaka Rabilla. Balɗe jeɗɗi nyaamirtaa buuru mo jillaaka rabilla hono no njamirmaami noon. Ngaɗaa iidi oon ley lewru Abib, sabo wo ley leyru nduun mburtinoɗaa leydi Misira. Taa ngaraa yeeso am juuɗe ɓole.

Wurtagol 34:20

Awru araawa fuu, rimɗiniree jawgel naa damngel. Si a rimɗinaay nga fu, sey kelaa daande magga. Awruuɓe ɓiɓɓe maaɗa fuu, ndimɗinaa ɗum'en. Taa fay gooto wara yeeso am junngo ɓolo.

Wurtagol 8:15

Ndeen dabarankooɓe ɓeen mbi'i Fira'awna: — Ɗum kaa wo junngo Laamɗo. Ammaa ɓernde Fira'awna heddii ina yoori sanne. O hettindanaaki ɓe. Ɗum laatorii hono no Joomiraaɗo wiirunoo noon.

Lewinkooɓe 5:6

Na tilsi joomum wadda sadaka mbeewa ndewa maa mbaalu ndewu yeeso Joomiraaɗo saabe njoɓdi hakke mo waɗi oon. Almaami waɗana joomum sadaka yaafeede de hakke muuɗum mooytee.

Lewinkooɓe 6:6

Yiite ngeen heddoroo noon na huɓɓa dow sakkirde ndeen. Taa nge nyifa faa abada.

Fillitagol 16:16

Worɓe leydi mon fuu kawrita yeeso Joomiraaɗo, Laamɗo mooɗon ley nokkuure nde suɓoytoo ndeen kile tati ley hitaande fuu. Ɓe njaha toon wakkati iidi Buuruuje ɗe njillaaka rabilla e iidi Jeɗɗiije e iidi Tenndeeje. Taa ɓe njaha yeeso Joomiraaɗo juuɗe ɓole.

1 Samuwiila 5:11

Jonle ɓe nulani mawɓe Filistiya'en, ɓe kawriti e muɓɓen, ɓe mbi'i: — Accee keesuwal Laamɗo Israa'iila, ngal yeccoo nokkuure muuɗum, faa taa ngal wara en, enen e yimɓe meeɗen. Sabo wemmbere maayde na heewi ley ngalluure ndeen, junngo Laamɗo na teddani nde.

1 Samuwiila 5:7

Nde yimɓe Asdod njiinoo ɗum fuu, ɓe mbi'i: — Keesuwal Laamɗo Israa'iila waawaa wondude e meeɗen, sabo junngo makko na torra en, enen e Dagon, alla meeɗen.

1 Samuwiila 5:9

Nde ɓe adunoo ɗum ndeen, junngo Joomiraaɗo teddaniri ngalluure ndeen e wemmbere mawnde. O fiyi yimɓe ngalluure ndeen faa nyawu bannjaale nanngi ɓe, pamaro e mawɗo fuu.

1 Samuwiila 6:8

Kooƴon keesuwal Laamɗo maɓɓe, njoƴƴinon ngal dow torkooru nduun. Ngatton dokke kaŋŋe ɗe nuldoton ɗeen ley keesuwal leɗɗe, faa laatoo hono njobdi hakke meeɗen. Ɗakkinon ngal keesuwal maɓɓe ngaal, de njoppon torkooru nduun dilla kam tan.

1 Samuwiila 6:9

Ndaaron, si ngal rewii laawol leydi maggal to wuro Betisemes fu, ndeen wo Laamɗo maɓɓe waɗi en torra mawɗo oon. Kaa si wanaa noon du, en annditan wanaa junngo makko teddani en. Wo ɗum hewti en nii.