1 Samuwiila 6:16 - Dewtere Laamɗo Fulfulde Burkina Faso

¹⁶ Nde amiiru'en Filistiya njiinoo ɗum ndeen, ɓe kooti wuro Ekoron nyannde majjum.

1 Samuwiila 6:16 ပူးပေါင်းရင်းမြစ်များ

Yoosuwa 13:3

gilla maayo Sihor wonngo dow keerol Misira faa yottoo keerol leydi Ekoron faro soɓɓirre. Leyɗe ɗeen fuu wo leyɗe Kanaaninkooɓe e leyɗe kaanankooɓe Filistiyankooɓe njoyo. Kamɓe ngoni mo Gaaja e Asdod e Askalon e Gaat e Ekoron. Ina woodi du leydi Awinkooɓe ngonndi horɗoore keddiindi ndi jaalaaka tafon.

Ardiiɓe 16:5

Mawɓe Filistiyankooɓe ngari to Deliila, mbi'i ɗum: — Eytu Samson faa holle to semmbe muuɗum mawɗo oon ƴuurata, e no min mbaawi jaaloraade ɗum, faa min kaɓɓa ɗum, min ndawrana ɗum. Ndeen mono e amin fuu hokkete buuɗi cardi 1.100.

Ardiiɓe 3:3

Lenyi accaaɗi ɗiin wo laamiiɓe Filistiyankooɓe njoyo, wooɗi du Kanaaniyankooɓe fuu, e Sidoninkooɓe, e Hiwiyankooɓe jooɗiiɓe dow baamle Liban, gilla waamnde Ba'al-Hermon faa yottoo ngalluure Hamat.

1 Samuwiila 5:10

Ndelle, ɓe nuldi keesuwal Laamɗo ngaal to wuro Ekoron. Wakkati mo ngal yottinoo wuro Ekoron ndeen, yimɓe Ekoron mbulli, mbi'i: — Ɓe ngaddii keesuwal Laamɗo Israa'iila to meeɗen faa wara en, enen e yimɓe men fuu!

1 Samuwiila 6:12

Ndeen na'i ɗiin nanngi laawol wuro Betisemes, na ndarti cet yaade. Ɗi njokki ngol iɗi kuuna, ɗi mbosoraaki nyaamo e nano fuu. Amiiru'en Filistiya njokki ɗi faa to keerol wuro Betisemes.

1 Samuwiila 6:4

Ndeen ɓe ƴami: — Ɗume woni dokkal njobdi hakke ngal min njaarata to makko? Ɓeen mbi'i: — Ngaɗon bannjaale kaŋŋe joy, ngaɗon doombi kaŋŋe joy, faa fota e limoore amiiru'en leydi Filistiya, sabo nyawu bannjaale ngootu ina wonnoo dow mooɗon e dow amiiru'en mooɗon fuu.