1 Samuwiila 5:8 - Dewtere Laamɗo Fulfulde Burkina Faso

⁸ Ndeen ɓe nulani mawɓe Filistiya'en, ɓe kawriti e muɓɓen, ɓe ƴami: — Noy ngatten keesuwal Laamɗo Israa'iila? Ndeen ɓe mbi'i: — Accee keesuwal Laamɗo Israa'iila waddee to wuro Gaat. Ndelle ɓe adi keesuwal Laamɗo Israa'iila.

1 Samuwiila 5:8 ပူးပေါင်းရင်းမြစ်များ

1 Kabaaruuji Laamiiɓe 7:21

Tahat rimi Jabad, Jabad rimi Sutela, Sutela rimi Ejer e Eleyad. Worɓe Gat rimaaɓe ley leydi ndiin mbari Ejer e Eleyad saabe njippakeno faa teeta daabaaji maɓɓe.

Amos 6:2

Njehee wuro Kalne de ndaaron, njottoɗon faa Hamat, galluure mawnde ndeen, de njippitoɗon Gat, galluure Filistiyankooɓe ndeen. Yalla iɗe ɓuri laamuuji mooɗon ɗiɗi ɗiin naa? Yalla leydi maɓɓe na ɓuri ndi mooɗon manngu?

Yoosuwa 13:3

gilla maayo Sihor wonngo dow keerol Misira faa yottoo keerol leydi Ekoron faro soɓɓirre. Leyɗe ɗeen fuu wo leyɗe Kanaaninkooɓe e leyɗe kaanankooɓe Filistiyankooɓe njoyo. Kamɓe ngoni mo Gaaja e Asdod e Askalon e Gaat e Ekoron. Ina woodi du leydi Awinkooɓe ngonndi horɗoore keddiindi ndi jaalaaka tafon.

Yoosuwa 15:11

Caggal ɗuum, keerol ngool rewi soɓɓirre waamnde Ekoron, ngol oonyorii faro Sikeruuna, ngol seliri waamnde Baala, ngol ƴuuri Yabinayel. Ngol haaɗi to maayo Manngo.

1 Samuwiila 17:4

Gorko jaalotooɗo gomma wurtii ndaaka Filistiya'en fonndii to Israa'iila'en. Innde makko wo Goliyat, jeyaaɗo wuro Gaat. Darnde makko wo piyanɗe jeegom e feccere.

1 Samuwiila 17:52

Sordaasiiɓe Israa'iila e Yahuuda fuu ummii e peekaali wolde de ndiiwi Filistiyankooɓe faa njottii wuro Gaat, faa dammbuɗe ngalluure Ekoron du. Maayɓe maɓɓe cankitake dow laawol hakkunde wuro Saarayim e Gaat e Ekoron.

1 Samuwiila 29:6

Ndelle Akis noddi Daawda wi'i mo: — Mi hunorake Joomiraaɗo buurɗo, a neɗɗo ponnditiiɗo. Na weli kam si aɗa waawunoo yaadude e wardude e am ley wolde. Mi yiiraay maa fuu feloore illa nyannde ngaruɗaa to am faa e hannden. Ammaa a weldaay e hooreeɓe.

1 Samuwiila 5:11

Jonle ɓe nulani mawɓe Filistiya'en, ɓe kawriti e muɓɓen, ɓe mbi'i: — Accee keesuwal Laamɗo Israa'iila, ngal yeccoo nokkuure muuɗum, faa taa ngal wara en, enen e yimɓe meeɗen. Sabo wemmbere maayde na heewi ley ngalluure ndeen, junngo Laamɗo na teddani nde.

1 Samuwiila 5:7

Nde yimɓe Asdod njiinoo ɗum fuu, ɓe mbi'i: — Keesuwal Laamɗo Israa'iila waawaa wondude e meeɗen, sabo junngo makko na torra en, enen e Dagon, alla meeɗen.

1 Samuwiila 6:2

De Filistiyankooɓe noddi almaami'en muɓɓen e tiimooɓe, ɓe mbi'i ɓeen: — Noy ngaɗeten keesuwal Alla Israa'iila? Kollee min no min koorirta ngal to nokkuure maggal.