1 Samuwiila 27:12 - Dewtere Laamɗo Fulfulde Burkina Faso

¹² Akis hoolii Daawda, wi'i e hoorem, «Daawda waɗi hoorem ko luuɓi e yimɓe mum Israa'iila. Ndelle o laatoto maccuɗo am faa abada.»

1 Samuwiila 27:12 ပူးပေါင်းရင်းမြစ်များ

Fuɗɗoode 34:30

Yaakuuba wi'i Simeyon e Lewi: — On torrii kam, on ngaddanii kam wanyeede ley Kanaaninkooɓe e Perisinkooɓe ɓeen. Miin yimɓe seeɗa tan njogiimi. Si ɓe kawritii, ɓe ummanake kam, ɓe kippake kam fu, mi halkan miin e ɓaade am fuu.

2 Samuwiila 10:6

Nde Amoninkooɓe ɓeen paamunoo laatake ko nyiddini to Daawda ndeen, ɓe ŋaarii ballal sordaasiiɓe 20.000 jeyaaɓe wuro Bayti-Rehoob e wuro Soba ley leydi Siiriya, ɓe njoɓi ɗum'en. Ɓe ŋaarii ballal sordaasiiɓe ujunere to kaananke Maaka du e worɓe 12.000 wuro Top.

Wurtagol 5:21

Ɓe mbi'i ɗum'en: — Joomiraaɗo taykoo ko ngaɗuɗon min ɗuum de hiitoo on. On ngaɗii min min nyiddiniiɓe yeeso Fira'awna e yimɓe muuɗum. On ngattii e juuɗe maɓɓe kaafaahi faa ɓe mbara min.

1 Samuwiila 13:4

Yimɓe Israa'iila fuu nani kabaaru o: «Sawulu jaalake kawrital sordaasiiɓe Filistiya'en ɓeen, de joonin Israa'iila laatii ko luuɓi to Filistiya'en.» Ndelle yimɓe noddaama faa kawrita Gilgal to Sawulu.

1 Samuwiila 27:11

O accataa gorko naa debbo wuura taa ɓe njaaree wuro Gaat, imo miilii ɓe kollan ko waɗi, ɓe mbi'a «inan ko Daawda waɗi.» Nii Daawda waɗannoo haddi ko wuuri ley leydi Filistiya'en.

1 Samuwiila 28:1

Ley balɗe ɗeen yimɓe Filistiya kawrunduri sordaasiiɓe muɓɓen faa ɓe kaɓa e Israa'iila'en. Akis wi'i Daawda: — Paamaa aan e worɓe maaɗa on njaadan e am miin e sordaasiiɓe am.