1 Samuwiila 22:7 - Dewtere Laamɗo Fulfulde Burkina Faso

⁷ Sawulu wi'i ɓe: — Worɓe ƴuwdi Benjamin, kettindanee kam. Yalla ɓii Yesa oon hokkan on fuu gese gawri e gese cabiije naa? Yalla o waɗan faa laatoɗon hooreeɓe ujunaaje e hooreeɓe keme naa?

1 Samuwiila 22:7 ပူးပေါင်းရင်းမြစ်များ

2 Samuwiila 18:1

Daawda hawrundurii, worɓe wonduɓe e muuɗum, fecci ɗum'en, de waɗi dow yimɓe ujunere fuu hooreejo, e dow yimɓe 100 du hooreejo.

2 Samuwiila 20:1

Hakkunde worɓe ɓeen ɗoon na woodunoo gorko jaasuɗo gomma bi'eteeɗo Seba ɓii Bikiri, jeyaaɗo lenyol Benjamin. O fuufi luwal, o wi'i: — Min ngalaa ngeɗu to Daawda. Min ngalaa ndongu to ɓii Yesa oon. Ndelle Israa'iila'en, mono fuu hoota hukum muuɗum!

1 Kaanankooɓe 12:16

Nde Israa'iila'en fuu paamunoo kaananke hettindanaaki ɗum'en fu, njaabii, mbi'i: — Minen kaa baka amin walaa e Daawda. Ndongu walaa hakkunde amin e ɓii Yesa. En koota gure men! Accen Daawda oon haybana suudu muuɗum! Israa'iila'en ɓeen kooti gure muɓɓen.

1 Kabaaruuji Laamiiɓe 12:16

Wo kamɓe peƴƴi Urdun lewru go'aɓurdu wakkati heewunoo faa na weccoroo tatteejim fuu ndeen. Ɓe ndiiwi jooɗinooɓe ley naɗɗi faro lettugal e gorgal fuu.

1 Samuwiila 18:14

Imo gayna e ley huunde fuu ko o waɗata sabo Joomiraaɗo na wondi e makko.

1 Samuwiila 20:27

Ammaa jaango majjum, nyannde ɗiɗaɓerde ndeen du, jooɗorgal Daawda wo ɓolal. Sawulu wi'i Yonatan: — Ko waɗi ɓii Yesa waraay nyaamdu keeŋan e hannden fuu?

1 Samuwiila 20:30

Ndeen Sawulu ɓernani Yonatan sanne, wi'i mo: — Aan ɓii debbo bonɗo cattuɗo! Wanaa miɗo anndi a suɓake ɓii Yesa faa cemtinaa hoore maa, wooɗi cemtinaa inna maa du!

1 Samuwiila 22:13

Sawulu wi'i mo: — Ko waɗi nyo'uɗaa kam, aan e ɓii Yesa? A hokkii mo buuru e kaafaahi. A rookanake mo Joomiraaɗo faa o muurtana kam o tuufinana kam hono hannden nii.

1 Samuwiila 22:9

Ndeen Do'ek jeyaaɗo leydi Edom oon wi'i: — Mi yi'ii ɓii Yesa na wara to almaami bi'eteeɗo Ahimelek ɓii Ahituf wuro Nobi.

1 Samuwiila 25:10

Nabal jaabii maccuɓe Daawda, wi'i: — Moy woni Daawda? Moy woni ɓii Yesa? Hannden na woodi maccuɓe heewɓe na teetoo e joomiiɓe.