1 Samuwiila 22:3 - Dewtere Laamɗo Fulfulde Burkina Faso

³ Daawda dilli toon yehi wuro Mispa ley leydi Mo'ab. O haaldi e kaananke Mo'ab, o wi'i: — Miɗo nyaage, accaa baaba am e inna am ngara njooɗodoo e maaɗa faa mi faama ko Laamɗo waɗanta kam.

1 Samuwiila 22:3 ပူးပေါင်းရင်းမြစ်များ

Fuɗɗoode 47:11

Yuusufi honni bammum e sakiraaɓe muuɗum, hokki ɗum'en laamoo ɗo ɓuri fuu wooɗude e leydi Misira, ley leydi Ramses hono no Fira'awna yamirnoo noon.

2 Samuwiila 8:2

Daawda jaalii Mo'abinkooɓe du. O fukkini nanngaaɓe ɓeen e leydi de o fonndiri ɓe e ɓoggol ponndirgol. Si ɓoggol ngool fonndaama e fukkiiɓe ɓeen kile ɗiɗi fu, ɓeen kaa mbaree. Si ngol fonndaama nde wootere du, ɓeen kaa accee mbuura. Mo'abinkooɓe ɓeen laatii maccuɓe Daawda, iɓe njoɓa ɗum lampo.

Wurtagol 20:12

Teddinaa baaba ma e inna ma faa balɗe maaɗa njuuta ley leydi ndi Joomiraaɗo, Laamɗo maaɗa hokkete ndiin.

1 Timote 5:4

De si debbo mo gorum maayi ina jogii ɓiɓɓe naa taaniraaɓe, ko ɓuri fuu tilsude e ɓiɓɓe ɓeen, ɓe paaminee no Laamɗo huldetee faa ɓe mbarjitoo saaraaɓe maɓɓe mbarjaari lobbiri ndi mbarjinoo ɓe. Sabo ɗum woni ko welata Laamɗo.

Ardiiɓe 11:29

Ndeen Ruuhu Joomiraaɗo jippii dow Yefta. O ƴuuri ley leydi Galaad e leydi Manasa, o feƴƴiti wuro Mispa ley Galaad toon, o hewti Amoninkooɓe faa o habda e muɓɓen.

Ruttu 4:10

Katin du, mi hooƴan Ruttu Mo'abinkeejo laatinooɗo dee Maalon oon laatoo deekam faa mi heɓana maayɗo oon donoowo, jeytoowo ngesa ngaan, taa innde mum moyte hakkunde sakiraaɓe mum e ley ngalluure meeɗen. Hannden, on fuu on ceedake ɗum.

Ruttu 4:17

Wonndiiɓe makko rewɓe kokki ngel innde, mbi'i: — Na'omi rimanaama ɓiɗɗo gorko! Ɓe inndiri ngel Obet. Kanngel laatii baaba Yesa. Yesa du woni baaba Daawda.

1 Samuwiila 14:47

Nde Sawulu laatinoo laamiiɗo Israa'iila fuu ndeen, o haɓii e wayɓe maɓɓe gereeji fuu – leydi Mo'ab e leydi Amon e leydi Edom. O haɓii e kaanankooɓe Soba e Filistiya'en. To o hetti fuu o fiyi ɓe faa naawi.

1 Samuwiila 22:2

Hono nii du ɓilliiɓe e reweteeɓe nyamaale e haaɗa-ɓerɗe'en fuu kawriti to makko de o laatii hooreejo maɓɓe. Worɓe hono 400 ina ngondunoo e makko.

1 Samuwiila 22:4

Ndelle o yoppidi ɓe e kaananke Mo'ab, ɓe njooɗii toon. Ɓe ngoni toon faa haddi ko Daawda waɗi to lohol muuɗum deenowol.

1 Samuwiila 3:18

Ndelle Samuwiila haalani mo fuu, suuɗaay mo fay huunde. Eli wi'i: — Kanko woni Joomiraaɗo. O waɗa ko hawrani mo.