1 Samuwiila 22:14 - Dewtere Laamɗo Fulfulde Burkina Faso

¹⁴ Ahimelek jaabii mo wi'i: — Hakkunde maccuɓe maaɗa fuu moy woni koolniiɗo hono Daawda? Wo o eso maaɗa, wooɗi wo o hooreejo reenooɓe maa aan kaananke, wo o teddinaaɗo ley suudu maaɗa du.

1 Samuwiila 22:14 ပူးပေါင်းရင်းမြစ်များ

1 Samuwiila 17:25

Worɓe Israa'iila ina mbi'a: — Yalla on nji'ii gorko burtotooɗo oon naa? Imo wurtoo faa o jaayra Israa'iila e haalaaji. Kaananke danyinan baruɗo mo, hokka ɗum ɓiyum debbo de suudu bammum du yoofanee lampo.

1 Samuwiila 18:13

Ndelle Sawulu toowtini Daawda, waɗi mo kawjotooɗo e dow sordaasiiɓe ujunere. Ndelle Daawda na ardoo sordaasiiɓe, na yaha bolwole na warta.

1 Samuwiila 18:27

Daawda ummii, yaadi e worɓe muuɗum, de wari 200 hakkunde Filistiyankooɓe. O yaari muruuji maɓɓe de o hokki ɗi fuu kaananke faa o laatoo esum. Ndeen Sawulu hokki mo Mikal, ɓiyum debbo faa o ɓaŋa.

1 Samuwiila 20:32

Yonatan jaabii bammum Sawulu, wi'i: — Ko waɗi de o waree? Ɗume o waɗi?

1 Samuwiila 21:2

Daawda yehi wuro Nobi to almaami bi'eteeɗo Ahimelek. Ahimelek diwni kulol, wi'i: — Ko waɗi ngaruɗaa aan tan? Ko saabii a waldaa e fay gooto?

1 Samuwiila 22:13

Sawulu wi'i mo: — Ko waɗi nyo'uɗaa kam, aan e ɓii Yesa? A hokkii mo buuru e kaafaahi. A rookanake mo Joomiraaɗo faa o muurtana kam o tuufinana kam hono hannden nii.

1 Samuwiila 24:11

Ndaar, hannden nii njiiruɗaa e gite maaɗa no Joomiraaɗo wattiri ma e ley juuɗe am ley lohol. Woɓɓe mbi'i kam mi ware, de mi yurmake ma. Mi wi'ii, «Taa mi foorta junngo am e dow joomam, sabo wo o cuɓaaɗo Joomiraaɗo.»

1 Samuwiila 25:28

Miɗo ŋaare, njaafoɗaa woowre korɗo maaɗa, sabo sikke walaa Joomiraaɗo tabintinan suudu bammaa. Aɗa haɓa bolwole Joomiraaɗo, ammaa a waɗataa fuu ko boni haddi nguurndam maaɗa fuu.

1 Samuwiila 26:23

Joomiraaɗo na yoɓa mono fuu saabe laaɓal muuɗum e hoolnaare muuɗum. Joomiraaɗo wattii ma e ley juuɗe am hannden, ammaa mi foortataa junngo am dow cuɓaaɗo Joomiraaɗo.